Read Biblia Revisión Chuya Qellqa 1992 – Chuya Qellqa 1992 Isaías 6 Bible Online

Isaías 6 - Biblia Revisión Chuya Qellqa 1992 – Chuya Qellqa 1992 bible

Isaías 6

¹Rey Uziaspa wañukusqan watapim, Tayta Diosta alto-alto trononpi tiyachkaqta rikurqani, pachanpa patankunatapas temploman huntaykuqta.

²Paypa altonpiñataqmi Serafinkuna kachkasqa, sapakama soqta raprayuqkama. Iskay raprankuwanmi uyankuta tapakusqaku, iskay raprankuwanmi chakinkuta tapakusqaku, iskay raprankuwanñataqmi pawasqaku.

³Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

⁴Chayna qaparisqankuwanmi punkupa pilarninkunapas katkatatarqa, qosniñataqmi temploman huntaykurqa.

⁵Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

⁶Hinaptinmi huknin serafinqa, altarmanta nina sansata tenazawan hurqoramuspa ñoqapa lawman pawamurqa.

⁷Chaywan simiyta tupaykachispanmi niwarqa: Kunanmi simikita kay sansa tupaykun, mana allinkuna ruwasqaykitam qechurun, huchaykikunapas pampachasqañam, nispa.

⁸Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

⁹Chaymi niwarqa: Rispaykiyá kay llaqtaman kaynata nimuy: Uyarichkaspapas manam entiendenqakuchu, qawachkaspapas manam yachanqakuchu.

¹⁰Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

¹¹Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

¹²runakunata karuman qarqonaykamam, kay nacionpas pasaypaq chunninankamam.

¹³Pachakmanta chunkallaña puchuqkunatapas chinkachisaqmi. Ichaqa imaynam roble sachata encina sachata kuchuruptinku kullullanña puchurun chaynam kanqaku. Chaywanpas chay kulluqa ikllimunqam, chay kullumanta ikllimuqmi Tayta Diospaq sapaqchasqa kanqa.