Read Chothe Naga ROUPHUH 7 Bible Online

ROUPHUH 7 - Chothe Naga bible

ROUPHUH 7

¹Hina nutienga tuipilin chunga thingkung chang honna thirang rang no rang shimlei hina thirang inly choi ah am wanrui inly na shimlei aki ah ngirra am kei na ri singe.

²Akha chu Chungthieng Chungnam ehoi ah am wanrui adang akha na nashu tienga kalla hang kei na ri singe. Hana simlei akha chu tuijul ta mangpi rang wanrui inly ta awang san rolla wanrui hana rillea.

³Ani na ani Chungthieng suuk ngei ta achal panga chungnam nam malim shimlei ta, tuipi lin ta akha chu thingkung lim ta mang pi no oh.

⁴Hana chungnam mee ngei ha masing ha keina thei singe Israel inn shung. Changhonna chungnam ha, 144,000 pha ae. Mani ha chu Israel shakai ashom ani shunga ae.

⁵Shakai chang honna lasing ashom ni ae, Judah, Reuben, Gad, Asher, Naphtali, Manasseh, Simeon, Levi, Issachar, Zebulun, Josep, akha chu Benjamin.

⁹Hina nutienga keina ri inge an no mee atu akha na kom telnea no jat lim changhonna, sakai mee akha chu tronglim ngei ha achul punngou shenga akutta ano na choi ah phomlu hana akha chu kelmo nao maikunga ngirra,

¹⁰Awang shanrolla aow weh, “Aring kaetlo hi phom lu chunga onga am ani Chungthieng, akha chu kelmonao hei thou ah ae.”

¹¹Wanrui lim na akha chu mee lim ngei akha chu muihla inly na ahulla ngirre hana mani na phomlu maikunga bokka tu wa Chungthieng ta mokkae.

¹²“Amen! rilla adom mahung majai jaihra, lungsing ariem ma dom atri ajak ani limpa hi atreem am lou ani Chungthieng mata ae, Amen!”

¹³Mani shenga ulien akha na ka kolla sai ae, “Aehul punngou sheng ngei hi atu ah meh? Akha chu mani hoitieng thou phao ah meh?”

¹⁴“Keina dang nonge ocha, nang na dang che ae,” ta keina sang inge, amo na keita rillea nangei hi ae alok aol ana donga shuk ngei ha ae mani aehul pun angou ha numma kelmo nao thee ja ngou pi so ae.

¹⁵Chuna sharukka mani na Chungthieng phomlu nai ah ngirra domma am ma ae, akha chu mani na arengpu amota ashun ajan nei no wa arengpu mokna enna am meh. Phomlu chunga onga am arengpu na manita runga am meh.

¹⁶Manina lea ah atam aral am mang nijo weh akha chu mani chunga ni na ko nisha rang ang ni jo weh.

¹⁷Maram chu phomlu hana ajai ah am kelmo nao hana sum rungpi ange hana aring tuicher tuikuja ruipi ange akha chu Chungthieng na mani mit tui rupi ange.