Read Biblia Revisión Chuya Qellqa 1992 – Chuya Qellqa 1992 Génesis 4 Bible Online

Génesis 4 - Biblia Revisión Chuya Qellqa 1992 – Chuya Qellqa 1992 bible

Génesis 4

¹Adanmi warmin Evawan puñurqa hinaptinmi wiksayakuruspan qari wawata wachakururqa, paytam [6]Caín nispa suticharqa, chaymi Eva nirqa: Tayta Diospa munasqanman hinam huk qari wawata wachakuruni, nispa.

²Huktawan wiksayakuruspanmi huk qari wawata wachakurqa. Paytam Abel nispa suticharqa. Cainmi karqa chakra llamkaq, Abelñataqmi karqa oveja michiq.

³Cainmi watakunapa risqanman hina, chakranpi tarpusqan kawsaykunamanta apamurqa Tayta Diosman ofrendata qonanpaq.

⁴Abelpas piwin ovejankunamantam wiran kaqta apamurqa. Chaymi Abelpa ofrendanta Tayta Dios chaskirqa.

⁵Cainpa ofrendantam ichaqa mana chaskirqachu, hinaptinmi Caín sinchita piñakururqa rikchayninpas hukmanyanankama.

⁶Chaymi Cainta Tayta Dios nirqa: ¿Imanasqataq piñakurunki? ¿Imanasqataq rikchaynikipas hukmanyarun?

⁷Allinta ruwaspaqa ¿manachum chaskisqa kawaq? Mana allinta ruwaptikim ichaqa hucha hichpallaykipiña kachkan wichirachisunaykipaq. Chaywanpas qamqa atiwaqmi chay hucha atipayta, nispa.

⁸Huk punchawmi wawqen Abelta Caín nirqa: Hakuchik purikuq, nispa. Hinaspanmi chakraman chayarachispan maqachkaspalla wawqen Abelta wañurachirqa.

⁹Hinaptinmi Cainta Tayta Dios tapurqa: ¿Maypitaq wawqeki Abel kachkan? nispa. Cainñataqmi nirqa: Maypiya kakunpas. ¿Wawqey waqaychaqchu ñoqa karqani? nispa.

¹⁰Hinaptinmi Tayta Dios nirqa: ¿Imatataq kayta ruwarunki? Wawqekipa allpaman chaqchusqayki yawarninmi justicia ruwanaypaq qaparispa qayakamuwan.

¹¹Wawqekipa yawarnin chaqchusqaykimantam kunan ñakasqa kaspa kaymanta qarqosqa kanki.

¹²Chakrata llamkaptikipas manam rurupusunkichu. Mana imayuqmi kay pachapi pakan-pakanlla purinki, nispa.

¹³Chaymi Tayta Diosta Caín nirqa: Llumpay hatunmi ñakawaynikiqa, mana aguantay atinam.

¹⁴Kunanmi kay allpamanta qarqoruwanki, qayllaykimantapas pakan-pakancha mana imayuq mana llaqtayuq purisaq, pipas tariwaqniychá wañurachiwanqa, nispa.

¹⁵Ichaqa Tayta Diosmi nirqa: Pipas wañuchisuqnikiqa qanchis kutikama castigasqam kanqa, nispa. Hinaspanmi Tayta Dios churarqa Cainman huk señalta, pipas tarispanqa mana wañurachinanpaq.

¹⁶Cainmi Tayta Diospa qayllanmanta lloqsispan Nod allpapi yacharqa, Nodqa tarikurqa Edenpa inti qespimunan lawninpim.

¹⁷Cainmi warminwan puñururqa hinaptinmi wiksayakuruspa qari wawata wachakurqa, paytam Enocwan suticharqa. Cainmi huk llaqtata hatarichispan churin Enocpa sutinwan suticharqa.

¹⁸Enocmi churyarqa Iradta, Iradñataqmi Mehujaelta, Mehujaelñataqmi Metusaelta, Metusaelñataqmi Lamecta.

¹⁹Lamecmi iskay warmiwan casarakurqa, hukninmi karqa Ada, hukninñataqmi Zila.

²⁰Adam Jabalta wachakurqa, paypa mirayninkunam carpapi yachaspa animalkuna uywaq karqaku.

²¹Jabalpa wawqenmi karqa Jubal, paymi karqa arpatawan qenata tocaqkunapa taytan.

²²Zilapas Tubal-caintam wachakurqa, paymi karqa broncemanta fierromanta herramientakuna ruwaq. Tubal-cainpa paninmi karqa Naama.

²³Huk punchawmi warminkunata Lamec nirqa: Ada, Zila nisqayta uyariwaychik, warmiykuna uyariychik: Huk qaritam [7]heridaruwaptin wañurachini, huk joventañataqmi maqaruwaptin wañurachini.

²⁴Cainta wañuchiq qanchis kutikama castigasqa kaptinqa, Lamecta wañuchiqqa qanchis chunka qanchisniyuq kutikamam castigasqa kanqa, nispa.

²⁵Adanmi huktawan warmin Evawan puñururqa hinaptinmi wiksayakuruspa huk qari wawata wachakurqa, paytam [8]Setwan sutichaspan nirqa: Cainpa wañuchisqan Abelpa rantinpim Dios huk qari wawata qoykuwan, nispa.

²⁶Chaymantam Setpapas qari churin nacerurqa, paytam Enós nispa suticharqa. Chay punchawkunamantam runakuna Dios qayakuyta qallaykurqaku.