Read Chuj San Mateo Sal 20 Bible Online

Sal 20 - Chuj San Mateo bible

Sal 20

¹Sb'it jun tic vin̈aj David. Mamin rey, yab'ocab' Jehová co Diosal a on̈ yin̈til on̈ vin̈aj Jacob a lesalvi. Aocab' tzach colani ayic ayach och d'a ilc'olal.

²Yac'ocab'cot scolval d'ayach masanto d'a stemplo d'a Sion.

³Snaocab'cot masanil ofrenda ix ac'a'. Schaocab' sc'ool a silab' tza n̈ustz'aoc.

⁴Aocab' ol ac'an elc'och icha a gana yed' masanil tastac nab'il uuj.

⁵Ol el cav yuj tzalajc'olal ayic ol ac'an ganar eb' ajc'ool. Ol quic'chaan̈ co bandera yuj quic'anchaan̈ co Diosal. Aocab' Jehová tz'ac'an masanil tas c'anb'il uuj.

⁶Cojtacxo ticnaic to a Jehová ol colan vin̈ co reyal sic'b'ilel yuuj. Masanto d'a satchaan̈ to an̈ej ay yico', ol tac'voccot d'ay. Yuj spoder Jehová chi' ol yac' ganar nivac oval vin̈ co reyal.

⁷Ay eb' tz'ac'anoch scarruaje yic oval yipoc sc'ool, ay pax juntzan̈xo eb', a noc' schej eb' syac'och yipoc sc'ool. A on̈xo pax tic, a Jehová co Diosal scac'och yipoc co c'ool.

⁸A eb' chi' spax yip yoc eb', stelvi eb', a on̈xo pax tic jun, tec'tec' caji, lin̈ann̈ej on̈ q'uei.

⁹Mamin Jehová, col vin̈ co reyal. Tac'van̈ d'ayon̈ ayic tzach cavtani.