Read Biblia Revisión Chuya Qellqa 1992 – Chuya Qellqa 1992 1 Crónicas 7 Bible Online

1 Crónicas 7 - Biblia Revisión Chuya Qellqa 1992 – Chuya Qellqa 1992 bible

1 Crónicas 7

¹Isacarpa churinkunam karqa: Tola, Fúa, Jasub hinaspa Simrón.

²Tolapa churinkunam karqa: Uzi, Refaías, Jeriel, Jahmai, Jibsam hinaspa Semuel. Paykunam karqaku ayllunkupa kamachiqninkuna hinaspa allinnin qari-qari soldadokuna. Davidpa munaychakusqan tiempopim, Tolapa mirayninkuna karqaku iskay chunka iskayniyuq waranqa soqta pachaknin runakuna.

³Uzipa churinmi karqa Israhías. Israhiaspa churinkunam karqa: Micael, Obadías, Joel hinaspa Isías. Paykunam kamachikuqkuna karqaku.

⁴Achka warmiyuq kasqankuraykum churisapallaña karqaku, chaymi ayllunkuman hina karqaku kimsa chunka soqtayuq waranqa guerrapaq akllasqa qarikuna.

⁵Isacarpa llapallan mirayninkunaqa, ayllun-ayllun listasqa kasqankuman hinam pusaq chunka qanchisniyuq waranqa allinnin qari-qari soldadokuna karqaku.

⁶Benjaminpa kimsa churinkunam karqa: Bela, Bequer hinaspa Jediael.

⁷Belapa churinkunam karqa pichqa: Ezbón, Uzi, Uziel, Jerimot hinaspa Iri. Paykunam ayllunkupi kamachikuqkuna hinaspa allinnin qari-qari runakuna karqaku. Paykunapa mirayninmantam yupasqa karqaku iskay chunka iskayniyuq waranqa kimsa chunka tawayuq guerrapaq allinnin qari-qari soldadokuna.

⁸Bequerpa churinkunam karqa: Zemira, Joás, Eliezer, Elioenai, Omri, Jerimot, Abías, Anatot hinaspa Alamet. Paykunam Bequerpa churinkuna karqaku.

⁹Paykunam mirayninkuman hina hinaspa ayllunkupi kamachikusqankuman hina yupasqa karqaku iskay chunka waranqa iskay pachaknin allinnin qari-qari soldadokuna.

¹⁰Jediaelpa churinmi karqa Bilhán. Bilhanpa churinkunam karqa: Jeús, Benjamín, Aod, Quenaana, Zetán, Tarsis hinaspa Ahisahar.

¹¹Paykunam karqaku Jediaelpa churinkuna. Ayllunkupi kamachikuq kasqankuman hinam yupasqa karqaku chunka qanchisniyuq waranqa iskay pachaknin guerrapaq allinnin qari-qari soldadokuna.

¹²Hirpa churinkunam karqa: Sufam hinaspa Hufam. Aherpa churinmi karqa Husim.

¹³Neftaliypa churinkunam karqa: Jahzeel, Guni, Jezer hinaspa Salum. Paykunaqa karqa Bilhapa mirayninkunam.

¹⁴Manasespa churinkunam karqa: Asriel hinaspa Galaadpa taytan Maquir. Paykunam karqaku Siria nacionniyuq churiwachan warmipa wawankuna.

¹⁵Maquirmi casarakurqa Maaca sutiyuq warmiwan. Payqa karqa Sufampa hinaspa Hufampa paninkum. Maquirpa iskay kaq churinmi karqa Zelofehad. Zelofehadpa churinkunaqa karqa warmikunallam.

¹⁶Maquirpa warmin Maacam qari wawata wachakururqa, hinaspam Pereswan suticharqa. Perespa wawqenmi karqa Seres, Serespa churinkunañataqmi karqa Ulam hinaspa Requem.

¹⁷Ulampa churinmi karqa Bedán. Paykunam karqaku Galaadpa churinkuna. Galaadqa karqa Maquirpa churinmi, Maquirñataqmi Manasespa.

¹⁸Maquirpa panin Hamolequetpa wawankunam karqa: Isod, Abiezer hinaspa Mahala.

¹⁹Semidapa churinkunam karqa: Ahián, Siquem, Likhi hinaspa Aniam.

²⁰Efrainpa mirayninkunam karqa: Sutela, Bered, Tahat, Elada, Tahat,

²¹Zabad, Sutela, Ezer hinaspa Elad. Sutelatawan Ezertam Gat lawpi yachaqkuna wañurachimurqaku animalninkuta suwaq risqankupi.

²²Chaymi taytanku Efraín unay punchaw paykunamanta waqarqa, hinaptinmi wawqenkuna rispanku sonqonta tiyachirqaku.

²³Chaymantam warminwan puñuruptin wiksayakuruspan wachakurqa huk qari wawata, hinaspam [2]Beriawan suticharqa, wasinpi sasachakuyllaña kasqanrayku.

²⁴Beriapa warmi churinmi karqa Seera, paymi uray lawpi Bet-horón llaqtatawan hanay lawpi Bet-horón llaqtata chaynataq Uzen-seera llaqtatapas hatarichirqa.

²⁵Beriapa mirayninkunam karqa: Refa, Resef, Telah, Tahán,

²⁶Laadán, Amiud, Elisama,

²⁷Nun hinaspa Josué.

²⁸Allpankuwan llaqtankum karqa: Bet-el llaqta hinaspa llaqtachantinkuna; intipa qespimunan lawpi Naarán llaqta, intipa seqaykunan lawpi Gezer llaqta, Siquem llaqta hinaspa Ayah llaqta, sapakama llaqtachantinkama.

²⁹Manasespa mirayninkunam munaychakurqaku Bet-seán, Taanac, Meguido hinaspa Dor llaqtakunapi chaynataq taksa llaqtakunapipas. Chay llaqtakunapim Israelpa churin Joseypa mirayninkuna yacharqaku.

³⁰Aserpa churinkunam karqa: Imna, Isúa, Isúi hinaspa Bería. Paninkuñataqmi karqa Sera.

³¹Beriapa churinmi karqa: Heber hinaspa Malquiel. Malquielmi karqa Birzavitpa taytan.

³²Heberpa churinkunam karqa: Jaflet, Semer hinaspa Hotam. Paninkum karqa Súah.

³³Jafletpa churinkunam karqa: Pasac, Bimhal hinaspa Asvat. Paykunam karqaku Jafletpa churinkuna.

³⁴Semerpa churinkunam karqa: Ahí, Rohga, Jehúba hinaspa Aram.

³⁵Wawqen Helempa churinkunam karqa: Zofa, Imna, Seles hinaspa Amal.

³⁶Zofapa churinkunam karqa: Súah, Harnefer, Súal, Beri, Imra,

³⁷Beser, Hod, Sama, Silsa, Itrán hinaspa Beera.

³⁸Jeterpa churinkunam karqa: Jefone, Pispa hinaspa Ara.

³⁹Ulapa churinkunam karqa: Ara, Haniel hinaspa Rezia.

⁴⁰Llapallankum karqaku Aserpa mirayninkuna. Paykunam karqaku ayllunkupi kamachikuqkuna, allinnin qari-qari soldadokuna hinaspa ancha reqsisqa runakuna. Ayllun-ayllun listasqa kasqankuman hinam yupasqa karqaku iskay chunka soqtayuq waranqa guerrapaq akllasqa soldadokuna.