Read Biblia Revisión Chuya Qellqa 1992 – Chuya Qellqa 1992 Salmos 118 Bible Online

Salmos 118 - Biblia Revisión Chuya Qellqa 1992 – Chuya Qellqa 1992 bible

Salmos 118

¹Tayta Diosta kuyakuq kasqanmanta yupaychaychik, kuyapayakuyninqa wiña-wiñaypaqmi

²Israelpa mirayninkuna kaynata niychik: Kuyapayakuyninqa wiña-wiñaypaqmi, nispa.

³Aaronpa mirayninkuna nichunku: “Kuyapayakuyninqa wiña-wiñaypaqmi”, nispanku.

⁴Tayta Diosta kasukuqkuna niychik: “Kuyapayakuyninqa wiña-wiñaypaqmi”, nispaykichik.

⁵Llakisqa kaspaymi Tayta Diosta qayakurqani, uyariykuwaspanmi sasachakuymanta hurqoykuwarqa.

⁶Tayta Diosmi ñoqawan kachkan, runapa imapas ruwawanantaqa manam manchakusaqchu.

⁷Tayta Diosmi ñoqawan kachkan, paymi yanapaqniyqa. ¡Cheqniqniykunatam tuñisqata qawasaq!

⁸Runakunapi hapipakunamantaqa Tayta Diosllapim hapipakuna.

⁹Kamachikuqkunapi hapipakunamantaqa Tayta Diosllapim hapipakuna.

¹⁰Llapa nacionkunam muyuriruwanku, ichaqa Tayta Diospa sutinpim tuñichisaq.

¹¹Muyuriruwaspankum chawpicharuwanku, ichaqa Tayta Diospa sutinpim tuñichisaq.

¹²Abejakuna hinam muyuriruwanku, ichaqa piñakuyninkum tukurunqa, imaynam kichkata nina ruparusqanta hina, Tayta Diospa sutinpim tuñirachisaq.

¹³Urmanaypaqmi piñakuywan tanqaykuwarqaku, ichaqa Tayta Diosmi yanapaykuwarqa.

¹⁴Tayta Diosmi kallpanchawaqniyqa, payllamanmi takillasaq, payllam salvaykuqniyqa.

¹⁵Allin ruwaqkunapa wasinpiqa kusikuywanmi qaparichkanku: Tayta Diosqa atiywan imatapas ruwaqmi.

¹⁶Tayta Diospa atiyninqa hatu-hatunmi, imatapas atiywan ruwaqmi, nispanku.

¹⁷Manam wañusaqchu aswanqa kawsasaqmi, Tayta Diospa ruwasqankunamanta willakunaypaq.

¹⁸Tayta Diosmi llumpayta ñakarichiwarqa ichaqa manam wañurachiwarqachu.

¹⁹Allin ruwaqkunapa yaykunan punkuta kichaykuwaychik, Tayta Diosta hatunchaq yaykunaypaq kichaykuwaychik.

²⁰Kayqa Tayta Diospa punkunmi, allin ruwaqkunaqa chaynintam yaykunku.

²¹Diosnilláy, graciastam qoyki, qanmi uyariykuwarqanki, qamqa salvaqniymi kanki.

²²Wasi perqaqkunapa wischupakusqanku rumim cimientopa esquinan hapiq rumiña rikurirun.

²³Kaytaqa Tayta Diosmi ruwarun, chayraykum admirasqallaña kachkanchik.

²⁴Kay punchawqa Tayta Diospa ruwasqanmi, paywanyá sinchita kusikusunchik.

²⁵Dios Taytalláy, mañakamullaykim salvaykullawayku. Dios Taytalláy, tukuy ima ruwasqaykuyá allinlla lloqsichun.

²⁶Tayta Diospa sutinpi hamuqyá bendecisqa kachun, Tayta Diospa chuya wasinmantam qamkunata bendecimuykiku.

²⁷Payllam Diosqa, payllataqmi achkiwaqninchikpas. Kallmakunata hapiychik, fiestapaq huñunakuychik, altarkama asuykuychik.

²⁸Qamqa Diosniymi kanki graciastam qosqayki, Qamqa Diosniymi kanki, hatunchasqaykim.

²⁹Tayta Diostayá allin kasqanrayku yupaychaychik, kuyapayakuyninqa wiña-wiñaypaqmi.