Read Chothe Naga ROUPHUH 4 Bible Online

ROUPHUH 4 - Chothe Naga bible

ROUPHUH 4

¹Rouram lim hina nutienga keina adang akha ri singe, Anno, innhar akha wanram ma honga am meh, akha chu kathei masha shan rol ha tumpet shanrol hekta kei ta trong hlakka rillea, hina kal wa oh hana hina anutienga shuk kang lim ha kei na nang ta ri pi tikkae.

²Hatalei takka kei chu muihla na choi ah am minge akha chu anno, wanram ma phomlu akha doi ah am meh, phomlu chung akhana onga am meh.

³Mamai shun ha amant tam alung jaspar akha chu Karnelion hekta de ae akha chu phomlu ahul tunga huijing hujang na emeral hek ti ae.

⁴Akha chu phomlu hana ahul tunga phomlu shomni inly am meh, phomlu ngei chunga pun ngou na jonna akha chu mani luchunga sona lubur burra ulien chang shomni inly anga am kei na ri inge.

⁵Akha chu phomlu hei thou hueham plak akha luri tara ehekta shukkae phomlu hana amai ah Chungthieng muihla sari na kanga am maishum sari am meh.

⁶Akha chu phomlu amai ah likly kai ehekta ade tuipilen hekta am meh. Hana phomlu amai ah akha chu ahulla amit na matieng nungtieng shihakti muihla am inly am meh.

⁷Akha chu muihla ama masha paha chu sora kai ae ani na hana shil chal kai ae; inthum na hana, mee hekti mai shun am meh, akha chu inly na junga am rammu hekti ae.

⁸Hana muihla am inly ha ahla aruk aruk am meh, akha chu mam ha ashunga kom, aowa kom anit na shi hakta am meh mani na ashun ajan nei no wa laa sha ah am meh, “Athieng, athieng, athieng, amatienga kom atun nakom, akha chu phao ang am kom enea neapa arengpu Chungthieng.”

⁹Akha chu muihla ngei hana phomlu chunga onga am, atreem nei no lutta ringa am arengpu makolla atri ajakka mahung majai domjui apha ah.

¹⁰Ulien shomni inly phomlu chunga anga am arengpu mamai kunga tu ah atreem nei no wa ringa am amota arengpu amota dom mange, mani lubur ha la weh ta phomlu amai kunga shi weta mok kange.

¹¹“Kani rengpu kani Chungthieng nang chu atri ajak, ane jatha akha chu ahung ajai pha ah ngai ae maram chu arengpu na eheilim pa sempi so ae akha arengpu nahal lim pa na eheilimpa ha shukso ae.”