Read Chuj San Mateo 1 Cr 9 Bible Online

1 Cr 9 - Chuj San Mateo bible

1 Cr 9

¹Icha tic ix aj stz'ib'chajcan masanil eb' israel d'a stzolal tas yaj yin̈tilal eb' b'aj aycan yab'ixal eb' sreyal Israel. A eb' anima ay d'a Judá, ic'chajnacb'at eb' d'a Babilonia yuj schucal.

²A eb' yin̈tilal Israel b'ab'laj meltzajxicot d'a sluum yed' d'a schon̈ab', aton eb' sacerdote, eb' levita yed' eb' smunlaj d'a templo.

³A d'a Jerusalén ix can cajan eb' yin̈tilal Judá, eb' yic Benjamín, eb' yic Efraín yed' eb' yic Manasés.

⁴A d'a yin̈tilal Judá chi', ay 690 eb' vin̈ vinac d'a smasanil. A eb' vin̈ yin̈tilal vin̈aj Fares yuninal vin̈aj Judá, a vin̈aj Utai yuninal vin̈aj Amihud yajal yaj d'a scal eb' yed' pax juntzan̈xo eb' smam yicham d'a stzolal: Aton vin̈aj Omri, vin̈aj Imri, vin̈aj Bani yed' vin̈aj Fares yuninal vin̈aj Judá chi'. A d'a eb' vin̈ yin̈tilal vin̈aj Sela yuninal vin̈aj Judá chi', a vin̈aj Asaías vin̈ b'ab'el unin, yajal yaj pax vin̈ d'a eb' sc'ab'yoc. Axo d'a scal eb' vin̈ yin̈tilal vin̈aj Zera, yuninal pax vin̈aj Judá chi', a vin̈aj Jeuel yajal yaj d'a scal eb' sc'ab'yoc.

⁷Aton sb'i eb' vin̈ yajal yaj d'a eb' yin̈tilal Benjamín tic: Vin̈aj Salú yuninal vin̈aj Mesulam yixchiquin vin̈aj Hodabías, yin̈tilal vin̈aj Asenúa, vin̈aj Ibneías yuninal vin̈aj Jeroham, vin̈aj Ela yixchiquin vin̈aj Uzi, yin̈tilal vin̈aj Micri, vin̈aj Mesulam yuninal vin̈aj Sefatías, yixchiquin vin̈aj Reuel, yin̈tilal vin̈aj Ibnías. 956 eb' d'a smasanil.

¹⁰Axo eb' vin̈ sacerdote cajan d'a Jerusalén yajal yaj d'a scal eb' sc'ab'yoc: Aton vin̈aj Jedaías, vin̈aj Joiarib, vin̈aj Jaquín yed' vin̈aj Azarías yuninal vin̈aj Hilcías. A eb' smam yicham vin̈aj Azarías d'a stzolal: Aton vin̈aj Mesulam, vin̈aj Sadoc, vin̈aj Meraiot yed' vin̈aj Ahitob. A vin̈aj Azarías chi' yajal d'a stemplo Dios. An̈eja' d'a scal eb' vin̈ yajal yaj chi', ayoch vin̈aj Adaías yuninal vin̈aj Jeroham. A sb'i eb' smam yicham vin̈aj Adaías chi' d'a stzolal: Aton vin̈aj Jeroham, vin̈aj Pasur, vin̈aj Malquías, vin̈aj Masai, vin̈aj Adiel, vin̈aj Jahzera, vin̈aj Mesulam, vin̈aj Mesilemit yed' vin̈aj Imer. A juntzan̈ eb' vin̈ tic yajal yaj eb' vin̈ d'a scal eb' sc'ab'yoc. A d'a scal eb', ay mil 760 eb' vin̈ te n̈ican smunlaj d'a scajnub' Dios.

