Read Chothe Naga ROUPHUH 15 Bible Online

ROUPHUH 15 - Chothe Naga bible

ROUPHUH 15

¹Chuna thangwan na keina adang atri pi alok akha chu angak akha ri inge. Hana wanrui seri hit rai sari hina atreem akha so weh maram chu Chungthieng lungshat ha atreem na changa ripi so weh.

²Hana sarmei tol likli melshen kai tuipi lin hekta akha chu, ramsha hana hei tho wa mamelrung heithou wa akha chu hana maming hina masing hana hei thou wa ring thou ngei na Chungthieng rasham choiweta likli melshen kai tui pi lin na ngirra am keina ri inge.

³Akha chu Chungthieng hana suuk Moses hina laa akha chu kelmo hana laa sha ah am meh: “Ene nepa Arengpu Chungthieng, na ae phur lim hi eja ah lok atri pi meh jat lim ma Rengpa nalam hi eja ah diek akha chu thienga meh!

⁴Atuna ko nalungshat hana ngir nea no weh arengpu, atuna nalok nashai ta ha atu na rilshuk num mang no meh? Nang chakkae athieng pa, jat lim na phao weta nangta mokkange maram chu adiek natullu ngei ha limna ri dange.”

⁵Hina nutienga keina wan mokna inn hong ri inge, Chungthieng am na dambur inn hako tollea.

⁶Rai sari choi wanrui sari na mokna inn hei thou shuk so weh, athieng akha chu ade pun shenge akha chu sona konghit na mani tangei ha hlum meh.

⁷Chuna muihla inly shenga akha na wanrui sari hatta atreem nei no wa ringa am Chungthieng lungshat shi hakta am sona tui um pe ae.

⁸Mokna inn ha Chungthieng mahung majai, marat jarra meihut na shihak ti ae akha chu wanrui sari hana rai sari ha chan malim ma mee atu akha nako athieng inn shunga lut nea no weh.