Read Biblia Revisión Chuya Qellqa 1992 – Chuya Qellqa 1992 2 Crónicas 4 Bible Online

2 Crónicas 4 - Biblia Revisión Chuya Qellqa 1992 – Chuya Qellqa 1992 bible

2 Crónicas 4

¹Salomonmi altarta broncemanta ruwachirqa isqon metro largoyuqta, isqon metro anchoyuqta hinaspa tawa metro parten altoyuqta.

²Fundichirqataqmi broncemanta ruyru estanquetapas, huknin patanmanta huknin patankamam karqa tawa metro parten, sayayninñataqmi karqa iskay metro cuarton, muyuriqninñataqmi karqa chunka kimsayuq metro parten.

³Chay estanquepa uray law muyuriqninpim dibujasqa karqa iskay seqe torokuna, chunka torokunam karqa sapa tawa chunka pichqayuq centimetropikama; chaykunawan estanquem huk piezallamanta fundisqa karqaku.

⁴Chay estanquem tiyarqa broncemanta fundisqa chunka iskayniyuq torokunapa hawanpi. Kimsa torokunam norte lawman qawarqa, kimsañataq intipa seqaykunan lawman, kimsañataq sur lawman, kimsañataqmi intipa qespimunan lawman. Chay torokunapa qepa atakanmi uku lawman qawarqa.

⁵Chay estanquepa raktanmi karqa pusaq centímetro, patanñataqmi amanqay wayta panchiqman rikchakurqa. Chay estanquemanmi soqta chunka soqtayuq waranqa litro yaku huntarqa.

⁶Ruwachirqataqmi chunka lavatoriokunatapas, chaykunatam alleq lawninman pichqata churarqa, pichqatañataq ichoq lawninman; chaypim mayllaqku lliw kañana sacrificio ofrecenanku kaqkunata. Estanquem ichaqa sacerdotekunapa mayllakunanpaq karqa.

⁷Ruwachirqataqmi Diospa kamachisqanman hina, qorimanta chunka candelabrokunatapas, chaykunatam temploman churarqa, pichqata alleq lawninman, pichqatañataq ichoq lawninman.

⁸Ruwachirqataqmi chunka mesakunatapas, chaykunatam churachirqa temploman, pichqatam churachirqa alleq lawninman pichqatañataqmi ichoq lawninman; ruwachirqataqmi qorimanta pachak tazonkunatapas.

⁹Ruwachirqataqmi sacerdotekunapaq patiotapas, hawapi hatun patiotapas, patiopa punkunkunatapas, hinaspam broncewan llusichirqa.

¹⁰Estanquetapas churachirqataqmi templopa alleq lawnin intipa qespimunan sur lawpi.

¹¹Hirammi ruwarqa mankakunata, palakunata hinaspa tazonkunata. Chaynatam tukururqa Diospa templonpaq Salomonpa kamachisqan obrakuna ruwayta.

¹²Paypa ruwasqankunam karqa iskaynin pilarkuna, pilarkunapa puntanpi iskay adornokuna, chay adornokunapa hawanpi iskay mallakuna,

¹³chay iskay mallakunapa hawanpi tawa pachak granadakuna; iskay seqe granadakunam karqa sapa mallapaq, chay mallakunaqa karqa pilarkunapa puntanpi kaq ruyru adornokunata tapananpaqmi;

¹⁴fundirqataqmi chunka tiyanakunatapas; chaykunapim chay chunka lavatoriokunata tiyachirqa;

¹⁵ruwarqataqmi estanquetapas, estanquepa tiyanan torokunatapas,

¹⁶mankakunatapas, palakunatapas chaynataq tazonkunatapas. Tukuy chaykunatam llipipipiq broncemanta Hiram-abi ruwarqa Tayta Diospa templonpaq, rey Salomón kamachisqanman hina.

¹⁷Chaykunatam rey fundichirqa Jordán mayupa patanpi llinku mitu allpapa kasqanpi, Sucot llaqtamanta Saretán llaqtaman rinapi.

¹⁸Salomonqa manaña yupay atina serviciokunatam ruwachirqa, chayraykum hayka llasasqantapas mana yacharqakuchu.

¹⁹Salomonqa ruwachirqataqmi Diospa templonpaq qorimanta altartapas, qorimanta mesakunatapas patanasqa tantata Diospa qayllanpi ofrecenanpaq,

²⁰suma-sumaq qorimanta candelabrokunatapas mecherontintakama, hinaspam churachirqa “Chuyay-chuyay” sutiyuq cuartopa ñawpaqninpi, Diospa kamachisqanman hina ratachinankupaq.

²¹Ruwachirqataqmi suma-sumaq qorimanta waytakunatapas, mecherokunatapas, tenazakunatapas,

²²mecha kaptanapaq tijerakunatapas, tazonkunatapas, wisllakunatapas hinaspa incienso qontichinakunatapas. Templopa punkuntapas, “Chuyay-chuyay” sutiyuq cuartopa punkunkunatapas qorimantam ruwachirqa.