Read Chothe Naga ROUPHUH 8 Bible Online

ROUPHUH 8 - Chothe Naga bible

ROUPHUH 8

¹Kelmo hana chungnam sari hongjui apha ah wanram ma pungkhai akha dai tikta am meh.

²Chungthieng maikunga wanrui sari ta tumpet pekha kei na ri inge.

³Sona ariem hoi hol na choi ja am adang wanrui akha na wa ah saiphung kolla ngir so ae. Hana amo na phomlu maikung nga am sona saiphung chunga Chungthieng athieng lim ngei aniekha tulha rang, makolla ariem hoi pot atam pe so ae.

⁴Chungthieng mee ngei aniekha ariem ahoi dhuk maihut hitta mun ha ah, Chungthieng maikunga ngirra am wanrui kut chung hai thou thinge.

⁵Wanrui hana ariem ahoi holna wanshanga loa so ae, amo na naha saiphunga mei shi ah that weta shimlei chunga jun na hla so ae. Hana luri rasha hucham plak eja akha chu lingnu nok sho ae.

⁶Hana tumpet sari choija am wanrai sari na ram ranga choija thou so weh.

⁷Hana ahalpa wanrui na tumpet rampi ae, hana aril akha chu, sarmai athee hitta tulla shuk sho weh nangei ha shimlei chunga junna hla so ae, chuna shimlei sharuk inthum ma akha kan so ae, thingkung lim ko sharuk inthum shunga sharuk akha kan so ae, akha chu rampa adiek lim ko kan so ae.

⁸Ani shuna pa wanrui hana rampi so weh hana sarmei na kan nga am alok amul akha shukka tuipi lin na junna hla so ae. Tuipi lin sharuk anthum ha athee wul so weh.

⁹Tuipi lin shunga am ringa am eheilim shunga sharuk inthum shenga akha thi so ae akha chu kan sharuk inthum shunga sharuk akha mangpi so ae.

¹⁰Inthum shuna pa wanrui na tumpet tumpi sa ae sarmai hekta kan nga am alok arshi akha wantienga tul junga tuiwa sharuk inthum ma sharuk akha chunga akha chu tuichir lim chunga akha chu tuichir lim chunga tol so ae.

¹¹(Hana arshi ming chu akha ti ae) tui sharuk inthum shunga sharuk akha hi kha so ae mee eja na tui ha ina thi so ae, maram chu tui ha akha tui ae.

¹²Inly shuna wanrui na tumpet ha tum meh. Hana ni sharuk inthum ma akha hla sharuk inthum ma sharuk akha akha chu arshi sharuk inthum shunga akha thiem ranga akha chu mishun sharuk inthum shunga sharuk akha jantieng kom hahekta warno ranga, ni, hla, akha chu arshi ngei sharuk inthum shung sharuk akha thiem pi so ae.

¹³Hana kei na ri inge wan jai ah ram mu na jungweta shanrol ringa rillea. Eja ah atri pi ang meh adang wanrui inthum na tumpet tum juija shimlei chunga ringa am ngei tarang, “Oh atri pi ae! Oh atri pi ae!”