Read Chothe Naga ROUPHUH 14 Bible Online

ROUPHUH 14 - Chothe Naga bible

ROUPHUH 14

¹Hana keina ka anjuija Zion mul chunga kelmo amo hitta maming akha chu mapa ngei ming achal panga jiek meering 144,000 ngirra am meh.

²Akha chu wanram heithou wa akuk tuishor hekti shanrel akha chu aring lari tarat hekti thei inge. Akha chu kathei shanrol ha thil tumpet tum ngei na mani thil tumpet tum hekti ae.

³Chuna phomlu hana, muihla am inly hana akha chu ulien changei maikunga athar lah akha hekta mani na sha ae, akha chu shimlei ja am mee 144,000 hana ano wa chu mee atu akha na kom sha nea no weh. Mani hachakkae ahlok mee ngei na.

⁴Na ngei hi namei ngei hitta vokno lamma thing no ngei ae maram chu mani ha athiengei ae. Hi ngei hi kelmo nao hana thingna chang honna anu jui ngei ae, nangei hitta mee ngei kar shunga Chungthieng akha chu kelmo nao am na munt na masha tekka ara chang rang am meh.

⁵Mani na etikka kom murthei no weh. Mani ha aral am no weh.

⁶Hana shimlei chunga ringa am ngei jat salai tronglim akha chu mee chang honna ril shuk ranga, atreem neino ahra trongshan choi ja am wanrui adang akha na wanjai ja junga am kei na ri shange.

⁷Akha chu amo na aring shan rolla rillea Chungthieng ta atri oh akha chu arengpu amota dommo, maram chu arengpu marou treem rang apha wa so weh, akha chu awan ta shimleita, tuipilin ta akha chu tuichir tuikung lim ta shom pi phur pa arengpu amo ta nie jou oh.

⁸Akha chu nungtienga am ani shupa wanrui adang akha na rillea, “Amo ha treem so weh, alok Babylon ha treem so weh! amo na meelim pa ta matuisik ehekta akal pumna dit tuisikha meelim ta een pisowe!”

⁹Masha anita jui inthum shuna wanrui akha na shanrol ringa rillea, “Atujong na ram sha hatta akha chu mamelrung hatta mok akha chu achal panga anolea akutta ameh am ngei,

¹⁰mani thei chakna Chungthieng ehekta ano shukka lungshat tuisik in nange hana amota sarmei na akha chu shalphar na athieng wanrui ngei lea kelmo nao maikunga aol pe ange.

¹¹Akha chu manita olpina meihut ha atreem neino wa hutta kallea, hana ramsha hatta akha chu mamelrung ta mok ngei na no maning hina ameh tuk atu jongpa na ka. Mani na nishun jantieng solha hithang no ae.”

¹²Nahina athiengei ti chu Chungthieng tronglam lim akha chu Jisu ta ngoiringei na adong thei ha am meh.

¹³Chuna wanram tienga shanrol akha na hitta ril kei na thei inge jiekka shi oh, atun hei thou wa Rengpu taranga thi ngei ha jaihra ae muihla hana rillea ae, weh routakkae mani na mani aol tullu hei thou solha jou shu oh, maram chu mani tullu ha mani hitta thing ha ae.

¹⁴Chuna kei na ka an na shumphai angoupa akha, hana chunga anjuija malmashi kai alu wa sona lubur akha chu akutta apot kuite choija shumphai chunga onga am ri inge.

¹⁵Hana dang wanrui akha na mokna hei thou shuk weta shanrol ringa shumphai chunga onga am akha hata ril, “Nakuite ha choi weta shangpop jou oh maram chu apha ha tungsowe, shimlei hi min so weh apop rang!”

¹⁶Chuna shumphai chunga onga am akha hana makuite hi choi so weh aleiram hi pot so weh.

¹⁷Chuna adang wanrui akha wanram makna inn hai thou shuk ri inge akha chu amo ko kuite apop kuite akha choi ae.

¹⁸Adang wanrui sarmei hatta ronna am, shaiphung hei thou shukkae, amo na apop kuite choi wanrui hatta shanrol ringa aowe, “Kakuite choi apa shimlei angur mahun na angur ha tanjou oh, maram chu angur ngei ha min so weh!”

¹⁹Chuna wanrui hana shimlei chunga jun so weh angur ha akung heithou wa tansowe akha chu Chungthieng na akengsha ah angur tui shom na ah manita deng so weh.

²⁰Angur ara ngei ha hupi awao wa am ashem na hana shem so weh, akha chu angur shamna heithou wa athee na kelometer rihathum shai ah akha chu meter ani thukka tuireng hekta lunga shukkae.