Read Chothe Naga ROUPHUH 16 Bible Online

ROUPHUH 16 - Chothe Naga bible

ROUPHUH 16

¹Hana mokna inn shunga hei thou wa shanrol ringa wanrui sari ta rilla am thei inge, “Thing chou weta Chungthieng lungsha wonshang ha aleiram chunga bun thingo.”

²Masha pa wanrui na thingweta mawonshang ha aleiram chunga bun so weh, atri pi athak ara ramsha hana ameh akha chu ma melrungei ta mok ngei chunga shuk so weh.

³Hana ani shunapa wanrui na tuipilin chunga bun so weh, hana tui ha athi mee ngei athee hekta chang so weh akha chu hana tuishunga ringa am lim thi so weh.

⁴Hana inly shunapa wanrui na ma wonshang ha tuiwa tuichir chunga bun so weh akha chu mani ha athee wul so weh.

⁵Keina tui hatta runga am wanrui na rillea, “Na routreem ha adiekkae, oh a thiengpa, atun na ko ama tienga ko.”

⁶Manina Chungthieng meengei akha chu rouma phungei thee ha bun so weh akha chu nangna mani ta athee ha en rang pe so che mani pha phung shukha pha so weh.

⁷Hana keina shaiphung heithou shanrol akha na ril thei inge Chungtek Rengpa Chungthieng naroutreem ha adiek akha chu athieng sha ae.

⁸Inly shunapa wanrui na siemni chunga bun so weh mee ngei ha nisha hana kang so weh.

⁹Mani ha arang nisha hana kang so weh akha chu Chungthieng maming ta shar kou so weh rai lim shukpi pa amota. Chutiweta mani na mani pak hei thou wa mai hei lea no ae akha chu Chungthieng malok mashaita dom no ae.

¹⁰Hana ranga shunapa wanrui na ma wonshang ha ramsha chunga bun so weh. Chuna athiem na ramsha rengram chung tul so weh, akha chu mee ngei na na hei shulla mani lei ngei ei so weh.

¹¹Mani na ana akha chu apot anum pha sharukka wanram Chungthiengta sharkou ae Chutiweta mani na hrano lam hei thou wa mai hei lea no weh.

¹²Hana aruk shupa wanrui na mawon shanga ha alo tuiwa Euphret chunga bun so weh.

¹³Hanapa chu keina utok hekti thiengno muihla inthum ri shange mani ha shantai mur heithou ramsha mur hei thou, akha chu dieklou rouma phu mur hei thou shukkae.

¹⁴Manina ha anelah ae dijabol muihla ngeisha ae.

¹⁵“Angai thei ah ngai oh! Kei arutheipa hekta phao winge hana enrang la ah akha chu pun dier shenga hakka am amo ha jaihra ae amona hlai ah mee abom mai ah rollang no weh!”

¹⁶Chuna wanrui ngei hana rengai ta Ebriya tronga Armakedon ti amunt na rui phao ae.

¹⁷Wanrui sari shunapa na ma wonshang thirang shunga bun so weh. Aring shanrol akha na mokna inn phomlu hei thou wa rillea, “Shu so weh.”

¹⁸Hana chu hucham plak, atek bouchal ruri akha chu atripi lingnu nok shuk so weh, mee shem thou hei thou wa hijongpa lingnu nokhi etikka ko shuk no shonge, Nahina lingnu noklim chunga loktekkae.

¹⁹Alok hupi ha inthum shukka hui so weh akha chu ramlim ma hupi mang sowe. Chungthieng na alok Babylon ta malung shat tuisik ha ma wonshang heithou wa inpi ha angei thei ae.

²⁰Tuilin jai ah ramkanglim kom rinijowe hana amullim kom mangsowe.

²¹Alok arellung kelogram shom nga ritshap ti hana arelna aol ana pha sharukka Chungthiengta sharkou ngei chunga wanram heithou tullea maram chu nahina ehekta aol ana pha ae.