Read Chothe Naga 1 PITAR 1 Bible Online

1 PITAR 1 - Chothe Naga bible

1 PITAR 1

¹Jisu Khrista hina arui Pitarna Pontus, Galatiya, Cappadocia, Asia ah akha chu Bithynia, ram shunga hu tanna am chok chai ah am ngei Chungthieng na ahal sa mee ngei.

²Anipa Chungthieng na nangta ahal anu jui ah akha chu manita athieng muihla na thieng piah, Jisu Khrista aril atrong jui ah, mathee hana thieng pisowe. Chungthieng hina lungsit akha chu adai ha shihakta nangei kolla am su oh.

³Ani limpa Chungthieng akha chu ani Rengpa Jisu Khrista mapa ta ariem ma dom eiyo! Maram chu Chungthieng na lungsit pi yarra Jisu Khrista ta athisa heithouwa ringthou pisowe, ani limta athar ringchang pepiya, thilou lungrang ani shilung sunga si pi ae.

⁴Chuna sarukka ani maitinga, am, Chungthieng hina yaihra atam pharanga, Chungthieng na amota ngoiring ngei taranga mangang lou amunt ahoi thangwan ram ha sempi so weh.

⁵Chungthieng hina arat athei ma ae nea hana, atreem ni rungniya ripiranga sem mashi aring keto hina tarang, ngoiring hina yarra nangeita sum runga am meh.

⁶Atun apha atite sunga, kanan ranga alea chu, adang adang tinga nangeita hlem ma ol halkom, nangeina ariem muh oh.

⁷Mani na ahal chu nangei thieng ngoiring ha ae. Mang ang sona phaowa meiya ro weta chang ann ae, nangei ngoiring hachu sona ta lella aman tamtekke chuna nangei ngoiring kom chetta ngoiringa mota chang an nange. Hana Jisu Khrista na anita ripini rungni ah, nangeina adom akha chu ajak ati mee akha pha enge.

⁸Nangei na mitta ripha nohalkom amota lungshi chou weh, nangeina mitta ripha no halkom ngoiring chouwe. Chuna nangeina murra ril shuk nea no makhei ariem mu oh.

⁹Maram chu namuihla ha aring keto pha ha, Chungthieng ta nangoiring anu jui ah ae.

¹⁰Aring keto hina sarukka nangeina pharang rouphu ngeina humma baija jonga, Chungthieng na pekkang khuthul hina maram ma rouphu ngeina ril phurre.

¹¹Khristana aol dong ngan makhei akha chu hina heithouwa, anutinga mahung majai pharanga, mani sunga am Khrista hina muihla hana roungir pi weta, rilla houp hursha ha, eyong eyongpa apha ah shuk kanga mo tihi, manina yong phurre weh.

¹²Chungthieng na matrongsan sui thing ngeita ri piphurre, hachu manina matak taranga ekom hal no lutta, nangei taranga roulam eya ngeihi ae ah houphur so weh tihi manita rilla houphur so weh, atunchu rilla houphur tong san hi thangwan ramma heithou hla athieng muihla na ahra tronglam suithing ngei yarra, nangei kolla ril shuk so weh, roulam ngeihi wanrui ngei kom shilung lutta dang num meh.

¹³Chuna sarukka shilung lingnolutta am mu oh, chuna sarukka Jisu Khrista ta ripiyuiya, nangei yaihra meelung ngir ah danga am mo.

¹⁴Chungthieng ril trong jui oh naring chang ha amathing nga na dang no lei hek ta adit apam ma theng pi no oh.

¹⁵Chuna hutta nangeita kokpi Chungthieng amona thieng hekta, nangei tak kom, nangei lu tullu lim pa kom thienga am manga ae.

¹⁶Chuna athieng Chungthieng tronglam na rille, nangeina thieng ngao oh maramchu kei thieng inge.

¹⁷Akhachu mee chang sangkal an no lutta mee changhon hinna tullu anu jui ah routreem pi Chungthieng amota nangeina Apa kok talachu, nangeina simlei hina ringa am leiya Chungthieng ta ajak ati ah thingo.

¹⁸Maram chu sona anole rupa manga ngai pot hek anolutta, napa napu haithouwa ae ah houphur hrano tullu eja limta hla ah houpi ha nangei na dange,

¹⁹Ha chu ahur ati akai am lou kelmo nao hekti Khrista mathit pi jarra ae.

²⁰Khrista hi simlei ram sem ma ting hei thouwa Chungthieng na amota hal su so weh akha chu hi atreem ni rungniya nataranga ri pi so weh.

²¹Makol heithouwa nangna Chungthieng ta ngoiring soche ae, amona athisa heithouwa ring pisowe akha chu amona ariem ahoi kom pe pisowe, chuna na ngoiring akha chu nalungrang lim, Chungthieng ta den na am meh.

²²Atun adiek rou nujuija thiengso chou ae, akha chu nangei tonpi thanrui hitta shilung thienga lungshit hlakang pha so ae. Chuna shilung lutta akha lea akha lungshi hlak ka am mu oh.

²³Ti chu aring akha chu atreem amlou Chungthieng trong sanna thi ang lou manupa ngei sanao chunga lea ah don so che ae.

²⁴Athieng tronglam na hita rille, “Malmashi limpa hi rampa hek ti ae, akha chu mani ahoi ahra lim ha aponna reipar hek ti ae. Rampa na charrae, akha chu reipar na tui ae,

²⁵chutiweta Chungthieng hina tronglam chu atreem nainowa mang no lutta amange.” Nangei kolla arilla am hi Ahra Trongsan ae.