Read Biblia Revisión Chuya Qellqa 1992 – Chuya Qellqa 1992 Salmos 143 Bible Online

Salmos 143 - Biblia Revisión Chuya Qellqa 1992 – Chuya Qellqa 1992 bible

Salmos 143

¹Davidpa takin Dios Taytalláy, mañakullasqaytayá uyariykullaway, ruegakullasqaytayá chaskiykullaway, allin ruwaq kasqaykiraykuyá contestaykamullaway.

²Amayá kay serviqllaykitaqa juzgallawaychu, qayllaykipiqa manam ima runapas mana huchayuqqa kanmanchu.

³Enemigoykunam qatikachawanku, pasaypaqtam pampaman laqaruwanku, wañusqata hinañam tutayaypi kawsachiwanku.

⁴Pasaypaq llakisqam tarikullani, mana kallpayuqñam kallachkani.

⁵Ñawpaq watakunatam yuyarini, tukuy ima ruwasqaykikunapim yuyaymanani.

⁶Qanmanmi makillayta hoqarimuni, chakisqa allpa hinam almallaypas qanmanta yakunayasqa kachkan.

⁷Dios Taytalláy, chaylla contestaykamullaway, wañuypa patanpi hinañam tarikullani; chaylla yanapaykullaway, mana chayqa wañuqkuna hinachá rikurirullasaq.

⁸Qamllapi hapipakusqayraykuyá sapa pacha achikyaqta kuyapayakuynikita yachaykachillaway. Tukuy sonqowan mañakusqayraykuyá allin kawsakuyta yachaykachillaway.

⁹Dios Taytalláy, qamllam pakaykuqniyqa kanki, enemigoykunamanta libraykullaway.

¹⁰Qamqa Diosniymi kanki, munasqaykiman hina ruwayta yachaykachiway; espirituykiwan allin ñanninta pusachiway.

¹¹Dios Taytalláy, sutikiraykuyá kallpanchaykullaway, allin ruwaq kasqaykiraykuyá sasachakuymanta hurqoykullaway.

¹²Kuyakuynikiraykuyá cheqniqniykunata chinkarachiy, serviqniki kasqayraykuyá enemigoykunata puchukarachiy.