Read Chothe Naga ROUPHUH 19 Bible Online

ROUPHUH 19 - Chothe Naga bible

ROUPHUH 19

¹Hina nutienga wanram ma mee atam pa nuna aring shanrol hekta hitta ril kei na thei inge, “Chungthiengta dommo! Aring kaetlo, mahung majai akha chu arat lim hi ani pa Chungthieng ta sha ae!

²Chungthieng marou treem ha chu adiek athieng sha ae Amo na honrei ta mawokno tullu hana aleiram hi mut pi sharukka neinunt pe ae Chungthieng na amo ta akang lah ae mardon chu amo na marai ngei ta that phurre.”

³Woiha lea ah mani na au weh, “Chungthieng ta dommo! alok hupi ta kang na meihut ha atreem nei no wa hutta kallea!”

⁴Ulien shomni inly akha chu muihla inly hana phomlu chunga onga am Chungthieng ta moksowe, mani na rillea, “Amen! Chungthiengta dommo!”

⁵Hana phomlu hei thou shanrol akha na rillea Chungthieng rui ngei oh, Areng amota atri alok ashin lim ngei oh ani Chungthiengta dommo.

⁶Chuna mee atam shanrol hekta tuishar atam shanrol hekta aring ruri rasha hekta hitta ril keina thei inge, “Chungthiengta dommo! maram chu ene nepa arengpu ha Chungthieng Rengpa ae!

⁷Ani na ariem ahoi eijo, ani na malok mashai dom mei jo! maram chu kelmo hana nuhla na apha nei ah wa mou ha ko matak na hana taranga shem shasowe.

⁸Amo ta athienga war ade pun na sheng rang pe ae so weh.” (Awar ade pun hi Chungthieng meengei na ahra tullu lu ha sha ae).

⁹Wanrai hana keita rillea, “Jiekka shi oh kelmo hana nuhla na budon na ah akok tuk ngei ha jaihra ae.” akha chu wanrui hana ril sierre, “Hilim ngei hi Chungthieng adiek rou ae.”

¹⁰Keina mok ranga makae kunga tu shinge, hana amona keita rillea, “Hatta ae ano oh kei chu nang akha chu Jisu trongshan pe ah am na-u-nanao ngei hitta shuk chang ha inge Chungthieng mokko!” Maram chu Jisu hina ripi ha chu roumaphu ngei ta muihla lut pi ae.

¹¹Hana keina wanram honga ri inge akha chu shokor angou akha chu ngoiring ngei hana adiek ta kok reng hana achunga onge. Adiek areng hana routreem pi ae akha chu ral ae pi ae.

¹²Areng hana mamit chu sarmei hekti ae akha chu malu chunga rengpa ngei lubur ngei hana areng matak ano wa adang atu akha na ko danglou jieksha ming am meh.

¹³Akha chu athee na bulsha pun amo na shenge Areng hina ming Chungthieng trongshan ta kokkae.

¹⁴Wanram am ralmee ngei na angou, athieng ade pun sheng weta shokor angoupa chunga areng nutieng juije.

¹⁵Jatlim ta that ranga mamar haithou wa apop ehamshai shukkae, hana amo na manita their molna sum rung ange akha chu amo na enea nea Chungthieng na lungshat hana darkha tui shomna hana to ae.

¹⁶Hana areng pun ah akha chu ahon na: “Renglim ngei chunga Reng akha chu Rengpu ngei chunga Rengpu” ta jieksha ming hi am meh.

¹⁷Hana wanrui akha na siemni chunga ngir ra am keina ri inge akha chu amo na awan jaija junga awa lim ta shanrol ringa ao weh, wa oh, Chungthieng alok budon na ah,

¹⁸Nangei na rengpa ngei tak, rol lamkai akha chu ralmee ngei tak, arat athei ngei tak shokor akha chu hana chunga chunga am ngei tak ahup hla ngei akha chu kour ngei alok ashin meelim ngei tak bak ranga bom jou oh!

¹⁹Hana shokor chunga, chunga am areng akha chu areng hina ralmee ngei chunga ral aranga ramsha hana shimlei rengei na akha chu mani ral mee ngei na bomtulha keina ri inge.

²⁰Ramsha hatta akha chu amo hitta thing ha mamai kunga anealah ae phur Chungthieng rouphu sha ngei ta mant so weh, (Naha jong anealah hana, ramsha hana melrungta mokngei akha chu ramsha hana ameh am ngeita amona hungthei phur ae). Ramsha akha chu dieklou roumaphu mani lim la aringa sulphar hitta kanga am sarmei hur shunga junna hou so weh.

²¹Ringa am manita shokor chunga, chunga am areng mamur hei thou wa shuk chamshai hana that so weh, Hana awa lim hana mani takha awon shi ah bak so weh.