Read Clementine Vulgate Sirach 25 Bible Online

Sirach 25 - Clementine Vulgate bible

Sirach 25

¹In tribus placitum est spiritui meo, quæ sunt probata coram Deo et hominibus?

²concordia fratrum, et amor proximorum, et vir et mulier bene sibi consentientes.

³Tres species odivit anima mea, et aggravor valde animæ illorum?

⁴pauperem superbum, divitem mendacem, senem fatuum et insensatum.

⁵Quæ in juventute tua non congregasti, quomodo in senectute tua invenies?

⁶Quam speciosum canitiei judicium, et presbyteris cognoscere consilium !

⁷Quam speciosa veteranis sapientia, et gloriosus intellectus et consilium !

⁸Corona senum multa peritia, et gloria illorum timor Dei.

⁹Novem insuspicabilia cordis magnificavi? et decimum dicam in lingua hominibus?

¹⁰homo qui jucundatur in filiis, vivens et videns subversionem inimicorum suorum.

¹¹Beatus qui habitat cum muliere sensata, et qui lingua sua non est lapsus, et qui non servivit indignis se.

¹²Beatus qui invenit amicum verum, et qui enarrat justitiam auri audienti.

¹³Quam magnus qui invenit sapientiam et scientiam ! sed non est super timentem Dominum.

¹⁴Timor Dei super omnia se superposuit.

¹⁵Beatus homo cui donatum est habere timorem Dei? qui tenet illum, cui assimilabitur?

¹⁶Timor Dei initium dilectionis ejus? fidei autem initium agglutinandum est ei.

¹⁷Omnis plaga tristitia cordis est, et omnis malitia nequitia mulieris.

¹⁸Et omnem plagam, et non plagam videbit cordis?

¹⁹et omnem nequitiam, et non nequitiam mulieris?

²⁰et omnem obductum, et non obductum odientium?

²¹et omnem vindictam, et non vindictam inimicorum.

²²Non est caput nequius super caput colubri,

²³et non est ira super iram mulieris. Commorari leoni et draconi placebit, quam habitare cum muliere nequam.

²⁴Nequitia mulieris immutat faciem ejus? et obcæcat vultum suum tamquam ursus, et quasi saccum ostendit. In medio proximorum ejus

²⁵ingemuit vir ejus, et audiens suspiravit modicum.

²⁶Brevis omnis malitia super malitiam mulieris? sors peccatorum cadat super illam.

²⁷Sicut ascensus arenosus in pedibus veterani, sic mulier linguata homini quieto.

²⁸Ne respicias in mulieris speciem, et non concupiscas mulierem in specie.

²⁹Mulieris ira, et irreverentia, et confusio magna.

³⁰Mulier si primatum habeat, contraria est viro suo.

³¹Cor humile, et facies tristis, et plaga cordis, mulier nequam.

³²Manus debiles et genua dissoluta, mulier quæ non beatificat virum suum.

³³A muliere initium factum est peccati, et per illam omnes morimur.

³⁴Non des aquæ tuæ exitum, nec modicum? nec mulieri nequam veniam prodeundi.

³⁵Si non ambulaverit ad manum tuam, confundet te in conspectu inimicorum.

³⁶A carnibus tuis abscinde illam, ne semper te abutatur.