Read Chuj San Mateo Nm 7 Bible Online

Nm 7 - Chuj San Mateo bible

Nm 7

¹Ayic ix lajvi sb'oanq'ue scajnub' Jehová vin̈aj Moisés, ix yac'anoch aceite vin̈ d'ay yed' d'a masanil syamc'ab'il yed' d'a yib'an̈ altar yed' syamc'ab'il.

²A d'a jun c'u chi' a eb' yajal yaj d'a junjun in̈tilal, aton eb' colvajnac yic'anchaan̈ sb'isul eb' vinac,

³ix yac' yofrenda eb' d'a Jehová: Vaque' carreta ayq'ue yen̈ul yib'an̈ yed' lajchavan̈ noc' mam vacax smunlaj ix yac' eb'. Syalelc'ochi, junjun carreta d'a chatacvan̈ eb' yajal chi', junjun pax noc' vacax chi' d'a junjun eb'. Masanil juntzan̈ chi' ix yac'och eb' d'a yichan̈ scajnub' Jehová.

⁴Yuj chi' ix yalan Jehová d'a vin̈aj Moisés chi':

⁵Cha juntzan̈ carreta yed' juntzan̈ noc' vacax smunlaj chi', tzac'an d'a eb' levita yic sc'an eb' d'a munlajel d'a in cajnub' b'aj tzin ch'ox in b'a, icha tastac munlajelal sc'ulej junjun eb', xchi d'a vin̈.

⁶Ix schaan juntzan̈ carreta chi' vin̈, ix schaanpax noc' vacax smunlaj chi' vin̈, ix spojanec' vin̈ d'a scal eb' levita.

⁷A d'a eb' yin̈tilalcan vin̈aj Gersón, chab' carreta yed' chan̈van̈ noc' vacax chi' ix yac' vin̈, icha syal smunlajel eb'.

⁸Axo d'a eb' yin̈tilalcan vin̈aj Merari, chan̈e' carreta yed' vajxacvan̈ noc' vacax chi' ix yac' vin̈, icha syal smunlajel eb' b'aj scuchb'aj yuj vin̈aj Itamar yuninal vin̈aj sacerdote Aarón.

⁹Axo d'a yin̈tilalcan vin̈aj Coat, malaj carreta, malaj pax noc' vacax ix ac'ji, yujto a eb' sb'achanb'at masanil yamc'ab' yic scajnub' Jehová d'a sjolom sjen̈jab'.

¹⁰Ayic ix ac'jicanoch yopisio altar, ix yic'b'at yofrenda eb' yajal d'a junjun in̈tilal d'a yichan̈ altar chi'.

¹¹Ix yalan Jehová d'a vin̈aj Moisés chi': A d'a junjun c'u ch'occh'oc eb' yajal d'a junjun in̈tilal ol yic'cot yofrenda yuj yochcan yopisio altar, xchi.

¹²A d'a b'ab'el c'u, ix yic'ancot yofrenda vin̈aj Naasón yuninal vin̈aj Aminadab, yajal d'a yin̈tilal Judá. D'a schab'il c'ual, ix yic'ancot yic vin̈aj Natanael yuninal vin̈aj Zuar, yajal d'a yin̈tilal Isacar. D'a yoxil c'ual, ix yic'ancot yic vin̈aj Eliab yuninal vin̈aj Helón, yajal d'a yin̈tilal Zabulón. D'a schan̈il c'ual, ix yic'ancot yic vin̈aj Elisur yuninal vin̈aj Sedeur, yajal d'a yin̈tilal Rubén. D'a yoil c'ual, ix yic'ancot yic vin̈aj Selumiel yuninal vin̈aj Zurisadai, yajal d'a yin̈tilal Simeón. D'a svaquil c'ual, ix yic'ancot yic vin̈aj Eliasaf yuninal vin̈aj Deuel, yajal d'a yin̈tilal Gad. D'a yuquil c'ual, ix yic'ancot yic vin̈aj Elisama yuninal vin̈aj Amiud, yajal d'a yin̈tilal Efraín. D'a svajxaquil c'ual, ix yic'ancot yic vin̈aj Gamaliel yuninal vin̈aj Pedasur, yajal d'a yin̈tilal Manasés. D'a sb'alun̈il c'ual, ix yic'ancot yic vin̈aj Abidán yuninal vin̈aj Gedeoni, yajal d'a yin̈tilal Benjamín. D'a slajun̈il c'ual, ix yic'ancot yic vin̈aj Ahieze(...)

⁸⁴Masanil ofrenda ix yac' eb' yajal yaj d'a yin̈tilalcan Israel, ayic ix ochcan yopisio altar, aton juntzan̈ tic: Lajchave' q'uen plato nab'a plata, lajchave' uc'ab' nab'a plata yed' lajchave' nivac cuchara nab'a oro.

⁸⁵Junjun plato chi' 130 siclo yalil, junjun uc'ab' 70 siclo yalil, yuj chi' a q'uen plata chi' d'a smasanil, ay 2 mil 400 siclo yalil, icha echlab' sc'anchaj d'a scajnub' Jehová.

⁸⁶Ay pax lajchave' q'uen nivac cuchara nab'a oro b'ud'an yuj incienso, 10 siclo yalil junjun, icha echlab' sc'anchaj d'a scajnub' Jehová. A q'uen oro d'a smasanil, ay 120 siclo q'ueen.

⁸⁷A sb'isul masanil noc' noc' ix n̈usjitz'a silab'il chi', aton tic: Lajchavan̈ noc' quelemtac vacax, lajchavan̈ noc' ch'ac calnel, lajchavan̈ noc' quelemtac calnel jun ab'il sq'uinal, ayn̈ej ixim trigo tz'ac'ji ofrendail yed'oc yed' pax lajchavan̈ noc' mam chiva tz'ac'ji silab'il yuj mul.

⁸⁸Axo pax noc' noc' ix ac'ji silab'il yuj junc'olal, 24 noc' toro d'a smasanil, 60 noc' ch'ac calnel, 60 noc' mam chiva yed' 60 noc' quelemtac calnel jun ab'il sq'uinal. Aton masanil juntzan̈ ofrenda chi' ix ac'chaji ayic ix ochcan yopisio altar ayic toxo ix ochcan yicoc Jehová.

⁸⁹Ayic tz'och vin̈aj Moisés chi' d'a scajnub' Jehová b'aj sch'ox sb'a yic slolon vin̈ yed' Jehová chi', syab' val vin̈ slolon Jehová yed'oc d'a snan̈al chab' yechel querubín ayoch d'a yib'an̈ b'aj tz'ac'ji tup mul, aton smacul scaxail trato.