Read Clementine Vulgate Sirach 33 Bible Online

Sirach 33 - Clementine Vulgate bible

Sirach 33

¹Timenti Dominum non occurrent mala? sed in tentatione Deus illum conservabit, et liberabit a malis. Sapiens non odit mandata et justitias,

²et non illidetur quasi in procella navis.

³Homo sensatus credit legi Dei, et lex illi fidelis.

⁴Qui interrogationem manifestat parabit verbum, et sic deprecatus exaudietur? et conservabit disciplinam, et tunc respondebit.

⁵Præcordia fatui quasi rota carri, et quasi axis versatilis cogitatus illius.

⁶Equus emissarius, sic et amicus subsannator? sub omni supra sedente hinnit.

⁷Quare dies diem superat, et iterum lux lucem, et annus annum a sole?

⁸A Domini scientia separati sunt, facto sole, et præceptum custodiente.

⁹Et immutavit tempora, et dies festos ipsorum, et in illis dies festos celebraverunt ad horam.

¹⁰Ex ipsis exaltavit et magnificavit Deus, et ex ipsis posuit in numerum dierum? et omnes homines de solo et ex terra unde creatus est Adam.

¹¹In multitudine disciplinæ Dominus separavit eos, et immutavit vias eorum.

¹²Ex ipsis benedixit et exaltavit, et ex ipsis sanctificavit, et ad se applicavit, et ex ipsis maledixit, et humiliavit, et convertit illos a separatione ipsorum.

¹³Quasi lutum figuli in manu ipsius, plasmare illud et disponere.

¹⁴Omnes viæ ejus secundum dispositionem ejus? sic homo in manu illius qui se fecit, et reddet illi secundum judicium suum.

¹⁵Contra malum bonum est, et contra mortem vita? sic et contra virum justum peccator, et sic intuere in omnia opera Altissimi, duo et duo, et unum contra unum.

¹⁶Et ego novissimus evigilavi, et quasi qui colligit acinos post vindemiatores.

¹⁷In benedictione Dei et ipse speravi, et quasi qui vindemiat replevi torcular.

¹⁸Respicite quoniam non mihi soli laboravi, sed omnibus exquirentibus disciplinam.

¹⁹Audite me, magnates et omnes populi? et rectores ecclesiæ, auribus percipite.

²⁰Filio et mulieri, fratri et amico, non des potestatem super te in vita tua? et non dederis alii possessionem tuam, ne forte pœniteat te, et depreceris pro illis.

²¹Dum adhuc superes et aspiras, non immutabit te omnis caro.

²²Melius est enim ut filii tui te rogent, quam te respicere in manus filiorum tuorum.

²³In omnibus operibus tuis præcellens esto.

²⁴Ne dederis maculam in gloria tua. In die consummationis dierum vitæ tuæ, et in tempore exitus tui, distribue hæreditatem tuam.

²⁵Cibaria, et virga, et onus asino? panis, et disciplina, et opus servo.

²⁶Operatur in disciplina, et quærit requiescere? laxa manus illi, et quærit libertatem.

²⁷Jugum et lorum curvant collum durum, et servum inclinant operationes assiduæ.

²⁸Servo malevolo tortura et compedes? mitte illum in operationem, ne vacet?

²⁹multam enim malitiam docuit otiositas.

³⁰In opera constitue eum? sic enim condecet illum. Quod si non obaudierit, curva illum compedibus, et non amplifices super omnem carnem? verum sine judicio nihil facias grave.

³¹Si est tibi servus fidelis, sit tibi quasi anima tua? quasi fratrem sic eum tracta, quoniam in sanguine animæ comparasti illum.

³²Si læseris eum injuste, in fugam convertetur?

³³et si extollens discesserit, quem quæras et in qua via quæras illum nescis.