Read Biblia Revisión Chuya Qellqa 1992 – Chuya Qellqa 1992 1 Crónicas 9 Bible Online

1 Crónicas 9 - Biblia Revisión Chuya Qellqa 1992 – Chuya Qellqa 1992 bible

1 Crónicas 9

¹Kaynatam Israelpa mirayninkuna, ayllun-ayllun, Israelpi reykunapa libronpi listasqa karqaku. Judá nacionpi runakunam ichaqa, huchallikusqankurayku Babiloniaman apasqa karqaku.

²Babilonia nacionmanta puntata kutimuspa chakrankuman hinaspa llaqtankuman yachanankupaq yaykuqkunaqa karqaku Israel castamanta wakin runakunawan, sacerdotekuna, levitakuna hinaspa templopi servikuqkunam.

³Judá ayllumanta, Benjamín ayllumanta, Efraín ayllumanta chaynataq Manasés ayllumanta kutimuqkunam Jerusalén llaqtapi wasichakuyta qallaykurqaku.

⁴Kutimuqkunamantam Judapa churin Farespa mirayninkuna karqa: Amiudpa churin Utai, Utaipa churin Omri, Omripa churin Imri, Imripa churin Bani.

⁵Silonitpa piwi churin Asaías hinaspa paypa churinkunapiwan.

⁶Zerapa churinkunamantañataq Jeuelwan wawqenkuna. Llapallankum karqaku soqta pachak isqon chunka runakuna.

⁷Benjamín ayllumanta kutimuqkunam karqa: Salú. Saluqa karqa Mesulampa churinmi, Mesulamñataqmi Hodaviaspa, Hodaviasñataqmi Asenuapa;

⁸Jerohampa churin Ibneías; Uzipa churin Ela, Uziqa karqa Micripa churinmi; Sefatiaspa churin Mesulam, Sefatiasqa karqa Reuelpa churinmi, Reuelñataqmi Ibniaspa.

⁹Mirayninkuman hinam ayllun-ayllun llapallanku karqaku isqon pachak pichqa chunka soqtayuq runakuna. Paykunam ayllunku ukupi kamachikuqkuna karqaku.

¹⁰Sacerdotekunamanta kutimuqkunam karqa: Jedaías, Joiarib, Jaquín,

¹¹Hilciaspa churin Azarías. Hilciasqa karqa Mesulampa churinmi, Mesulamñataqmi Sadocpa, Sadocñataqmi Meraiotpa, Meraiotñataqmi Ahitobpa. Ahitobmi karqa Diospa templonmanta nanachikuqkunapa kamachiqnin.

¹²Jerohampa churin Adaía, Jerohamqa karqa Pasurpa churinmi, Pasurñataqmi Malquiaspa; Adielpa churin Masai, Adielqa karqa Jazerapa churinmi, Jazerañataqmi Mesulampa, Mesulamñataqmi Mesilemitpa, Mesilemitñataqmi Imerpa.

¹³Mirayninkuman hinam ayllun-ayllun llapallanku karqaku waranqa qanchis pachak soqta chunka runakuna. Paykunaqa ayllunku ukupi kamachikuqkunam karqaku, Diospa templonpi yachaywan servikuq runakunam karqaku.

¹⁴Levitakunamanta kutimuqkunam karqa: Hasubpa churin Semaías, Hasubqa karqa Azricampa churinmi, Azricamñataqmi Merari ayllumanta kaq Hasabiaspa;

¹⁵Bacbacar, Heres, Galal hinaspa Micaiapa churin Matanías. Micaiaqa karqa Zicripa churinmi, Zicriñataqmi Asafpa;

¹⁶Semaiaspa churin Obadías, Semaiasqa karqa Galalpa churinmi, Galalñataqmi Jedutunpa; Asapa churin Berequías, Asaqa karqa Elcanapa churinmi. Elcanaqa yacharqa Netofa llaqtayuqkunapa yachanan llaqtachakunapim.

¹⁷Punkumanta nanachikuqkunam karqaku: Salum, Acub, Talmón hinaspa Ahimán wawqenkunapiwan. Salummi karqa paykunapa kamachiqnin.

¹⁸Kunankamapas paykunam reypa yaykunan punkuta nanachikuchkanku. Chay punkuqa kachkan intipa qespimunan lawmanmi. Paykunataqmi Leví ayllunpa campamentonkutapas nanachikuchkanku.

