Read Chothe Naga ROUPHUH 9 Bible Online

ROUPHUH 9 - Chothe Naga bible

ROUPHUH 9

¹Hana ranga shuna pa wanrui na tumpet ha tum so ae, awan thou wa arshi akha shimlei ja tul keina ri singe akha chu atreem am lou kum hana ahong rang so ha makolla pe so ae.

²Amo na atreem am lou kum hana abur ha hongso ae, hana maipi hina maihut hekta hana thou shuk so ae akha chu ni kom awan kom meihut na thiem so ae.

³Meihut hana shung thou wa hou eja shimlei chunga shuk so ae eimehnu hekta mani ta kom tour hek ta hap pi so ae.

⁴Akha chu achal panga Chungthieng chungnam am no mee ngei ta chak ano wa shimlei chunga rampa ejongpa adiek pot ngei ko thing kungei ko mani tong ngei ang no ae ta manita rillea.

⁵Manina manita that no lutta hla ranga aol dongpi rang pe pi so ae, akha chu mani alha aimeh nu na enweta ol hek ti ae.

⁶Nani rungni ha chu mee ngei na athi pha rang jong hal kom ekom tukkang no ae akha chu mani na athi ehekta di ange chuti weta athi na mani kol hei thou tanna thinge.

⁷Hou ngei ha ral se ang shakar ngei hek ti ae mani tu kom sona lubur bar hekti ae akha chu mani maisun ngei ha mee ngei masun hek ti ae.

⁸Mani sam kom namei ngei sam hekti ae mani aha kom sora aha hek ti ae.

⁹Mani tang kom thir apek na hlum hekta ri ae, akha chu mani ahla ngei na shukpi shanrol ha ehekta tam shakor kanglui na ral bom shunga lut rasha hekti ae.

¹⁰Mani ha amei chu aimehnu hekta ase ang aling am meh,

¹¹mani chunga pallang Rengpa am meh amo ha chu atreem nei no kum hakka am wanrui ha ae Ebriya tronga Abadon hana Grik tronga chu Apoliyon, rilna tumpi roupipa.

¹²Ahalpa atri pi ha shu so ae; hina nutienga shukkang atri pi ani amthe shonge.

¹³Chuna aruk shu pa wanrui na matumpet tum sho ae, Chungthieng maikunga ngirra am sona saiphung ahul inly hei thou wa shanrol akha kei na thei inge.

¹⁴Shanrol hana aruk shapa wanrui ta rillea (alok tuiwa Euphret ah huppa shi wanrui inly ha hla jou oh).

¹⁵Akhu chu atun apha, rukni, hla akha chu kum hina taranga shem ma shi wanrui inly ha mee ngei ta sharuk inthum shunga akha that ranga hla so ae.

¹⁶Ral ae shuk ngei ha million riha ni ae ta kei ta rilpi so ae.

¹⁷Kari hana shakor akha chu mani ta chungei ha mani tanga jem thirpek ha sarmei hekta sanne, shaphair hekta dum meh, akha chu shaphar hekta aenge. Shakor ngei alu ha so ra ngei lu hekti ae akha chu mani mur hei thou wa sarmei, meihut akha chu shaphar shemma shukkae.

¹⁸Malmashi sharuk inthum hi rilla am inthum ti chu sarmei meihut akha chu shaphar na that sho ae.

¹⁹Maram chu shakor hina arat ha mani amur akha chu amei ah am meh, mani amei ha arul ngei hekta alu nei ae akha chu mani na nahana mee ngei ta alem akui shukpi ae.

²⁰Ringa am malmashi ngei ha ti chu rai inthum hana that no ngei ha mani na mani thei chakna shem lam hei thou wa thing no ae, mani na dijabol ta mak chan nea ae, hichak no wa mit ko rino kur ko thei no ano lea thing thei no sona rupa alung akha chu thinga shem hlawang ta mokkae.

²¹Chu chakna wa mani meethat doi ei hla voklou hitta ton ha akha chu aru aral hei thou wa alung hlong no ae.