¹⁴A eb' vin̈ yajal yaj d'a scal eb' levita cajan d'a Jerusalén: Aton vin̈aj Semaías yuninal vin̈aj Hasub, yixchiquin vin̈aj Azricam, schab'il yixchiquin vin̈aj Hasabías, yin̈tilal vin̈aj Merari.

¹⁵Yajal pax vin̈aj Bacbacar, vin̈aj Heres, vin̈aj Galal yed' vin̈aj Matanías yuninal vin̈aj Micaía, yixchiquin vin̈aj Zicri, yin̈tilal vin̈aj Asaf.

¹⁶Yajal pax yaj vin̈aj Obadías yuninal vin̈aj Semaías, yixchiquin vin̈aj Galal, yin̈tilal vin̈aj Jedutún yed' vin̈aj Berequías, yuninal vin̈aj Asa, yixchiquin vin̈aj Elcana ec'nac cajan d'a juntzan̈ aldea yic eb' netofatita.

¹⁷Axo eb' vin̈ stan̈van puerta: Aton vin̈aj Salum, vin̈aj Acub, vin̈aj Talmón, vin̈aj Ahimán yed' eb' vin̈ sc'ab'yoc eb' vin̈. A vin̈aj Salum yajal yaj d'a eb' vin̈.

¹⁸A eb' vin̈ tic stan̈vann̈ej puerta yic eb' vin̈ rey d'a stojolal b'aj sjavi c'u. Aton eb' vin̈ stan̈van puerta chi' d'a scal eb' yetlevitail.

¹⁹A vin̈aj Salum yuninal vin̈aj Coré, yixchiquin vin̈aj Ebiasaf, yin̈tilal vin̈aj Coré yed' eb' sc'ab'yoc, a eb' stan̈van scajnub' Dios, icha ajnac stan̈van spuertail scajnub' Dios chi' eb' smam yicham eb' d'a peca'.

²⁰A d'a peca' chi', a vin̈aj Finees yuninal vin̈aj Eleazar ayoch yajaliloc eb' stan̈van scajnub' Dios chi'. Ayn̈ej val och Jehová yed' vin̈.

²¹Axo vin̈aj Zacarías yuninal vin̈aj Meselemías, a vin̈ stan̈van spuertail b'aj sch'ox sb'a Dios.

²²A sb'isul eb' stan̈van spuertail cajnub' sic'b'ilel chi', 212 eb' tz'ib'ab'ilcani icha tas yin̈tilal junjun macan̈ b'aj cajan eb'. A vin̈aj rey David yed' vin̈aj Samuel schecab' Dios ac'jinaccanoch eb' d'a yopisio nivan yelc'och chi'.

²³Masanil eb' yed' pax yuninal eb', ayoch eb' d'a stzolal stan̈van spuertail scajnub' Dios.

²⁴Ayn̈ejoch stan̈vumal chi' d'a schan̈il pac'an̈: D'a stojolal b'aj sjavi c'u, d'a stojolal b'aj tz'em c'u, d'a stojolal norte yed' d'a stojolal sur.

²⁵A eb' yetlevitail eb' cajan d'a juntzan̈xo aldea, d'a junjun yuctaquil c'ual sjavi eb' stan̈vej templo chi', yic scolvaj eb' yed' eb'.

²⁶Ay chan̈van̈ eb' levita nivac yopisio stan̈van puerta chi'. A eb' chi' ayoch eb' d'a masanil tiempo stan̈van juntzan̈ cuarto yed' b'aj smolchaj tas tz'ac'ji d'a scajnub' Dios chi'.

²⁷A eb' chi' ayn̈ejec' eb' d'a spatictac cajnub' chi' tz'ec' ac'val, yujto a eb' stan̈vani. Axo d'a junjun q'uin̈ib'alil sjacan cajnub' chi' eb'.

²⁸Ay juntzan̈ eb' d'a scal eb' chi' stan̈van juntzan̈ yamc'ab' sc'anchaji yic tz'och ejmelal d'a Dios. Yovalil sb'is eb' jantac tz'elta, slajvi chi' sb'isan eb' yochxicani.

