Read Chothe Naga ROUPHUH 17 Bible Online

ROUPHUH 17 - Chothe Naga bible

ROUPHUH 17

¹Wanrui sari shunga wonshang sari choi wanrui akha hana wa weta keita rillea, “Wa oh, ehekta aming thing honrei ti chu tuiwa kolla nei ah inn sha am alok hupi hatta keina alo ta akang lah ang meh ti ha muh tikkae.

²Shimlei ramma Rengpa ngeina amo hitta voklou tullu lu so weh, akha chu aleiram ma mee ngei na mavoklou tuisik ha een weta rui so weh.”

³Muihla hana keita lung mant na, akha chu wanrui hana keita ram rukka rui phurre, hana namei akha na Chungthieng ta alalsum kharim na, na shihakti alu sari akha chu aki asom nei ashan ramsha chunga onga am ri inge.

⁴Na namei ha shanrouti akha chu ashan pun shenge sona hri amant tam alung akha chu kungkap lung na hlum meh, akutta atien akha chu achor ti chu thienglou woklou tullu na shihakti sona wonshang akha amo na choi ae.

⁵Machal panga athup rou, “Hulok Babylon woklou nu ngei akha chu shimlei chunga achorpot lim hina manu ta ril ajiek sha ming hi am meh.”

⁶Akha chu namei na Chungthieng meengei athee akha chu Jisu ta ngoiringna maram ma thatsha ngei thee na rui ae, keina amota kari juija angak shukkinge.

⁷“Eje rang sharukka nang na angak shukka che?” Wanrui hana keita sai ae, “Keina nakolla namei hana athup rou ha akha chu amota choi ja am alu sari aki asom nei ramsha hana maram ha riltikkae.

⁸Ramsha ha amphurre, Chutiweta atun chu am no weh, mang ranga atreem am no kum hei thou shukkange, aleiram ma am shimlei shem ma tienga thou wa aring abai shunga ming jiek phurno meelim hata ramsha anjuija angak shuk kange amo ha apha akha ah ring phurre atun chu. Ringa am nijowe; Chutiweta amo ha lea ah ri pha shier ange.

⁹“Lungshing lungwar shukrang sha ae alu sari ngei ha chu namei hana onga am amul sari ha sha ae, mani ha arengpu sari kom ah sha ae,

¹⁰mani ranga ha chu tu sho weh akha ha chu polla am shonge, adang akha ha chu phao no the shonge, amo na maphao juija apha atan te pallange.

¹¹Amatienga amphur weta atun chu am no ramsha ha mangpi anga am sari shunga arit shupa arengpu akha ae.

¹²“Aki nariphur ha atun pal na the arengpu ngei ae, Chutiweta mani ha ramsha hitta apha akha te rang rengpu changa pal rang ae nea pe ange.

¹³Hi asham ngei hi lungden akha chakkae, akha chu mani ane ha ramsha ta pe ae.

¹⁴Mani na kelmo chunga ral ae ange. Chutiweta kelmo hana makok sha ngei, mahalsha ngei akha chu ngoiringa manu jui ngei na mani tou nea ange maram chu amo hi. Reng lim chunga Renge, akha chu Arengpu lim chung arengpu ae.”

¹⁵Wanrui hana keita hitta ko rillea, “Honrei onga am nari tui ngei ha, jatlim, meengei lim adang adang lim akha chu trong lim ngei ae.

¹⁶Nari phur aki ashan akha chu ramsha ha na honrei hatta atier range. Mani na madon lim ha lah houweta amota hlai ah shi ange manina matakha bakweta sarmei ah mangpi ange.

¹⁷Maram chu Chungthieng roulim ha tungmalim mahal ha ae aranga, lung akha chak chang ranga akha chu ramsha hatta mani rengram pek ranga Chungthieng na mani lungshunga shukpi so weh.

¹⁸“Nangna namei ha chu shimlei chunga Rengpu lim chunga palla am alok hupi ha sha ae.”