Read Chothe Naga ROUPHUH 22 Bible Online

ROUPHUH 22 - Chothe Naga bible

ROUPHUH 22

¹Wanrui hana aring rang tuilung tuiwa liklei melseng hekti thiengwek ti, Chungthieng akha chu kelmo phomlu hei thou lunga jung akha hiko keita ripi ae.

²Akha chu tuiwa hupi alam ajai ah lunga thinge. Hana tuwa ahou chang honna aringna thingkung, kum ha shunga woishom chung ani, rare, hla chang honna ara ra ah am meh, akha chu thingbu hana jat chang honna dam na nei ae.

³Chungthieng sharkou pha ngei atu akha phao hupi hana ripha no ae, Chungthieng akha chu kelmo hana phomlu ha hupi hana am meh. Masuuk ngei na amota mok kange.

⁴Mani na mamai shun ha ri ange akha chu maninga achal panga jiek kange.

⁵Hana jantieng ti eko am mang no ae, akha chu mani na maiwar anolea niwar jong ang no ae maram chu arengpu Chungthieng na mani maiwar ha chang ange akha chu mani na atreem atreem am no wa Reng changa pal lange.

⁶Chuna wanrui hana keita ril phurre, “Trongsan lim hi ngoiringa ngei adiek sha ae roumaphu ngeita muihla pe Chungthieng na sui no wa shukkang rouram ha arengpu ano na marui ngeita ripi ranga wanrui hla pi ae.”

⁷“Thei oh” Jisu na rillea, “Kei ranga jung inge rou ma phu ngei na abai shunga hina rilla shi jui ngei ha jaihra ae!”

⁸Johon, kei na hilim hi theiphur shange akha chu riphur sange keina kathei shu kari shu len nalim hi ripi am wanrui kaekunga tu inge akha chu amota mokkinge.

⁹Chutiweta amona keita rillea, “Hatta ae no oh! kei chu Chungthieng suuk akha changa rouphu na-u-nanao ngei hitta akha chu abai hina roulimta jui ngei ta. Chungthieng ta mokko!”

¹⁰Hana amo na keita rillea abai hina ril rou lim ha thuppa shino oh maram chu apha ha nei so weh.

¹¹Atu jong hrano mee na hrano tullu ha ae ah am chu oh, akha chu atujong achor mee na chor ae ah am shu oh. Atu jong ahra mee na ahra ae ah am shu oh akha chu atu jong athieng mee na thienga am shu oh.”

¹²“Thei oh!” Jisu na rillea, “Kei ranga jung shange! Keina amant ha ma ae, ma ae phur tullu anu juija pek ranga choija jung inge.

¹³Kei alpha akha chu Omega inge, athou na akha chu atreem na inge.”

¹⁴Mani na aring thingkung hana pha ah wak ranga akha chu hupi hana shunga shongkarra lutranga mani achul pun dier thienga num ngei ha jaihra ae.

¹⁵Chutiweta doi ei choi ngei hrano voklou tullu lu ngei, meethat ngei, kutta shem ta mok ngei akha chu murthei hungthei di akha chu ae ngei meelim na hupi au wa am meh.

¹⁶“Jisu, keina akoksha ngei tarang nangei ta roulim hi pek ranga ka wanrui hla inge kei chu David inn shung hei thou jung asanao inge, ade inthou sorpa ha inge.”

¹⁷Muihla akha ko moutharnu na ko rillea, “Wa oh!” Hi thei meelim na kom ril su oh, “Wa oh!” Wa oh, atu jong na tuiral lea chu; adi mee amo hana aring na tui ha amant shalla een shu oh.

¹⁸Abai hina rouril thei meelim ta kei na meelungir inge, atujongpa meena rou ngei hita lollea chu, Chungthieng na makolla abai hina shunga jieksha aol ha lollange.

¹⁹Hana atu jongpa meena rilshuksha rou abai hina roulim heithou lah ah hou lea chu Chungthieng na aring na thingkung hei thou akha chu athieng hupi heithou, ti chu abai hina shenga jiek phur sha heithou wa mapha ang tum ha lah ah hou ange.

²⁰Roulim hita pe ah am arengpu na rillea, “Oh weh! Kei ranga jung ange!” Jungpi jou oh, Rengpa Jisu.

²¹Rengpa Jisu hina lungshit athieng ngei hitta apha changhonna am shu oh. Amen.