Read Chothe Naga 1 JOHON 3 Bible Online

1 JOHON 3 - Chothe Naga bible

1 JOHON 3

¹An oh, Pathieng na hija lungshi hi hija! Malungsit sarukka anita Chungthieng asanao ae ta kokpi so weh. Routak ka anihi Chungthieng sanao sha ae. Hina sarukka simlei ramna anita amel dang no weh: Chungthieng takom simlei meena amel dangnowe.

²Kalungsit tongpi ngei oh, atun anihi Chungthieng asanao ngei so weh, chuti weta ani hi e-chang ang meh ti hi atun chu thienga dang no ae, chutihal kom Khrista na phao juija ani amo hekti ange, maram chu amo makta anina ri ange.

³Khrista kolla hijong lungrang shungmee na matak kom thienga shi ange maram chu Khrista kom thienge.

⁴Atujongna pap ae lea chu Chungthieng rouphu kuipi ae ti maral am meh, ti hi Chungthieng rouphun kuipi ha sha ae.

⁵Chuna nangeina dang sasowe, hachu, pap hrano lim ronna thieng piranga Khrist ta hlapisowe akha chu Khrista kolla pap ekom am no weh.

⁶Khrista kolla tatnowa am mee limpana pap ae ah am no weh: chuti weta pap am mee limpana Khrista ta rikom rinowe, dangkom dang no weh.

⁷Kalungsit unga ngei oh, mee atu akha nako nangeita alou lamtinga ruithing nosu oh. Adiek ae mee ha dramo chel mee ae, Khristna dharmo chelhekta.

⁸Atu yongna pap lamtinga chak ae thing am talechu amo, ha Saitan mee ae, maram chu athouna hei thouwa Saitan chu pap chelle. chuna sarukka Saitan hina tullu limta mang pi ranga, Chungthieng hina asanaopa simlei hina yunge.

⁹Chungthieng kol heithouwa shuk mee limpana pap ae no weh, maramchu Chungthieng hina lam makolla am meh akha chu Chungthieng mapa ae amona pap ae ah am nea no ae.

¹⁰Hina Chungthieng sanao ngei akha chu Saitan hina sanao ngei ae tihi ripha ae. Adiek ae no mee ha akha chu ma uma nao ngeita lungshi no mee ha Chungthieng sanao no ae.

¹¹Maram chu athouna heithouwa nangeina theisa tronglam ha chu hi ae, ani khale kha lungsit hlak kang nga ae.

¹²Anina Cain hek ti ang nowa ae; amoha hralou akha am sha rukka manaopa Abel ta thatte. Aye sarukka Cain na amota thatta meh? maram chu ma lu tullu lim hi diekno ae, chuti weta manaopa lu tullu chu adiek tullu ae.

¹³Ulenao ngei oh, simlei ramna nangei ta anda halkom, nangeina angak shuk no wo.

¹⁴Anina athita houwa aring, tinga wa so ae tihi anina dange, maramchu anina ani ule nao ngeita lungshi ae. Atu yongpa na lungshi am no lea chu amo hi athi thuiya atun phao am shong nge.

¹⁵Atu yongpana mata ulenao ngeita anda lea chu amoha meethat mee ae, akha chu nangeina dange, meethat mee na etik kom samla ringchan ha makolla am no weh.

¹⁶Lungshi tihi hita dang pha ae, Khrista na anitaranga maring chang pea pe phur so weh anikom ani ulenao ngei taranga ani ringchang pe ang nga ae!

¹⁷Eyong achongpu akha na ma ule nao ngei kanat rang riweta amona makolla pepinolechu amo na Chungthingta lungsi ae ta ril nea ang meh?

¹⁸Kalungsit sanao ngei oh, anina mur akha chu tronga chak lungshi hlak no eiyo. Adiek lungshi, tullu ah muh aei oh.

¹⁹Hihina anina adiek heithouwa ae tihi anina dang ange akha chu ani shilungna mamai khunga ngir nea ange.

²⁰Ejonga ani lung halna anita lalpi lea chu, Chungthieng na ani lung halta lella lok tekke, akha chu amona eheilim ripta dange.

²¹Kalungsit tongpi ngei oh, ani shilungna anita lal pino lea chu, Chungthieng lamtinga anina thanum thathou nea ae.

²²Akha chu anina niek limpahi Khrista makol hei thou wa pha ae, maram chu anina Khrista maril matronglim jui ah thinge akhu chu madit mit an ah anina hamak thinge.

²³Akhachu Khrista hina tronglam ae, hachu Khrista amo hina asanao pa Jisu Krista minga anina ngoiring anga ae, anina akhale akha lungshi hlak kanga ae.

²⁴Atu yongpana Chungthieng ril tong jui mee ha, Chungthieng hitta am ha ae akha chu Chungthieng amona makolla; akha chu Chungthieng amona anita pek pisa muihla hina yarra, Chungthieng amona anita tatno lutta am meh tihi anina dang pha ae.