Read Biblia Revisión Chuya Qellqa 1992 – Chuya Qellqa 1992 1 Crónicas 10 Bible Online

1 Crónicas 10 - Biblia Revisión Chuya Qellqa 1992 – Chuya Qellqa 1992 bible

1 Crónicas 10

¹Filisteokunam Israelpa mirayninkunawan guerrapi karqaku, chaymi Israelpa mirayninkuna ayqekurqaku, hinaptinmi Gilboa orqopi achkallataña wañurachirqaku.

²Saultawan churinkunata filisteokuna qatispankum Jonatanta, Abinadabta hinaspa Malquisuata wañurachirqaku.

³Chaymantam filisteokunaqa mana chinkaykachispa Saulta qatirqaku, hinaptinmi flechaqkuna flecharuspanku Saulta heridarurqaku.

⁴Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak qari kaynin mana señalasqa enemigoykuna tuksiruwaspa burlakuwananta, nispa. Arman apaq soldadom ichaqa llumpayta manchakusqanrayku wañuchiyta mana munarqachu, hinaptinmi Saulqa kikinña espadanta hapiykuspan tuksikururqa.

⁵Arman apaq soldadopas Saúl wañurachikusqanta qawaykuspanmi espadanwan tuksikuruspan wañurachikurqa.

⁶Chay punchawllapim Saulqa kimsan churinkunapiwan hinaspa llapallan ayllunkunapiwan wañururqaku.

⁷Qechwapi yachaq Israelpa mirayninkunapas, llapa tropakunapa ayqesqanta qawaykuspankum chaynataq Saulpas kimsan churinkunapiwan wañurusqanta yacharuspankum llaqtankuta saqespa lluptikurqaku, hinaptinmi filisteokunaña chay llaqtakunapi yachakurqaku.

⁸Paqarinnintin punchawmi Filistea tropakuna, wañuqkunapa llapa imankuta hoqarikamunankupaq lloqsirqaku, hinaspankum Saultapas churinkunatapas wañusqaña chutarayachkaqta Gilboa moqopi tarirurqaku.

⁹Chaymi Saulpa pachanta llatanaruspanku umantawan armankunata aparqaku, hinaspam Filistea llaqtakunaman chaynataq diosninkumanpas runakunawan willachimurqaku.

¹⁰Chaymantam Saulpa armankunata diosninkupa templonpi churarqaku, umantañataqmi Dagón idolonkupa templonman warkururqaku.

¹¹Galaad lawpi Jabes llaqtayuq runakunañataqmi, Filistea tropakuna Saulta imam ruwasqanta yacharuspanku,

¹²llapallan allinnin qari-qari runakuna pasaspanku Saulpa chaynataq churinkunapa ayanta hurqoramuspanku Jabes llaqtaman apamurqaku, hinaspam tullunkunata Jabes llaqtapi kaq encina sachapa sikinpi pamparuspanku qanchis punchaw ayunarqaku.

¹³ Chaynatam Saúl wañurqa Tayta Diospa contranpi huchallikuspan kamachisqankunatapas mana kasukusqanrayku chaynataq layqa warmita tapukuspan

¹⁴Tayta Diosta mana tapukusqanrayku. Chayraykum wañurachispan munaychakuynintapas Isaipa churin Davidmanña qoykurqa.