Read Chothe Naga ROUPHUH 13 Bible Online

ROUPHUH 13 - Chothe Naga bible

ROUPHUH 13

¹Keina tuipilin hei thou wa ramsha akha shukka hang ri inge. Amo ha aki ashom akha alu sari nei ae, aki chang honna lubur akha, akha am meh, akha chu alu chang honna Chungthieng ta nuisho na ming akha akha am meh.

²Ramsha ha anjuija kairang kai ae, makae na awom kae hekti ae akha chu mamur na sora mur hek ti ae, shantai hana ramsha hata marat, maphomlu akha chu malok ma ane lim pe so weh.

³Ramsha hana alu akha ha chu akui alimsha hekti ae, Chutiweta akui alim ha dom shier so weh, shimlei lim na angak shukka ramsha hana nutieng juije.

⁴Limpana shantai hata mok so weh maram chu ramsha hata anelim ha pephur so weh. Mani na ramsha hatakom mokkae akha chu hitta rillea, “Ramsha hekti atu am ma meh? Atu na amo ta ral ane ang meh?”

⁵Hana amo na Chungthieng chunga eko no hekta trong han rang lokchok ti rang rou pepi so weh akha chu hla shomly ani phao taranga pepi so weh.

⁶Chungthieng maming ma am na munt akha chu wanram ma am limta sharkou thou so weh.

⁷Chungthieng mee ngei chunga akha chu jat changhonna adang, adang tronglim ta ral aja ane rang angai ha pe so weh.

⁸Shimlei shem matienga thatphur kelmo hina aring abai shunga ming tol na ano wa chu alei chunga ringa am meelim pa na amota mokkange.

⁹“Kour am talea chu thei oh!

¹⁰Atujong ta mant phung shuklea amota suino wa mant ange, atujong pana chamshai ah thatphong suklea sai no wa chamshai ah thattange hi, hina Chungthieng mee ngei kolla adong thei akha chu ngoiring shuk ranga ae.”

¹¹Kei na ramsha adang akha aleiram hei thou shuk ri inge amo ha kelmo ki hekta aki ani nei ae akha chu shang tai trong hek ta tronge.

¹²Chuna amo na mashapa ramsha hana ma ane lim ha choi ae, akha chu alim akai am ramsha hatta shimlei akha chu hana shunga ringa mee lim ta amo na mokpi ae.

¹³Hi ani shupa ramsha hina alok anealah ashukkae, amo na meelim maija awan chung hei thou mei shukpi ya shimlei chunga tulpi ae.

¹⁴Mashapa ramsha hana maikunga anealah ae rang pek hana sharukka amona shimlei ja ringlim ta hungthei ae, hitta aja shimlei ja ringa am chamshai hana ameh am akha chu ringthou ramsha ana ma melrung kai ha shem shu oh ta amo na rillea.

¹⁵Ani shunapa ramsha hata masha pa ramsha hana melrung hatta aring huthal pekrang angai pepi so weh, chuti lea chu melrung hana trong shukka amota mok no ngei ta thattange.

¹⁶Ramsha hana namha ah meelim ta, asin akha alok achong akha chu shara, kor akha ahla mee ngei ta mani changtieng kut ano lea mani chalpanga ameh akha am rang.

¹⁷Atu akha nako hi ameh, ti chu ramsha hana ming ano lea chu ramsha hina hutta am mashing tolnowa chu alei ajur ngai no ae.

¹⁸Hi, hina lungwar shuk rang am meh, adang athei amo hana ramsha hana mashing tel sho oh. Maram chu naha mee akha hina mashinge, akha chu ma mashing ha chu 666 ae.