Read Clementine Vulgate Esdrae 2 Bible Online

Esdrae 2 - Clementine Vulgate bible

Esdrae 2

¹Hi sunt autem provinciæ filii, qui ascenderunt de captivitate, quam transtulerat Nabuchodonosor rex Babylonis in Babylonem, et reversi sunt in Jerusalem et Judam, unusquisque in civitatem suam.

²Qui venerunt cum Zorobabel, Josue, Nehemia, Saraia, Rahelaia, Mardochai, Belsan, Mesphar, Beguai, Rehum, Baana. Numerus virorum populi Israël:

³Filii Pharos duo millia centum septuaginta duo.

⁴Filii Sephatia, trecenti septuaginta duo.

⁵Filii Area, septingenti septuaginta quinque.

⁶Filii Phahath Moab, filiorum Josue: Joab, duo millia octingenti duodecim.

⁷Filii Ælam, mille ducenti quinquaginta quatuor.

⁸Filii Zethua, nongenti quadraginta quinque.

⁹Filii Zachai, septingenti sexaginta.

¹⁰Filii Bani, sexcenti quadraginta duo.

¹¹Filii Bebai, sexcenti viginti tres.

¹²Filii Azgad, mille ducenti viginti duo.

¹³Filii Adonicam, sexcenti sexaginta sex.

¹⁴Filii Beguai, duo millia quinquaginta sex.

¹⁵Filii Adin, quadringenti quinquaginta quatuor.

¹⁶Filii Ather, qui erant ex Ezechia, nonaginta octo.

¹⁷Filii Besai, trecenti viginti tres.

¹⁸Filii Jora, centum duodecim.

¹⁹Filii Hasum, ducenti viginti tres.

²⁰Filii Gebbar, nonaginta quinque.

²¹Filii Bethlehem, centum viginti tres.

²²Viri Netupha, quinquaginta sex.

²³Viri Anathoth, centum viginti octo.

²⁴Filii Azmaveth, quadraginta duo.

²⁵Filii Cariathiarim, Cephira et Beroth, septingenti quadraginta tres.

²⁶Filii Rama et Gabaa, sexcenti viginti unus.

²⁷Viri Machmas, centum viginti duo.

²⁸Viri Bethel et Hai, ducenti viginti tres.

²⁹Filii Nebo, quinquaginta duo.

³⁰Filii Megbis, centum quinquaginta sex.

³¹Filii Ælam alterius, mille ducenti quinquaginta quatuor.

³²Filii Harim, trecenti viginti.

³³Filii Lod Hadid, et Ono, septingenti viginti quinque.

³⁴Filii Jericho, trecenti quadraginta quinque.

³⁵Filii Senaa, tria millia sexcenti triginta.

³⁶Sacerdotes: filii Jadaia in domo Josue, nongenti septuaginta tres.

³⁷Filii Emmer, mille quinquaginta duo.

³⁸Filii Pheshur, mille ducenti quadraginta septem.

³⁹Filii Harim, mille decem et septem.

⁴⁰Levitæ: filii Josue et Cedmihel filiorum Odoviæ, septuaginta quatuor.

⁴¹Cantores: filii Asaph, centum viginti octo.

⁴²Filii janitorum: filii Sellum, filii Ater, filii Telmon, filii Accub, filii Hatitha, filii Sobai: universi centum triginta novem.

⁴³Nathinæi: filii Siha, filii Hasupha, filii Tabbaoth,

⁴⁴filii Ceros, filii Siaa, filii Phadon,

⁴⁵filii Lebana, filii Hagaba, filii Accub,

⁴⁶filii Hagab, filii Semlai, filii Hanan,

⁴⁷filii Gaddel, filii Gaher, filii Raaia,

⁴⁸filii Rasin, filii Necoda, filii Gazam,

⁴⁹filii Aza, filii Phasea, filii Besee,

⁵⁰filii Asena, filii Munim, filii Nephusim,

⁵¹filii Bacbuc, filii Hacupha, filii Harhur,

⁵²filii Besluth, filii Mahida, filii Harsa,

⁵³filii Bercos, filii Sisara, filii Thema,

⁵⁴filii Nasia, filii Hatipha,

⁵⁵filii servorum Salomonis, filii Sotai, filii Sophereth, filii Pharuda,

⁵⁶filii Jala, filii Dercon, filii Geddel,

⁵⁷filii Saphatia, filii Hatil, filii Phochereth, qui erant de Asebaim, filii Ami:

⁵⁸omnes Nathinæi, et filii servorum Salomonis, trecenti nonaginta duo.

⁵⁹Et hi qui ascenderunt de Thelmala, Thelharsa, Cherub, et Adon, et Emer: et non potuerunt indicare domum patrum suorum et semen suum, utrum ex Israël essent.

⁶⁰Filii Dalaia, filii Tobia, filii Necoda, sexcenti quinquaginta duo.

⁶¹Et de filiis sacerdotum: filii Hobia, filii Accos, filii Berzellai, qui accepit de filiabus Berzellai Galaaditis, uxorem, et vocatus est nomine eorum:

⁶²hi quæsierunt scripturam genealogiæ suæ, et non invenerunt, et ejecti sunt de sacerdotio.

⁶³Et dixit Athersatha eis ut non comederent de Sancto sanctorum, donec surgeret sacerdos doctus atque perfectus.

⁶⁴Omnis multitudo quasi unus, quadraginta duo millia trecenti sexaginta:

⁶⁵exceptis servis eorum, et ancillis, qui erant septem millia trecenti triginta septem: et in ipsis cantores atque cantatrices ducenti.

⁶⁶Equi eorum septingenti triginta sex, muli eorum, ducenti quadraginta quinque,

⁶⁷cameli eorum, quadringenti triginta quinque, asini eorum, sex millia septingenti viginti.

⁶⁸Et de principibus patrum, cum ingrederentur templum Domini, quod est in Jerusalem, sponte obtulerunt in domum Dei ad exstruendam eam in loco suo.

⁶⁹Secundum vires suas dederunt impensas operis, auri solidos sexaginta millia et mille, argenti mnas quinque millia, et vestes sacerdotales centum.

⁷⁰Habitaverunt ergo sacerdotes, et Levitæ, et de populo, et cantores, et janitores, et Nathinæi, in urbibus suis, universusque Israël in civitatibus suis.