Read Chothe Naga JACOB 2 Bible Online

JACOB 2 - Chothe Naga bible

JACOB 2

¹Ani arengpu Khrista Jisu minga kalungshit uleanao Arengpu ahung ajai hina. Nangei na mee ngei mel an weta adang adanga hran na tullu lu no oh.

²Ejonga achongpu pa na sona kutjabik donna akha chu alinglut ahra senga nangei bomtul na ah phao ah, akha chu Sarah pana apun adier atit sha ha seta phao lea chu.

³Ejonga nang na apun ani ahra jon pa tah hella ajak ati ah “Ahra ang na hina am sha ae ongo,” chuti weta Sarah pa ta chu, “Nangna ha na ngir ro, ano lea kae to na alei chunga ong nga,” ril ta lea chu.

⁴Nang hi nangei kar sung phao wa kom hrano ahran tullu lu ah am che ae. Akha chu hrano saitan routreem ae ah am meh.

⁵Ngai oh, kalungshit uleanao ngei oh! Chungthieng na nasimlei hina Sarah ngeita ngoiring tienga chongrang hal lea, chu amota lungshi mee ngei taranga masaro ei sha rengram ha pha ranga.

⁶Chutiweta nang na chu sara ngeita ajak ati no ae! Achongpu ngei no meh nangei ta routreem ha? Manina aol ana peh mee ha!

⁷Mani ha ae nangei ming ahra hata hrano wa rouril ha.

⁸Jieksha rou na ril chu hekta, “Nang na na inn ning tuitieng ta natak mak hek ta lungshi oh” rou phun ha mak jui ta lea chu adiek takka nangei na ahra tullu lu ah ae. Na chu athieng abai shunga tukkae.

⁹Chutiweta nang na ejonga awao wa meemel an weta tullu lu ta lea chu nang na pak tullu lu so ae, hana nanghi rouphun hata kui pi mee ha ae, chuna rouphun na nang ta routreem ange.

¹⁰Chuna atujong mee na tronglam ta akha juino shu lea chu amo na peksha tronglam lim ta jui no mee ae.

¹¹Rouram chu nahita akha rukkae, “Mee namei ta lal thing no oh,” hana woiha pa kom, “Mee that no oh,” Chuna ejonga nang na mee namei tah lal thing no che hal kom nang na mee tah that ta lea chu na ha kom rouphun ta kui pi ha nange.

¹²Adiek routreem ae thei ngei na ani ta hla chu hekta natrong nu jui ja tullu kom lu oh.

¹³Rouram chu ringrei thei lou atu motieng na routreem ma ae juija machunga Chungthieng na ringrei ngei pi ang no ae; ringrei ngei na routreem ta ane ae.

¹⁴Kalungshit uleanao ngei oh, Atujong akha na ngoiring inge tah ril weta tullu tol no lea makolla hoija hra ah meh? Chuna ngoiring hana amota san na meh?

¹⁵Ejonga uleanao sar lea tah punchoi rang kom am no hana abak rang kom am no ngei kolla.

¹⁶Nangei na manita, Chungthieng na jaihra pe shu oh akha chu lummo, won shiah bakko rilweta eko peno lea chu echu ahra ah meh?

¹⁷Chuna tullu tol no wa ngoiring chak chu, athi sha ae.

¹⁸Chuna nangei kar sunga atu mo akha na hita rillea chu, “Apa akha na ngoiring nge akha na tullu changa lu mee ae.” Hina karil num chu, “Alo ta atu mo akha na tullu tol no lutta ngoiring mee ha ri pi oh, kei chu nangta ka tullu hina kangoiring ri pi tikkae.”

¹⁹Chungthieng akha chakkae ti hi nangna ngoiring che? Hra ae! Dijabol na kom ngoiring nge aty ahier ae.

²⁰Lungmo apa! Nang na naha dang num che tullu tol lou ngoiring chu ariem sa ae.

²¹Alota ani puthou Abraham ta Chungthieng na adiektak ngoiring mee ae ta halla sha? Na ha chu asanao Isaac ta maicham ma mapek matullu hana ae.

²²Nangna ripha no che? Mangoiring lea matullu ha akha chakno meh, ma tullu hana mangoiring hata rakit pha pi ae.

²³Hana jieksha rouril ha adiek tak tung so ae, “Abraham na Chungthieng ta ngoiring jarra Chungthieng ta mangoiring hana sharukka dramochel mee ae ta lah pi ae,” Chuna Abraham ta Chungthieng na tongpi ta kokkae.

²⁴Anno matullu ae hana Chungthieng na mee hata adiek mee changpi ae chuna mangoiring nachak ah no ae.

²⁵Nahi vokno Rahab ta shuk pi hekti ae Chungthieng na matullu hana amo ta adiek mee changpi ae, tichu Israel ngei aru rouron mee ta hrabak ta tukhlakka manita sanpi ah adang lam tienga hlapi jarra.

²⁶Chuna pum hi muihla tol no wa chu athi sa ae, chu hekta tullu tol no ngoiring chu athi sha ae.