Read Biblia Revisión Chuya Qellqa 1992 – Chuya Qellqa 1992 Josué 15 Bible Online

Josué 15 - Biblia Revisión Chuya Qellqa 1992 – Chuya Qellqa 1992 bible

Josué 15

¹Tupasqanman hinam, Judá ayllukunapa allpan karqa, haykam kasqankuman hina, Edom castakunapa allpanwan tupanakuqmanta qallarispa sur lawpi Zin sutiyuq chunniqkama.

²Sur lawman linderonmi, Puchqo lamar qochamanta qallarirqa,

³chaymantam sur lawman Acrabim wichayta hoqarikuspan Zin chunniqninta Cades-barneapa sur lawninman chayarqa; hinaspam Hezrón lawninta rispan Adarkama wicharirqa, chaymantam Carca lawman muyumurqa.

⁴Chaymantam Asmón lawman rispan Egipto wayqoman chayaspa Mediterráneo lamar qochapi tukurqa. Chaykamam Judá ayllupa allpan sur lawman chayarqa.

⁵Intipa qespimunan lawmanñataqmi chayarqa Puchqo lamar qochakama, Jordán mayupa tukupayninkama. Norte lawmanñataqmi Jordán mayupa Puchqo lamar qochapi tukupayninmanta qallarirqa,

⁶hinaspam Bet-hogla lawninta wicharispa Bet-arabapa norte lawninta rispan Rubenpa churin Bohanpa rumi churasqankama chayarqa.

⁷Chaymantam Acor qechwanta rispan Debir lawman qespirqa, hinaspam norte lawninta wayqopa sur lawninpi Adumín wichaypa chimpan Gilgalman muyumurqa, hinaspam En-semes pukyunta rispan Rogel pukyuman lloqsirqa,

⁸chaymantam jebuseokunapa llaqtan Jerusalenpa sur lawninpi Ben-hinom wayqonta rispan Hinom wayqopa intipa seqaykunan lawninpi orqonta qespispan Refaim wayqopa norte lawninman uraykurqa,

⁹chay orqomantam Neftoa pukyukunapa ñawinkama muyumurqa, hinaspam Efrón orqopi llaqtakunapa kasqankama chayaspan Baala llaqtaman kutimurqa. Baala llaqtapa huknin sutinmi karqa Quiriat-jearim.

¹⁰Baala llaqtamantam intipa seqaykunan law Seir orqoman muyumuspan Jearim orqopa waqtanta norte lawpi Quesalón llaqtakama rispa Bet-semes llaqtanta uraykuspa Timna llaqtakama chayarqa.

¹¹Chaymantam Ecrón llaqtapa norte lawninta chutarikuspan Sicrón lawman muyurqa. Chaymantam Baala orqonta rispan Jabneel lawman lloqsirqa hinaspam Mediterráneo lamar qochapi tukurqa.

¹²Intipa seqaykunan lawmanñataqmi Mediterráneo lamar qochapi tukurqa. Kaykunam karqa Judá ayllupa allpankupa linderonkuna, chaytam ayllunkupi haykam kasqankuman hina partenakurqaku.

¹³Jefonepa churin Calebmanmi tupaqninta Josué qorqa Judá ayllupa allpan ukupi. Tayta Diospa kamachisqanman hinam qorqa Anacpa taytan Arbapa hatarichisqan Quiriat-arba llaqtata. Quiriat-arbapa huknin sutinmi karqa Hebrón.

¹⁴Hebrón llaqtamantam Caleb qarqorqa Anacpa kimsa churinkunata. Paykunam karqa: Sesai, Ahimán hinaspa Talmai.

¹⁵Chaymantam Debir llaqtapa contranpi Caleb rirqa. Debir llaqtapa ñawpaq sutinqa karqa Quiriat-sefermi.

¹⁶Calebmi nirqa: Pipas Quiriat-sefer llaqtaman yaykuspa venceruqtaqa warmi churiy Acsawanmi casarachisaq, nispa.

¹⁷Hinaptinmi Cenazpa churin Otoniel vencerurqa, Cenazqa karqa Calebpa wawqenmi. Chaymi Calebqa Otonielta warmi churin Acsawan casarachirqa.

¹⁸Pusasqan punchawmi Acsata qosan Otoniel umacharqa taytan Calebmanta allinnin chakrakunata mañakunanpaq. Chaymi Asnonmanta Acsa uraykuptin taytan Caleb tapurqa: ¿Imataq pasasunki? nispa.

¹⁹Hinaptinmi Acsa nirqa: Neguev allpata qoykuwachkaspaykiqa ama hina kaspayá pukyukunatawan qoykuway, nispa. Chaymi hanay lawpi uray lawpi pukyukunata Caleb qoykurqa.

