Read Biblia Revisión Chuya Qellqa 1992 – Chuya Qellqa 1992 Salmos 113 Bible Online

Salmos 113 - Biblia Revisión Chuya Qellqa 1992 – Chuya Qellqa 1992 bible

Salmos 113

¹¡Aleluya! ¡Aleluya! Tayta Diospa serviqninkuna, payta yupaychaychik, sutinta hatunchaychik.

²Kunanmanta wiñaykama Tayta Diospa sutin hatunchasqa kachun.

³Intipa qespimunan lawmanta intipa seqaykunan lawkama Tayta Diospa sutin yupaychasqa kachun.

⁴Tayta Diosqa llapallan nacionkunapa hawanpim munaychakun, atiyninpas cielokunapa hawanpim kachkan.

⁵Tayta Dios hinaqa manam pipas kanchu, pay hina alto-altopi tiyaqqa manam pipas kanchu.

⁶Hanaq pachatawan kay pachatam kumuykuspa qawamuchkan.

⁷Wakcha runatam allpamanta hatarichin, usuq runatam mana imayuq kasqanmanta hatarichin.

⁸Kamachikuqkunawan tiyaykachinanpaqmi hoqariykun, llaqtanpi kamachiqkunawan tiyaykachinanpaqmi hoqariykun.

⁹Qolluq warmitapas wachakuqtañam ruwaykun, wawasapallaña kasqanwanmi kusikun, Tayta Diosyá yupaychasqa kachun. ¡Aleluya!