Read Chuj San Mateo Jer 45 Bible Online

Jer 45 - Chuj San Mateo bible

Jer 45

¹A d'a yic schan̈il ab'il yoch vin̈aj Joacim yuninal vin̈aj Josías reyal d'a Judá, ayic toxo ix tz'ib'chaj yuj vin̈aj Baruc yuninal vin̈aj Nerías tas ix val Jeremías in tic schecab' in Dios, ata' ix val d'a vin̈aj Baruc chi':

²A Jehová co Diosal tz'alan d'ayach icha tic: Ach Baruc, van alan icha tic: Ob'iltac in. An̈ej yaelal yed' ilc'olal syac' Jehová d'ayin. Vanxo in c'unb'i voq'ui, maxtzac yal vic'an vip svab'i, xa chi.

⁴Ina a in Jehová in, tzin satel tas ix in b'o'o, van in toc'anq'ueta tas ix vavej d'a masanil jun nación tic.

⁵¿Tom smoj tza c'an tas tz'aj a q'uechaan̈? Man̈xo a c'ana', yujto ol vac'och yaelal d'a yib'an̈ masanil anima. Palta a in Jehová in svala', yaln̈ej b'aj ol ach c'ochoc, man̈ ol ach in cha miljocchamoc, xchi Jehová, xin chi d'a vin̈.