Read Biblia Revisión Chuya Qellqa 1992 – Chuya Qellqa 1992 Salmos 148 Bible Online

Salmos 148 - Biblia Revisión Chuya Qellqa 1992 – Chuya Qellqa 1992 bible

Salmos 148

¹¡Aleluya! Hanaq pachapi kaqkuna ¡Tayta Diostayá yupaychaychik! Altokunapi kaqkuna ¡Tayta Diosta hatunchaychik!

²Llapallan angelninkuna payta yupaychaychik, hanaq pachapi tropankuna payta hatunchaychik.

³Inti, killa qamkunapas payta yupaychaychik, kanchariq chaskakuna payta hatunchaychik!

⁴Hanaq pacha, qampas payta yupaychay, cielokunapa hawanpi yakukuna payta hatunchaychik.

⁵Tayta Diospa sutinta yupaychaychik. Pay kamachiptinmi imakunapas unanchasqa karqa.

⁶Paymi unanchasqankunata wiñaypaq takyachirqa; kamachikuykunatam qomurqa kasukusqa kananpaq

⁷Kay pachapi kaqkuna Tayta Diosta hatunchaychik Lamar qochapi manchakuypaq animalkuna, payta yupaychaychik.

⁸Rayowan runtu parapas, ritiwan puyupas, loco parawan wayrapas, kamachisqantam ruwan.

⁹Orqokunawan qasakunapas, ruruq sachakunawan cedrokunapas, payta yupaychaychik.

¹⁰Uywa animalkunawan purun animalkunapas payta hatunchaychik, pampan puriq animalkunawan pawaq animalkunapas payta yupaychaychik.

¹¹Kay pachapi reykunapas llapallan llaqtakunapas, payta hatunchaychik, kamachikuqkunawan juezkunapas payta yupaychaychik.

¹²Jovenkunawan sipaskunapas payta hatunchaychik, yuyaqkunawan wawakunapas, payta yupaychaychik.

¹³Tayta Diospa sutinta yupaychaychik, paypa sutin hatunchasqa kachun. Payqa kay pachapipas hanaq pachapipas munaychakuqmi.

¹⁴Payqa llaqtanman atiy qoqmi; llapallan chuyanchasqankuna payta yupaychaychik, Israelpa mirayninkunawan, Diospa llaqtankuna, payta hatunchaychik. ¡Aleluya!