Read Biblia Revisión Chuya Qellqa 1992 – Chuya Qellqa 1992 Salmos 135 Bible Online

Salmos 135 - Biblia Revisión Chuya Qellqa 1992 – Chuya Qellqa 1992 bible

Salmos 135

¹¡Aleluya! ¡Aleluya! Tayta Diosta yupaychaychik, serviqninkuna, Tayta Diosta yupaychaychik,

²Tayta Diospa chuya wasinpi serviqkuna, chuya wasinpa pationpi serviqkuna,

³Tayta Diostayá allin kasqanrayku yupaychaychik, kuyapayakuq kasqanraykuyá sumaq takikunata takipuychik.

⁴Tayta Diosmi Jacobta akllaykurqa, Israeltam llaqtanpaq akllaykurqa.

⁵Ñoqaqa cheqaptapunim yachani Tayta Diosqa ancha hatun kasqanta, llapallan dioskunamantapas Diosninchikqa aswan hatunmi.

⁶Hanaq pachapipas kay pachapipas, lamar qochapipas, lamar qochapa ukunkunapipas Tayta Diosqa munasqantam ruwan.

⁷Kay pachapa patankunamantam puyukunata hatarichimun; rayokunata kacharimuspam parata chayachimun; maypim waqaychasqanmantam wayrata pukuchimun.

⁸Egipto nacionpi runakunapa piwi churinkunatam wañuchirqa, uywakunapa piwi wawankunatam wañurachirqa.

⁹Egipto nacionpa chawpinmanmi señalkunata kacharimurqa, faraonpawan yanapaqninkunapa contranpim admirakuypaq kaqkunata ruwarqa.

¹⁰Achka nacionkunata tuñichispam atiyniyuq reykunata wañuchirqa.

¹¹Amorreokunapa reynin Sehontapas, Basán nacionpa reynin Ogtapas, Canaán lawpi reykunatapas, wañuchirqam.

¹²Chay reykunapa allpantam Israel llaqtanmanña qoykurqa.

¹³Dios taytalláy, sutikiqa wiñaypaqmi; Diosnilláy, wiñaypaqmi yuyarisqa kanki.

¹⁴Tayta Diosqa llaqtanta nanachikuspam serviqninkunamanta llakipayarikunqa.

¹⁵Nacionkunapa idolonkunaqa qori-qollqemanta runakunapa ruwasqallanmi.

¹⁶Simiyuq kaspapas mana rimaqmi, ñawiyuq kaspapas mana qawakuqmi.

¹⁷Rinriyuq kaspapas mana uyariqmi, chaykunaqa mana kawsayniyuqmi.

¹⁸Chaykunamanmi rikchakunku ruwaqninkunawan chayman hapipakuqkunapas.

¹⁹Israelpa mirayninkuna, Aaronpa mirayninkuna, Tayta Diosta hatunchaychik.

²⁰Leviypa mirayninkuna, Tayta Diosta kasukuqkuna, Tayta Diosta hatunchaychik.

²¹Sión moqopi yachaq Tayta Diosyá Jerusalenpi hatunchasqa kachun. ¡Aleluya!