Read Chothe Naga ROUPHUH 20 Bible Online

ROUPHUH 20 - Chothe Naga bible

ROUPHUH 20

¹Hana wanrui akha akutta atreem amlou kum chabi akha chu arit thirrui choiweta wanram hei thou tumma jung ri phur inge.

²Amona shantai, arul tarpu tichu dijabol, anolea Saitan hatta mant weta akut kanga huppa akum lashing akha shisowe.

³Wanrui hana atreem amlou kumma jun so weh abur shinga chumnam, munna shi ae, chuti lea chu amona jat ngeita akum lashing akha shumalim ma hungthei nea ang nijowe. Hana nutienga amo hi apha atante tarang hla ange.

⁴Hana phomlu ngei kei na ri inge akha chu hana chunga onga amngei ta routreem rang anea pesowe akha chu Jisu rou ril sharukka hana Chungthieng rou maramma ahong tanphur ngei akha chu ramsha hutta anolea mamelrung hatta mokno ngei mani chalpanga akha chu akutta ameh am nongei muihla ko keina ri inge, chuna mani na ringa thou wa Khrista hitta akum lashing akha palha so weh.

⁵(Ring thouna athi ngei ha akum lashing akha ha treem malim phao wa ringthou no weh). Nahi masha pa athi ngei na ringthou ha ae.

⁶Mashapa ringthou hana tol amo ha jaihra ae akha chu athieng sha ae, hi ngei chunga woini lea thi am mang nijowe, chuti weta mant chu Chungthieng akha chu Khrista thiempu chang ange akha chu Reng hitta akum lashing akha palha ange.

⁷Akum lashing akha shujuija saitan ta ahup hei thou hla ange.

⁸Akha chu amo na shimlei aki akui am jat lim, hungthei ae ange. Naha Gog lea Magog ti ae Saitan malimta tuipilin hou wa waipin hekta tamma ral ae rang hom mange.

⁹Mani na shuk weta shimlei lim akha chu Chungthieng mamee ngei am na akha chu malungshit hupi ah hunna nea, Chutiweta wanram hei thou sarmei junga mani ta mang pi so weh.

¹⁰Hana manita hungthei dijabol hatta, ramsha hanako Chungthieng dieklou roumaphu ngei hana ko am no sarmei akha ko sulphar kanga am na ashunga manita jun hou we. Mani na asoun ajan atreem am no lutta aol dong ange.

¹¹Chuna phomlu angou akha chunga onga am areng amota keina ri shange. Areng mamaikung hei thou wa shimlei lea awan na tanna thing so weh mani taranga amunt am nijowe.

¹²Chuna athi ngei ha, alok ko ashin ko phom lu hana maikunga ngirra am keina ri singe. Hana abai ngei ha hong so weh, akha chu abai adang akha ti chu ringna abai ha hong so weh. Hana athi sha ngeita mani tullu nu juija abai hana jiekshi sha hei thou wa routreem so weh.

¹³Tuipilin na mashunga am athi ngeita pe shuk so weh akha chu shimlei chunga alei hurra thi ngei kom peshuk so weh. Hana mani mee chang honna mani tullu nu juija routreem so weh.

¹⁴Chuna athi akha chu athi shimlei ngei ta sarmei kum shunga junna housowe, (Hi sarmei kum hi woinina athi ti ha ae.)

¹⁵Atu jongpa aring abai shung hina aming tolno ngei ha chu sarmei kumma junna hou ae.