Read Chuj San Mateo Sal 85 Bible Online

Sal 85 - Chuj San Mateo bible

Sal 85

¹Sb'it jun tic eb' yin̈tilal vin̈aj Coré. Sc'an jun b'it tic vin̈ cuchb'um d'a b'it. Mamin Jehová, yelxo val te vach' ach d'ayon̈ a on̈ a chon̈ab' on̈ tic. Ix on̈ ic'xi meltzaj b'aj sacleminac cajcanb'at a on̈ yin̈til on̈ vin̈aj Jacob tic.

²Ix a sucsat co chucal a on̈ a chon̈ab' on̈ tic. Ix ac' lajvoc masanil co mul.

³Ix a yamoch vaan yoval a c'ool yed' a c'ac'alc'olal.

⁴Ach co Diosal, co Columal, ochan̈ qued'oc junelxo, yechelocxob' ste cot yoval a c'ol d'ayon̈.

⁵¿Tom an̈eja' ol cotn̈ej oval d'ayon̈ d'a masanil tiempo?

⁶¿Tom man̈xo ol ac'xi co tec'anil yic vach' tzon̈ tzalaj ed'oc a on̈ a chon̈ab' on̈ tic?

⁷Ach Jehová, ch'oxcan a vach'c'olal d'ayon̈, tzon̈ a colanpaxeli.

⁸Ol vab' tas ol yal Jehová Dios d'ayon̈. Ol yac' junc'olal d'ayon̈ schon̈ab' on̈ tic, tato mantzac co c'ulej man̈ pensaril.

⁹Yeltoni, b'ecan sc'ol Dios scolvaj d'a eb' ay tz'och emnaquil d'ay, yic vach' scheclaj stziquiquial d'a co cal.

¹⁰Ol yac' svach'c'olal Dios d'a eb' schon̈ab', axo eb' ol c'anab'ajan d'ay. A eb' anima tojol sb'eyb'al, ol ac'joc sjunc'olal eb' yuj Dios.

¹¹C'anab'ajum ol aj eb' anima d'a sat lum tic. Axo Dios, ato d'a satchaan̈ ol yac'cot scolval.

¹²Ol yac'cot svach'c'olal Jehová, ol yac'an sat jantac tas scavej d'a sat co lum tic.

¹³A tojolal ol b'ab'laj cot yuj Jehová, a' ol tojolb'itan b'e b'aj ol javoc.