Read Chuj San Mateo Sal 130 Bible Online

Sal 130 - Chuj San Mateo bible

Sal 130

¹Sb'it eb' israel ayic van sq'ue eb' d'a sb'eal Jerusalén. Mamin Jehová, sval in b'a d'ayach yujto ayin och d'a vilc'olal, ichato ay in ec' d'a jun olan te jul yich svab'i.

²Mamin, ab' in jaj ticnaic, ac'cot tz'eyan a chiquin ayic tzin avaj in c'anan a colval.

³Mamin Jehová, q'uinaloc tato tz'ib'ab'il co chucal uuj ¿mach val ol stec'b'ej sb'a d'a ichan̈?

⁴Palta a d'ayach tz'ilchaj nivanc'olal cuuj, yic vach' ay elc'och d'a co sat.

⁵Mamin Jehová, d'a val smasanil in c'ool tzin tan̈vej yic tzach javi in a colo'. Svac'och a lolonel yipoc in c'ool.

⁶Mamin, ec'al in tan̈van a colval d'a yichan̈ eb' vin̈ stan̈vumal chon̈ab' sgana spet sacb'i. Ec'alto in maclan a colval chi' d'a eb' vin̈ stan̈van eb' chon̈ab' chi'.

⁷Caq'uecoch Jehová yipoc co c'ool a on̈ israel on̈ tic, yujto ay yoq'uelc'olal, b'ecann̈ej sc'ool scolvaji.

⁸A' ol on̈ colanel d'a yalan̈ smasanil co mul.