Read Clementine Vulgate Machabaeorum liber II 4 Bible Online

Machabaeorum liber II 4 - Clementine Vulgate bible

Machabaeorum liber II 4

¹Simon autem prædictus pecuniarum, et patriæ delator, male loquebatur de Onia, tamquam ipse Heliodorum instigasset ad hæc, et ipse fuisset incentor malorum?

²provisoremque civitatis, ac defensorem gentis suæ, et æmulatorem legis Dei audebat insidiatorem regni dicere.

³Sed cum inimicitiæ in tantum procederent, ut etiam per quosdam Simonis necessarios homicidia fierent?

⁴considerans Onias periculum contentionis, et Apollonium insanire, utpote ducem Cœlesyriæ et Phœnicis, ad augendam malitiam Simonis, ad regem se contulit,

⁵non ut civium accusator, sed communem utilitatem apud semetipsum universæ multitudinis considerans.

⁶Videbat enim sine regali providentia impossibile esse pacem rebus dari, nec Simonem posse cessare a stultitia sua.

⁷Sed post Seleuci vitæ excessum, cum suscepisset regnum Antiochus, qui Nobilis appellabatur, ambiebat Jason frater Oniæ summum sacerdotium?

⁸adito rege, promittens ei argenti talenta trecenta sexaginta, et ex redditibus aliis talenta octoginta,

⁹super hæc promittebat et alia centum quinquaginta, si potestati ejus concederetur, gymnasium et ephebiam sibi constituere, et eos qui in Jerosolymis erant, Antiochenos scribere.

¹⁰Quod cum rex annuisset, et obtinuisset principatum, statim ad gentilem ritum contribules suos transferre cœpit,

¹¹et amotis his, quæ humanitatis causa Judæis a regibus fuerant constituta, per Joannem patrem Eupolemi, qui apud Romanos de amicitia, et societate functus est legatione legitima, civium jura destituens, prava instituta sanciebat.

¹²Etenim ausus est sub ipsa arce gymnasium constituere, et optimos quosque epheborum in lupanaribus ponere.

¹³Erat autem hoc non initium, sed incrementum quoddam, et profectus gentilis, et alienigenæ conversationis, propter impii, et non sacerdotis Jasonis nefarium, et inauditum scelus?

¹⁴ita ut sacerdotes jam non circa altaris officia dediti essent, sed contempto templo, et sacrificiis neglectis festinarent participes fieri palæstræ, et præbitionis ejus injustæ, et in exercitiis disci,

¹⁵et patrios quidem honores nihil habentes, græcas glorias optimas arbitrabantur?

¹⁶quarum gratia periculosa eos contentio habebat, et eorum instituta æmulabantur, ac per omnia his consimiles esse cupiebant, quos hoste et peremptores habuerant.

¹⁷In leges enim divinas impie agere impune non cedit? sed hoc tempus sequens declarabit.

¹⁸Cum autem quinquennalis agon Tyri celebraretur, et rex præsens esset,

¹⁹misit Jason facinorosus ab Jerosolymis viros peccatores, portantes argenti didrachmas trecentas in sacrificum Herculis, quas postulaverunt hi qui asportaverant ne in sacrificiis erogarentur, quia non oporteret, sed in alios sumptus eas deputari.

²⁰Sed hæ oblatæ sunt quidem ab eo qui miserat in sacrificium Herculis? propter præsentes autem datæ sunt in fabricam navium triremium.

²¹Misso autem in Ægyptum Apollonio Mnesthei filio propter primates Ptolemæi Philometoris regis, cum cognovisset Antiochus alienum se a negotiis regni effectum, propriis utilitatibus consulens, profectus inde venit Joppen, et inde Jerosolymam.

²²Et magnifice ab Jasone, et civitate susceptus, cum facularum luminibus et laudibus ingressus est? et inde in Phœnicen exercitum convertit.

²³Et post triennii tempus misit Jason Menelaum supradicti Simonis fratrem portantem pecunias regi, et de negotiis necessariis responsa perlaturum.

²⁴At ille commendatus regi, cum magnificasset faciem potestatis ejus, in semetipsum retorsit summum sacerdotium, superponens Jasoni talenta argenti trecenta.

