Read Chothe Naga EBRIYA 3 Bible Online

EBRIYA 3 - Chothe Naga bible

EBRIYA 3

¹Chungthieng na kokpi kalungshit Khristen uleanao ngei oh! Ani ngoiring rilsuk pirang hina chungtek thimpu Jisuta wakhal halpi yo.

²Chungthieng ma inn sunga Moses na matullu lim Lungduh hekta Chungthieng halpi Jisu kom Chungthieng matulluta lungduh pi ae.

³Chuna inn sha, inn mitpu hata inntalella ajak ati hlak ke, Jisu hakom Moses ta lella matik cha ae.

⁴Adiek rouphom meh, sha ah am akha chu sha susa inn limpa, atu yongpa akha shak chakke, chuna pot limta sempiya am mitpu chu Chungthieng chakke.

⁵Matikcha suuk akha changa Moseshi Chungthieng insunga lungduh ae, akha chu anuting shuk kang eya, Chungthieng na rillanga, Moses na ahut silla rilpisowe.

⁶Chutiweta Khrista chu Chungthieng amo mak hina ma inn shung hina chungtek asanaopa ae akha chu lungduh ae. Anikom thouna hra ah akha chu, am halla am lungrang, chetta ngirra am lea chu anihakom Chungthieng hina inn shung akha ae.

⁷Chuna, athieng muihla na rilla am chu, “Nangna awoni Chungthieng sanrol hi thei talechu,

⁸nangei pipu ngeina Chungthieng ta andat hekta akha chu ramruka thinglei apha, nemo nenomo, pemo pe no mo chang eya an hekta, nangei shilungha kalno oh.

⁹Chungthieng na hita rille, manina akum somlee ka lu tullu danga akha chu manina Chungthieng ta chang eya an na si ae.

¹⁰Hana sarukka keina kalung hanga manita hito rillinge, ‘Nangeina apha changhon na karakit rou ngei hi jui num no chou weh akha chu keita apha changhon na ajak ati no chouwe.’

¹¹Keina kalung hanga sharo ei itta munha ah rouren pi inge, ‘nangei solhlak rang kapek amunt hana, nangeina etik kom lut nea ang no chou weh!’ ”

¹²Khrista ta ngoiringa am thanrul ngei oh, cheksillu oh, hachu Chungthieng ta hla ah thingweta, nangei karra atu adang akha nakom hrano akha chu ngoiringno lungrang shi no su oh.

¹³Chungthieng hina athieng tronglam na rilla shi yuine ranga nangei atu yongna papta meenam ma shilung kal no ranga nangei akha lea akha awoni rungni amleiya sanhlak ku oh.

¹⁴Maram chu anina amatinga ani ngoiringha atreem phao ah chetta ngirra am lea chu ani hi Khrista itta phaha ang ngeiha ah so weh.

¹⁵Chungthieng hina athieng tronglam na rilla am chu, “Awoni Chungthieng tronglam hi nangeina theita lea chu, nangei pipu na Chungthiengta ngainum no hekta nangei shilungha kal nou oh.”

¹⁶Chungthieng tronglam hi theiya, thei weta, amota andah ah akha chu ngainum nowa am ngeiha atu ngei meh? Ha ngei chu Moses na Egypt ram hei thouwa rul yah shuk meengei ha ae.

¹⁷Chungthieng na akum somlee atu ta lunghanga meh? Ramrukka pap ae yah thi mee ngei ta ae.

¹⁸Chungthieng saro eiya rourean piyah, maniha etik kom kapek ram mun hana lut pha ang niyowe, keita andat yar sarukka.

¹⁹Anina mit makka ripha ah, manina Chungthieng ta ngoiring no yarra, maniha ram mun hana tung nea no weh.