Read Chuj San Mateo Sal 127 Bible Online

Sal 127 - Chuj San Mateo bible

Sal 127

¹B'it d'a vin̈aj Salomón. Sb'it eb' israel ayic van sq'ue eb' d'a sb'eal Jerusalén. Tato man̈oc Jehová sb'oan junoc pat, nab'an̈ej am smunlaj eb' munlajvum. Tato man̈oc stan̈van junoc chon̈ab', nab'an̈ej am stan̈vaj yuj eb' stan̈vumal.

²Nab'an̈ej syixtej sb'a eb' pilan jun c'u syac' smunlaji, ste och eb' d'a ilc'olal yic tz'ilchaj svael eb', palta axo pax eb' xajan yuj Dios, junc'olal svay eb', a Dios chi' tz'ac'an tas tz'och yuj eb'.

³A eb' cuninal, silab' Jehová yaj eb'. A eb' cuninal yed' ix quetb'eyum, svach'c'olalton Dios yaj eb'.

⁴A eb' cuninal tz'alji ayic quelem anima on̈to, icha val juntzan̈ jul-lab' ay d'a yol sc'ab' junoc ac'um oval yaj eb'.

⁵Te vach' yic mach man̈ jantacoc yuninal chi'. Man̈ ol q'uixvoquel-laj yuj eb' ayoch ajc'olal d'ay, ayic ol scolan sb'a d'a yichan̈ eb' yajal.