Read Chothe Naga ROUPHUH 6 Bible Online

ROUPHUH 6 - Chothe Naga bible

ROUPHUH 6

¹Chungnam sari shunga ahalpa ta kelmo na hong ha keina ri inge hana muihla inly shunga akha kuri tara hekta shanrol akhana rillea, “Wa oh!”

²Hana kei na ri inge, anno, shakor angou chunga phal choi ah amota lubur pepi ae, amo na ral nea pa changa ral nea rang shukso ae.

³Kelmo hana ani shunapa chungnam ha hongjui ja ani shuna muihla ha, “Wa oh!” ta kokha keina thei inge.

⁴Adang shokar akha shukso ae, amo chu asan ae. Hana chunga am amo ta shimlei chunga rol shukpi rang arat pe so ae, chuna mee ngei na akha lea akha that hlak kange, amota alok chamsai pe so ae.

⁵Kelmo hana inthum chungnam hongso ae, inthum muihla na, “Wa oh!” ta ril kei na thei inge. Hana keina ahang shokor akha am meh. Hana chunga chungpa kut chunga arit ajang anna mol choi ae.

⁶Muihla inly shunga sanrol hekta thei inge hana ril chu, “Naha rat na hi gehu sier akha, akha chu shatung sier inthum na, naha ratna ae, chuti weta nangei na charuphar akha chu darkha kung chu mangpi no oh.”

⁷Kelmo na inly shunapa chungnam ha hong so weh, akha chu inly shunapa muihla na, “Wa oh!” ta ril kei na thei inge.

⁸Keina an ninge shokor apot akha am na, shokar chunga chungpa ming ha athi akha chu athee ram na manu jui je shimlei sharuk inly shunga akha ta ralla, butang jutang, rai akha chu ramsha ngei ta that ranga ane ha pe so ae.

⁹Kelmo na hana ranga shunapa chungnam ha hong so ae Chungthieng rou taranga akha chu mani na meelungir hana taranga that muihla ngei ha saiphung athuija keina ri inge.

¹⁰Hana mani na awang sanrol au wa rillea, “Enenepa Arengpu, athieng akha chu adiek! Shimlei chunga ringa am ngei chunga Areng na routreem weta kanita that ngei ta etikka mani ta aol pe anga che?”

¹¹Hana mani akha akha ta pun ngou achul pa pe weta manita rillea, mani hitta tullu lu ha akha chu uleanao ngeita that shu malim apha atante shella hakko ta rillea.

¹²Kelmo na aruk shuna chungnam hongha kei na ringe akha chu alok lingnu nok shokso weh hana ni na shamul ahangpa hek ta hang so ae, akha chu hla na kom athee hekta san so ae.

¹³Alok thirang rang juija adiek theichang na kel hekta wanchung arshi na shimlei chunga tul so ae.

¹⁴Thangwan kom abai akul hekta kulla la ah hou so ae akha chu mul lim kom, akha chu tuipi lin lim kom mani am na hei thou hlong so ae.

¹⁵Hana shimlei ram ma Rengpa ngei ane angam ngei ral lamkai ngei akha chu anei achongei hana arat athei mee suuk lea mee suuk nangei limna lungkung shunga akha chu alok alung thuija bi so ae.

¹⁶Mani na amul amul ngei akha chu alung alok ngei ta rillea, “Kani chunga tulweta phomlu akha chu hana chunga Areng maikung hai thou wa akha chu kel monao hana alungshat hei thou wa kanita bi pi oh.

¹⁷Maram chu mani lungshat rungni ha tungso ae akha chu atuna mani maikunga ngirra am nea ang meh?”