²⁹Axo juntzan̈xo eb' tz'ilan juntzan̈xo yamc'ab' nivac yelc'ochi yed' pax ixim harina, vino, aceite, incienso yed' perfume.

³⁰Ay pax eb' sacerdote sb'oan perfume chi'.

³¹Axo jun vin̈ levita scuchan Matatías, b'ab'el yuninal vin̈aj Salum, yin̈tilal vin̈aj Coré, a vin̈ sb'oan ixim pan tz'ac'ji ofrendail.

³²Axo juntzan̈xo eb' vin̈ yetlevitail eb' vin̈, eb' vin̈ yin̈tilal vin̈aj Coat, a eb' vin̈ sb'oan ixim pan tz'em tzolan d'a sat mexa d'a yol scajnub' Dios d'a junjun c'ual ic'oj ip.

³³An̈ejtona' ay eb' vin̈ yajal yaj d'a yin̈tilal eb' vin̈ levita chi' sb'itani. A d'a juntzan̈ cuarto yic templo chi' ay eb' vin̈, malaj yalan yic eb' vin̈ d'a juntzan̈xo munlajel, yujto c'ual d'ac'val yajoch eb' vin̈ d'a yopisio chi'.

³⁴A eb' vin̈ ix b'inaj tic, yajal yaj eb' vin̈ d'a scal masanil eb' yin̈tilal Leví chi', icha yaj stzolal yin̈tilal eb' vin̈. A d'a Jerusalén cajan eb' vin̈.

³⁵A d'a chon̈ab' Gabaón, ata' ec'nac cajan vin̈aj Jehiel, smam yicham eb' aj Gabaón chi'. Maaca sb'i ix yetb'eyum vin̈.

³⁶A eb' vin̈ yuninal vin̈: Aton vin̈aj Abdón vin̈ b'ab'el unin, vin̈aj Zur, vin̈aj Cis, vin̈aj Baal, vin̈aj Ner, vin̈aj Nadab, vin̈aj Gedor, vin̈aj Ahío, vin̈aj Zacarías yed' vin̈aj Miclot.

³⁸A vin̈aj Miclot chi' smam vin̈aj Simeam. A juntzan̈ eb' vin̈ tic ix cajnaj eb' vin̈ yed' eb' sc'ab'yoc d'a Jerusalén.

³⁹A vin̈aj Ner smam vin̈aj Cis, axo vin̈aj Cis chi' smam vin̈aj Saúl. Axo eb' vin̈ yuninal vin̈aj Saúl chi': Aton vin̈aj Jonatán, vin̈aj Malquisúa, vin̈aj Abinadab yed' vin̈aj Es-baal.

⁴⁰A vin̈aj Jonatán chi' smam vin̈aj Merib-baal smam vin̈aj Micaía.

⁴¹Axo eb' vin̈ yuninal vin̈aj Micaía chi': Aton vin̈aj Pitón, vin̈aj Melec, vin̈aj Tarea yed' vin̈aj Acaz.

⁴²Axo vin̈aj Acaz smam vin̈aj Jara. Axo vin̈aj Jara chi' smam vin̈aj Alemet, vin̈aj Azmavet yed' vin̈aj Zimri. Axo vin̈aj Zimri chi' smam vin̈aj Mosa. Axo vin̈aj Mosa chi' smam vin̈aj Bina. Axo vin̈aj Bina chi' smam vin̈aj Refaías, vin̈aj Elasa yed' vin̈aj Azel.

⁴⁴Eb' yuninal vin̈aj Azel chi', vacvan̈ eb' vin̈: Aton vin̈aj Azricam, vin̈aj Bocru, vin̈aj Ismael, vin̈aj Searías, vin̈aj Obadías yed' vin̈aj Hanán.