Read Biblia Revisión Chuya Qellqa 1992 – Chuya Qellqa 1992 Salmos 39 Bible Online

Salmos 39 - Biblia Revisión Chuya Qellqa 1992 – Chuya Qellqa 1992 bible

Salmos 39

¹Davidpawan Jedutunpa takisqanku Ñoqam prometekurqani, kawsayniypipas allinllata kawsallanaypaq, rimallasqaywanpas ama huchallikunaypaq, mana allin runakunapa qayllanpi, rimananmanta simillaytapas watanaypaq.

²Upallakuykuspaymi mana imatapas rimarirqanichu, allin kaqkunamantapas manam imatapas rimarirqanichu; chayraykum ñakariyniykunapas aswanraq peorchakurqa,

³sonqollaypas ukullaypim llumpayta ruparirqa, yuyaymanallachkaptiymi ukuypipas ruparichkaq nina ratarirqa, hinaptinmi ñoqallayqa kaynata qaparirqani:

⁴Dios Taytalláy, ima punchaw wañukunaytayá willaykullaway, hayka watam kawsakunaytayá niykullaway, pisilla kawsayniyuq kasqaytayá yachaykachiway.

⁵Kawsay qollawasqaykiqa pisi punchawllam, qayllaykipiqa wataykunapas chinkaruq puyu hinallam, ñoqaykupa kawsayniykuqa chinkaruq samay hinallam.

⁶Runaqa pasaruq llantuy hinallam, tukuy ima huñusqanpas yanqapaqmi, qori-qollqe montusqanpas yanqapaqmi, manam yachanchu pipaqmi qepanantapas.

⁷Señorlláy, kunanqa ¿imatataq suyallayman? ¡Ñoqaqa qamllapim suyallani!

⁸Huchaykunamanta libraykuway, mana yachayniyuq runakuna kamiwananmanta libraykuway.

⁹Upallaykuspaymi mana imatapas rimarirqanichu, qanmi yachanki imam ruwaytapas.

¹⁰Castigoykita ñoqamanta asurichiy, maki churawasqaykiwanmi wañunayachkaniña.

¹¹Huchanmanta azotespam runataqa correginki, paypataqa ima allinña kapuqnintapas puyupa tukusqanta hinam ruwanki, runaqa qayllaykipiqa huk samay hinallam.

¹²Dios Taytalláy, mañakuyniytawan qayakuyniyta uyariykullaway, waqallasqayta qawariykullaway; qampaqqa mana llaqtayuq hinam kallani, ñawpaq taytaykuna hina pasaruqllam kallani.

¹³Piñakuy ñawikiwanqa amaña qawallawaychu, manaraqpas wañurullachkaptiyá asllatapas kusiykachillawayraq.