¹⁹Coreypa churinmi karqa Salum, Coreyñataqmi Ebiasafpa, Ebiasafñataqmi Coreypa. Salummi taytan Coreypa wakin churinkunapiwan, Santuariopa punkunkunata nanachikurqaku, imaynam ñawpaq taytankunapas Tayta Diospa carpanman yaykuna punkuta nanachikusqankuta hina.

²⁰Sacerdote Eleazarpa churin Fineesmi ñawpaqta paykunapa kamachiqninku karqa. Tayta Diosmi paywan karqa.

²¹Meselemiaspa churin Zacariasmi karqa Diosman asuykuna carpapa punkunta nanachikuq.

²²Punkukunata nanachikunankupaq akllasqakunam karqaku iskay pachak chunka iskayniyuq runakuna, yachasqanku llaqtachakunapi ayllun-ayllun listasqa kasqankuman hina. Davidwan profeta Samuelmi paykunata akllarqaku chaypi llamkanankupaq, allin confianza runakuna kasqankurayku.

²³Paykunam churinkunapiwan kuska Tayta Diospa templonpa punkunkunata turnonpi nanachikurqaku.

²⁴Paykunam templota tawan lawninmanta nanachikuqku,

²⁵ayllunkuñataqmi yachasqanku llaqtachakunamanta turnonpi hamuqku sapa qanchis punchawmanta yanapanankupaq.

²⁶Punkukuna nanachikuq Leviy ayllumanta kaq tawa kamachikuqkunam, tukuy tiempo nanachikuqku Diospa templonpi cuartokunatawan tukuy ima waqaychana cuartokunata.

²⁷Paykunam Tayta Diospa templonta tukuy tuta muyuqku waqaychanankupaq chaynataq sapa tutapayta punku kichanankupaq kamachisqa kasqankurayku.

²⁸Wakiqninkum Diospa wasinpi serviciokunata nanachikurqaku, paykunam hurqoptinku kutiykachiptinkupas yupaqku.

²⁹Wakiqninkuñataqmi templopi platokunata, vasokunata, wakin serviciokunata, harinata, vinota, aceiteta, inciensota chaynataq miski asnaq perfumekunata nanachikurqaku.

³⁰Sacerdotekunapa wakin churinkunam miski asnaq perfumekunata ruwarqaku.

³¹Leví ayllumanta kaq Coreypa churin Salumpa piwi churin Matatiasñataqmi ofrendapaq tantata ruwananpaq kamachisqa karqa.

³²Coatpa wakin churinkunam kamachisqa karqaku Tayta Diospa templonpi churana tantata ruwaspa sapa samana punchawpi churanankupaq.

³³Karqataqmi takiqkunapas, paykunaqa karqaku Leví ayllupi kamachikuqkunam, paykunam templopa cuartonkunapi yacharqaku. Paykunam tuta punchaw takinankupaq kamachisqa karqaku, manam huktaqa imatapas ruwaqkuchu.

³⁴Paykunam Leví ayllupi kamachikuqkuna karqaku, paykunaqa Jerusalén llaqtapim yacharqaku.

³⁵Jehielmi Gabaón llaqtata hatarichispan warmin Maacawan chaypi yacharqa.

³⁶Piwi churinmi karqa Abdón, qatiqninkunañataqmi Zur, Cis, Baal, Ner, Nadab,

³⁷Gedor, Ahío, Zacarías hinaspa Miclot.

³⁸Miclotpa churinmi karqa Simeam. Paykunam wawqenkunawan kuska Jerusalén llaqtapi yacharqaku.

³⁹Nerpa churinmi karqa Cis, Cispañataqmi Saúl. Saulpa churinkunam karqa: Jonatán, Malquisúa, Abinadab hinaspa Es-baal.

⁴⁰Jonatanpa churinmi karqa Merib-baal, Merib-baalpañataqmi Micaía.

⁴¹Micaiapa churinkunam karqa: Pitón, Melec, Tarea hinaspa Acaz.

⁴²Acazpa churinmi karqa Jara. Jarapa churinkunam karqa: Alemet, Azmavet hinaspa Zimri. Zimripa churinmi karqa Mosa.

⁴³Mosapa churinmi karqa Bina, Binapañataqmi Refaías, Refaiaspañataqmi Elasa, Elasapañataqmi Azel.

⁴⁴Azelpa churinkunam karqa: Azricam, Bocru, Ismael, Searías, Obadías hinaspa Hanán. Kay soqtantinmi karqaku Azelpa churinkuna.