Read Chothe Naga EBRIYA 13 Bible Online

EBRIYA 13 - Chothe Naga bible

EBRIYA 13

¹Khristen uleanao hekta akha lea akha lungshi hlakka ammo.

²Nangei inn shungei ha hulangei ta riemtuk rang angei thei oh, hitta ae ah atujongpa na dang hou no wa wanrui ngei ta riemtuk kae.

³Araen inn na am ngei ta ko angei thei oh mani hitta raen inn na am hekta ngai oh aol donga am ngei ta ko nangei aol dong hekta angei thei oh.

⁴Athieng nuhla hi meelim ngei na atri ajak kanga ae. Hana mani kotchung ha mutpi no shu oh, Chungthieng na woklou tullu akha chu mee namei mee pishal lal ngeita routreem mange.

⁵Naring chang ha sum lea pai di hei no oh akha chu na am hana ahap nei oh, maram chu Chungthieng na rillea keina etikka ko plella hou ang nonge, keina etikka ko hla ah hou ang nonge.

⁶Ani na atri am no lutta rillei oh, “Arengpu hi keita sanpipa ae, kei na atri ang nonge, keita atu na ae nea ang meh?”

⁷Nangei matienga lamkai Chungthieng ahra rou nangei kolla rilphur ngei ha angei thei oh, mani na alo ta ringa houphur akha chu a thiphur meh ti ha lea ah hallo, akha chu mani ngoiring ha ae chu oh.

⁸Jisu Khrista hi ajan ko awoni ko, akha chu atreem nei nowa hlong am no weh.

⁹Adang adang akha chu alou, dieklou chupi hana nangei ta choija thingpi no oh maram chu muihla ta abakpot anowa, lungshi na chet pi pana hra ae, abak ah een hina nutieng juija thing hana mani tarang ahra eko am no weh.

¹⁰Jihudi ngei mokna amunt hana tlon lu wa am thiempu na kani shaiphunga don nashi eheilim bakphung shuk no weh.

¹¹Jihudi ngei thiempulel na thiengtekti amunt hana paklim tarang don asha ngei thee choija lutte chuti weta ashangei apum ha chu auwa holla hou ae.

¹²Hina sharukka Jisu mathee hana meelim pak shilpi ranga hupi au-wao wa thi ae.

¹³Chuna sharukka inn oh wao wa makolla thingweta akhe chu majak tuklim ha pha ha eijo.

¹⁴Maram chu aleiram hina athanshakka am mang ani tarang hupi am no ae ani na phao ang hupi hatta anna ameh.

¹⁵Chuna sharukka ani na arengpu majarra Chungthieng am na ah apha changhonna adom na akat ti chu arengpu maninga ani na adom ha pe eijo.

¹⁶Ahra tullu lu akha chu akha lea akhu shanhlakha makno oh, maram chu hijongpa kat hi Chungthiengna pellea.

¹⁷Nangei lambai ngei ril juijo akha chu mani roupek juijo, maram chu mani na nangei muihla ta solha am no lutta runga am meh, maram chu mani tullu lu ha Chungthieng kolla pe ange. Nangeina mani ril juilea chu mani na mani tullu ha ariem ma ae ange chutinolea manina olla ae ange akha chu nahana nangei ta sanrang am no ae.

¹⁸Kani taranga chan nolutta nie pi oh, adiek diekno dang rang lung thieng am munge maram chu adiek ha apha changhonna kani na ae num munge.

¹⁹Keita Chungthieng na nangei kolla lea ah ranga hla rang lung lutta shilung thienga nie rang nangeita nie ah am minge.

²⁰Chungthieng na athi hei thou ringpi arengpu Jisu, kelmo ngei rung ha na kathukka mathit na jarra atreem neino roungir hi chumnam so weh. Mahal ha ae ranga Chungthieng adai hana nangei awat lim ha pe shu oh amo na Khrista jarra mapel rang ani chunga ae shu oh. Akha chu Khrista ta atreem am no wa domna nei shu oh. Amen.

²²Kalungshit uleanao ngei oh nangei ta ka jiekhla rou ha dang ngou oh maram chu keina nangei ta tronglam shei ah jiekka hla nonge.

²³Ani uleanao Timothi ta raen inn shonga heithou hla pi so weh ti nange na dango, amo na nangei kolla harra walea chu keina amohitta nangei ta ri hlak kange.

²⁴Nangei ta lamkai ah am akha chu Chungthieng mee ngeita kani riemtuk pepi oh, Italy heithou uleanao ngei hana kom nangeita riemtuk pe ae.

²⁵Chungthieng lungshit ha nangei lim chunga am shu oh.