Read Chothe Naga 2 JOHON 1 Bible Online

2 JOHON 1 - Chothe Naga bible

2 JOHON 1

¹Ulien hei thouwa, ahalsa nameinu akha chu amohina asanao ngeita. Keina nangeita adieka lungshi inge, akha chu keina chak ano lutta adiek hata dang mee limpa nakom lungshi ae,

²Maram chu adiek ha anikolla am meh akha chu hayongpa adiek ha anikolla atreem nainowa amange.

³Anipa Chungthieng akha chu anipa Chungthieng hina asanaopa Jisu Khrista na lungsit, ringrei thei, akha chu adai ha ani kolla adiekka akha chu lungshi ha ani tarang chang shu oh.

⁴Pathieng pek trongshan chu hek ta nangei sanao ngei na diekka ringa am katuk hlak juija keina eja ah ariem sha.

⁵Akha chu kalungsit namei nu oh, keina nakolla rilla aminge: anina akhale akha lungshi hlak ka amanga ae tihi athar Chungthieng tronglam keina jiekka am ah nonge, na tronsan hichu halla hei thouwa jiekka shi sa so weh.

⁶Hatiweta anina Chungthieng mata tronglam limhi jui ah thing tihi adiek lungsit ae. Nangeina amating heithouwa theisa, hanutinga jui ah nangeina thing ngan nga ae ti tronglam ha hi ah so weh.

⁷Chuna Jisu Khrista hi malmashi akha changa simlei ramma yunga am phur ae tihi ngainum no hungthei ngeiha simlei hina shuk so weh. Hiyong mee ngeiha hungthei mee ae akha chu Jisu Khrista ta anda ngei ae.

⁸Anina tullu lu shu sa limpa ha nangeina mangpi no lutta ahrabakta ae na mant pharanga, nangei sunga hra bakta amu oh.

⁹Atu yongna Jisu Khristana chupi takpi eya limta chetta ngirra am no mee akha chu machupi matakpi ta lella yuinowa thing mee ngeiha, Chungthieng ta lasil no weh. Khristana chupi takpi lim jui ah chetta ngoiringa ngirra am mee amoha, mapa Chungthieng takom asanaopa takom chetta adiekka lasil akha ae.

¹⁰Atu yong pana nangei kolla phaoweta Khrista hina chupi takpi hi choiya phaono talea chu, amo hata nangei inn na lut pino oh akha chu amota riemtuk pino oh akha chu adai ha nakolla am shu oh ta phao ril no oh.

¹¹Maram chu atu yongna amota adai pha shu oh ta hallea chu hrano ma lu tullu lu ha mee chang so weh.

¹²Nangei kolla tronglam ehekta karillang amhom meh, keina che akha chu mukka jiek num nonge chuti weta ani ariem hi rakit ranga keina nangei akha tuk hlak numinge.

¹³Nangei lungsit na oute hina asanao ngeina ariemma tronglam lan na hla ae.