Read Chothe Naga JACOB 1 Bible Online

JACOB 1 - Chothe Naga bible

JACOB 1

¹Chungthieng akha chu Arengpu Jisu Khrista hina suuk Jacob kol hai thou wa simlei chung lim ma Chungthieng mee ngeita riemtuk pe ah am meh.

²Ka-u-kanao ngei oh, nataranga minna hallo, edang dang no wa nalampi ah eheilim ma ahlem phao kom ngei ae.

³Nang na nadang pharang chu hajong ahlem limma natukhlak jui ja thangshuk maipak shuk ta lea chu nang hi adongthei sho weta dang ngo.

⁴Suino wa nahallang chu hajong adong rat hana mani na ephao sui pi no lea chu ephao awat am no mapung pha mee akha so ae.

⁵Chutiweta nangei kar sunga atu jong pa na lungsing am no lea, amo ha Chungthieng kolla nie shu oh, amo na pe nea ae; rouram chu Chungthieng chu meelim ta atam ma shilung lokka akha chu lungshi ah pe nea ae.

⁶Chutiweta nangna niek juija ngoiring nga nie ang nga ae eko ngaidol no oh. Atumotieng hajong ngaidol mee amo ha chu tuipi lin na tuijul hek ti ae chuna thirang rang juija junga thing ang nge.

⁷Hajong mee ha chu ephao wa malung na angir am mang no ae, akha chu ma lu tullu lim ha lungir am no ae chuna amo na Chungthieng kol hai thou wa ejong akha pha ange ta hal no shu oh.

⁹Sarah Khristen ngei hi Chungthieng na mani ta dom ma kal jui ja ariem mang nga ae.

¹⁰Hana achongpu Khristen ngei kom Chungthieng na athui ja tol pi juija mani kom ariem mang nga ae. Rouram chu ram mulla tau reipar na charra thing chu hekta achongpu pa kom hahekti ange.

¹¹Siemnie na shukka hang jui ja ram pa lim nie sha dong nea no wa charre; reipar kom tui ae, akha chu ahra ha kom tuija thinge hi na chu hekta achongpu pa kom tui ang sha ae.

¹²Aol pha wakjui ja lung lea no wa ngoiringa ariem ma am ngei mani hana thang shuk maipakka pha jui chu, mani ha Chungthieng na amota lungshi ngei ta pe ange saro ma ei sha lom mant ha pha ange.

¹³Ejonga hajong ahlem na wak jui ja amo na na hi Chungthieng kol hai thou wa ahlem pa ae ta ril no shu oh. Rouram chu hrano na Chungthieng ta etikkom hlem nea no ae akha chu amo na kom atu akha ta hlem no ae.

¹⁴Chutiweta mee chu amo na hrano tullu madit hana amota ahlem tukkae.

¹⁵Chuna hrano tullu madit hana nao ron na pak don ae; hana pak hana lok jui ja chu athi pha ae.

¹⁶Uleanao ngei oh, hungpher no shu oh!

¹⁷Ahra kuthul akha chu rakit pha tullu lim hi thangwan hai thou junge; na hi Chungthieng kol hai thou wa jung sha ae amo ha chu thangwan na awar sempipa sha ae, hana atu akha na amota nulea pi weta athiem wul pi nea no ae.

¹⁸Mahal malung hana ani ta adiek rou trong hita amo na rui ah phao pi sho, chu lea chu ani na makut sem ngei lim kar sunga ani na masha ah am phung shukkae.

¹⁹Ngaithei oh kalungshit uleanao ngei oh! Meelim na rou chu hara thei pha ang nga ae. Chutiweta rou ril shuk lea lungshat chu har ang no sha ae.

²⁰Malmashi lungshat na Chungthieng dramochel pha nea no ae.

²¹Chuna hrano nasiemshak akha chu amut tullu ha hou jou oh. Hana Chungthieng pek marou ma trongshan ha nalunga la jou oh, na hana nangta sanpi nea ae.

²²Marou ngaithei chak changno oh, hana hutta tullu changa ae oh.

²³Atujongpa na rouril ha thei chu theiweta tullu changa ae no mee chu spa akha na mamel melsen na an na hata am hek ti ae.

²⁴Amona mathei chakka mamel ha minna an weta shukka thinge hana amohi ejongpa melmo ae chu maklen so ae.

²⁵Apha changhonna roukung hata hrabakta ngei weta amak am no lutta tullu chang nga ma ae jui ja jaihra pha ange.

²⁶Atujong na amo hi dramochel mee ae ta halla meh? Ejonga amo na maleipar ha chekshil no lea chu madramo machel ha ariem sum ae hana matak na matak ta ngaidol mee ae.

²⁷Mapa Chungthieng na athieng adiektak akha chu dramochel mee ae ta hal chu, hi ae. Nuleapa sum akha chu arong tuimei na aol ana pha juija hrabakta shelpi rungpi hana akha chu akha ta matakna hrano amut simlei hai thou wa lutnorang anpi ta ae.