²⁰Kaykunam Judá ayllupa allpankuna, haykam kasqankuman hina.

²¹Judá castakunaman tupaq llaqtakunam kaykuna karqa: Sur lawmanmi karqa, Edom nacionwan tupanakuqkama: Cabseel, Edar, Jagur,

²²Cina, Dimona, Adada,

²³Cedes, Hazor, Itnán,

²⁴Zif, Telem, Bealot,

²⁵Hazor-hadata, Queriot, Hezrón (Hezrón llaqtapa huknin sutinmi karqa Hazor),

²⁶Amam, Sema, Molada,

²⁷Hazar-gada, Hesmón, Bet-pelet,

²⁸Hazar-sual, Beerseba, Bizotia,

²⁹Baala, Iim, Esem,

³⁰Eltolad, Quesil, Horma,

³¹Siclag, Madmana, Sansana,

³²Lebaot, Silhim, Aín hinaspa Rimón. Llapallanmi karqa iskay chunka isqonniyuq llaqtakuna sapakama taksa llaqtankunapiwan.

³³Pampakunapiñataqmi karqa: Estaol, Zora, Asena,

³⁴Zanoa, En-ganim, Tapúa, Enam,

³⁵Jarmut, Adulam, Soco, Azeca,

³⁶Saaraim, Aditaim, Gedera hinaspa Gederotaim. Llapallanmi karqa chunka tawayuq llaqtakuna sapakama taksa llaqtankunapiwan kuska.

³⁷Wakin llaqtankunam karqa: Zenán, Hadasa, Migdal-gad,

³⁸Dileán, Mizpa, Jocteel,

³⁹Laquis, Boscat, Eglón,

⁴⁰Cabón, Lahmam, Quitlis,

⁴¹Gederot, Bet-dagón, Naama hinaspa Maceda. Llapallanmi karqa chunka soqtayuq llaqtakuna sapakama taksa llaqtankunapiwan.

⁴²Paykunapam karqa: Libna, Eter, Asán,

⁴³Jifta, Asena, Nezib,

⁴⁴Keila, Aczib hinaspa Maresa llaqtakunapas. Llapallanmi karqa isqon llaqtakuna sapakama taksa llaqtankunapiwan.

⁴⁵Paykunapataqmi karqa Ecrón llaqtapas taksa llaqtankunapiwan,

⁴⁶chaynataq Asdodpa hichpanpi llaqtakunapas taksa llaqtankunapiwan, Ecronmanta qallarispa Mediterráneo lamar qochakama.

⁴⁷Paykunapam karqa Asdod llaqtapas taksa llaqtankunapiwan kuska; Gaza llaqtapas taksa llaqtankunapiwan Egipto wayqokama chaynataq Mediterráneo lamar qochakama.

⁴⁸Orqo lawmanñataqmi karqa: Samir, Jatir, Soco,

⁴⁹Dana, Quiriat-sana otaq Debir,

⁵⁰Anab, Estemoa, Anim,

⁵¹Gosén, Holón hinaspa Gilo. Llapallanmi karqa chunka hukniyuq llaqtakuna taksa llaqtankunapiwan.

⁵²Arab, Duma, Esán,

⁵³Janum, Bet-tapúa, Afeca,

⁵⁴Humta, Quiriat-arba otaq Hebrón hinaspa Sior. Llapallanmi karqa isqon llaqtakuna taksa llaqtankunapiwan.

⁵⁵Maón, Carmel, Zif, Juta,

⁵⁶Jezreel, Jocdeam, Zanoa,

⁵⁷Caín, Gabaa hinaspa Timna. Llapallanmi karqa chunka llaqtakuna taksa llaqtankunapiwan.

⁵⁸Halhul, Bet-sur, Gedor,

⁵⁹Maarat, Bet-anot hinaspa Eltecón. Llapallanmi karqa soqta llaqtakuna taksa llaqtankunapiwan.

⁶⁰Quiriat-baal otaq Quiriat-jearim hinaspa Rabá. Iskay llaqtakuna taksa llaqtankunapiwan.

⁶¹Chunniq lawpiñataqmi karqa: Bet-arabá, Midín, Secaca,

⁶²Nibsán, Kachi llaqta hinaspa En-gadi. Llapallanmi karqa soqta llaqtakuna taksa llaqtankunapiwan.

⁶³Chaywanpas Judá aylluqa manam Jerusalén llaqtapi yachaq jebuseokuna qarqoytaqa atirqakuchu. Chayraykum jebuseokunaqa Judá aylluwan kuska kunankama yachachkanku.