²⁵Acceptisque a rege mandatis, venit, nihil quidem habens dignum sacerdotio? animos vero crudelis tyranni, et feræ belluæ iram gerens.

²⁶Et Jason quidem, qui proprium fratrem captivaverat, ipse deceptus profugus in Ammanitem expulsus est regionem.

²⁷Menelaus autem principatum quidem obtinuit? de pecuniis vero regi promissis, nihil agebat, cum exactionem faceret Sostratus, qui arci erat præpositus,

²⁸nam ad hunc exactio vectigalium pertinebant? quam ob causam utrique ad regem sunt evocati.

²⁹Et Menelaus amotus est a sacerdotio, succedente Lysimacho fratre suo? Sostratus autem prælatus est Cypriis.

³⁰Et cum hæc agerentur, contigit, Tharsenses, et Mallotas seditionem movere, eo quod Antiochidi regis concubinæ dono essent dati.

³¹Festinanter itaque rex venit sedare illos, relicto suffecto uno ex comitibus suis Andronico.

³²Ratus autem Menelaus accepisse se tempus opportunum, aurea quædam vasa e templo furatus donavit Andronico, et alia vendiderat Tyri, et per vicinas civitates.

³³Quod cum certissime cognovisset Onias, arguebat eum, ipse in loco tuto se continens Antiochiæ secus Daphnem.

³⁴Unde Menelaus accedens ad Andronicum, rogabat ut Oniam interficeret. Qui cum venisset ad Oniam, et datis dextris cum jurejurando (quamvis esset ei suspectus) suasisset de asylo procedere, statim eum peremit, non veritus justitiam.

³⁵Ob quam causam non solum Judæi, sed aliæ quoque nationes indignabantur, et moleste ferebant de nece tanti viri injusta.

³⁶Sed regressum regem de Ciliciæ locis adierunt Judæi apud Antiochiam, simul et Græci, conquerentes de iniqua nece Oniæ.

³⁷Contristatus itaque animo Antiochus propter Oniam, et flexus ad misericordiam, lacrimas fudit, recordatus defuncti sobrietatem et modestiam?

³⁸accensisque animis Andronicum purpura exutum, per totam civitatem jubet circumduci? et in eodem loco, in quo in Oniam impietatem commiserat, sacrilegum vita privari, Domino illi condignam retribuente pœnam.

³⁹Multis autem sacrilegiis in templo a Lysimacho commissis Menelai consilio, et divulgata fama, congregata est multitudo adversum Lysimachum multo jam auro exportato.

⁴⁰Turbis autem insurgentibus, et animis ira repletis, Lysimachus armatis fere tribus millibus iniquis manibus uti cœpit, duce quodam tyranno, ætate pariter et dementia provecto.

⁴¹Sed ut intellexerunt conatum Lysimachi, alii lapides, alii fustes validos arripuere? quidam vero cinerem in Lysimachum jecere.

⁴²Et multi quidem vulnerati, quidam autem et prostrati, omnes vero in fugam conversi sunt? ipsum etiam sacrilegum secus ærarium interfecerunt.

⁴³De his ergo cœpit judicium adversus Menelaum agitari.

⁴⁴Et cum venisset rex Tyrum, ad ipsum negotium detulerunt missi tres viri a senioribus.

⁴⁵Et cum superaretur Menelaus, promisit Ptolemæo multas pecunias dare ad suadendum regi.

⁴⁶Itaque Ptolemæus in quodam atrio positum quasi refrigerandi gratia regem adiit, et deduxit a sententia?

⁴⁷et Menelaum quidem universæ malitiæ reum criminibus absolvit? miseros autem qui, etiamsi apud Scythas causam dixissent, innocentes judicarentur, hos morte damnavit.

⁴⁸Cito ergo injustam pœnam dederunt, qui pro civitate, et populo, et sacris vasis causam prosecuti sunt.

⁴⁹Quam ob rem Tyrii quoque indignati, erga sepulturam eorum liberalissimi extiterunt.

⁵⁰Menelaus autem, propter eorum, qui in potentia erant, avaritiam, permanebat in potestate, crescens in malitia ad insidias civium.