Read Coatecas Altas Zapotec San Lucas 20 Bible Online

San Lucas 20 - Coatecas Altas Zapotec bible

San Lucas 20

¹No ngol tu ngubizh, nzo Jesús lo luwe che'n yado', kilu' Me widi'zh che'n Dios lo rë xa' nzhin ze', orze' ze', mizhin rë xa' nile' mandad lo rë ngulëi', no rë xa' nilu' ley, kun rë xa' nak zhi'n yezh,

²nzhab rë xa' re' lo Jesús: ―Bine lo no, ¿kwan nakal par kile'l rë kure', mbaino cho mixë'lal par le'le?

³Orze' nzhab Jesús: ―Nuka da, nabdi'zh tu kwa'n lo go, no bine goi:

⁴¿Cho mixë'l Juan par lilëi' Juan men le'n nits? ¿Chi Diose, o mene?

⁵Orze' nguzublo kidi'zh bixa' lo wech bixa': ―Chi gab be: “Lë' Dios mixë'l Juan”, orze' lë' xa' ne lo be: “¿Chonska nangayila go xa'?”

⁶No chi gab be: “Men mixë'l Juan”, orze' lë' rë men re' koke be, porke rë men zak, lë' Juan ngok tu profet, xa' midi'zh por Dios.

⁷Orze' nzhab bixa': ―Nanet no cho mixë'l Juan.

⁸Orze' nzhab Jesús lo bixa': ―Nuska da, nanita cho mixë'l da kilen rë kure'. Kwent che'n rë mos mal laxto'

⁹Orze' midi'zh Jesús kwent re', lo rë men nzhin ze', nzhab Me: ―Tu miyi' mixë'n tu pedas ya gub, orze' miza' xa'i med lo rë men ga'ne; orze' nguro' xa' tu tiemp xche.

¹⁰Or ngol tiemp miza'i, mixë'l xa' nak che'n ya gub re', tu mos che'n xa' par na'b xa' lo rë men ngo'ne, kwa'n gal xa'. Per rë xa' ngo'ne re', ndin bixa' mos re', no mizhire bixa' mos re' nab ya' mos.

¹¹Orze' mixë'l xa' xtu mos, no nu ska mos re' ndin bixa', no che'ptsa mile' bixa' ne', no mizhire bixa' mos re', nab ya' ska mos.

¹²Orze' mixë'l xa' mos yon; nu ska xa' re' mitsiwe' bixa', no ngulutin bixa' mos re' al tich.

¹³’Orze' mile' xa' nak che'n ya gub re' xigab: “¿Kwan len nal? Mejor yub xga'na xëla, xa' nazhi' da, pas ro' xa' re'se gon bixa'.”

¹⁴Per or une rë men ngo'n yuo re', xga'n xa' kwa'n nak che'ne, tutsa mia'n bixa' nzhab bixa': “Xa' re' nak che'n rëi; chao' gut be xa', par ka' be rë nak kure'.”

¹⁵Orze' ngulutin bixa', xga'n xa' nak che'ne al tich, par mbit bixa' miyi' re'. Orze' nzhab Jesús lo rë men nzhin ze': ―Nal, ¿kwan le' xa' nak che'n ya gub re'?

¹⁶Lë' xa' yë'd par lo'x xa' rë xa' kwa'n ngo'n ya gub che'n xa', mbaino lë' xa' za'i ga'n xtu ben men. No or mbin rë men nzhin ze' kure', nzhab bixa': ―¡Kuba'se nayot gak!

¹⁷Per or miwi' Jesús xe lo bixa', nzhab Me: ―Aja, kwan gab widi'zh kwan nzobni' re'x:Lë' ke kwa'n ngulubi rë xa' nichao' yo', zak bixa' nazu'te,per lë'i ngok ke galo laka, kwa'n nzen dub yo'.

¹⁸No rë men yachin lo ke re', lë'i gut xa'; no chi lë' ke re' gab yek tu men, lë'i ta'ch xa'. Ñal za' men che'n rey kwa'n nak che'n rey

¹⁹Rë xa' nile' mandad lo rë ngulëi', no rë xa' nilu' ley; mis orze' ngokla bixa' ngazen bixa' Jesús, porke mizi bixa' par yek bixa' nzha kwa'n midi'zh Jesús. Per nangakt ngale' bixa'i, porke nizheb bixa' lo más rë men nzhin ze'.

²⁰Kuze', mixë'l bixa' pla miyi' kwa'n le', chigab walika nzhakla bixa' ne bixa' tu kwa'n, per ka namás par la'ch bixa'i, par ne bixa' gab Jesús tu kwa'n gat ñal, par za' chi bixa' Me lo gobier che'n men Roma.

²¹Orze' kuze' nzhab bixa' lo Jesús: ―Maestr, nzhon no kwa'n nidi'zh go, no kwa'n nilu' go, pura kwa'n ñale; no gat nibet go men or nile' go tu kwa'n par men; no nilu' go gon men ro' Dios nela xmod nzhakla ka Dios.

²²Lë'o, ¿kwan ne go? ¿Chi lë'ka kix met dimi che'n rreyse, o gat lë'te?

²³Per lwega' mizi Jesús cho xigab kile' bixa'; orze' nzhab Me: ―¿Chon kizenbe' go da (kiwi' go xmod nak da)?

²⁴Gulo' go tu pes, par ne be xmod nake. No bineu, ¿cho nikë loi, mbaino cho lë kinui? Orze' nzhab bixa': ―César nikë loi.

²⁵Orze' nzhab Jesús: ―Ne goix, biza' go che'n César kwa'n nak che'n César; mbaino che'n Dios kwa'n nak che'n Dios.

²⁶No nangaktra' ngakab bixa' lo rë men; xe mia'n bixa' tuli por xmod nkab Jesús. ¿Chi ziruban men ngut?

²⁷Orze' nguzubi pla men saduceo lo Jesús, no rë xa' re' gat ñilat chi wali ruban men ngut, minabdi'zh bixa' kure':

²⁸―Maestr, lë' Muisés mizob lo yech, or gat tu miyi' no la' xa' una' che'n xa', mbaino nangapt xa' më'd kun lë' una', orze' wech xa' naki'n ban kun una' re' par gap xa' ngut re' më'd kun lë' una'.

²⁹Pwes nguio gazh miyi' tutsa wech; xa' galo ngok tsa' tu una', no ngut xa' sin nangap xa' më'd.

³⁰Xa' mirop se'ga',

³¹no wech mion xa' se'ska, haxta za gazh bixa' ngut, sin nangapt bixa' më'd kun lë' una' re'.

³²No lult, nu ska una' re' ngut.

³³No nal, or ruban bixa', ¿cho xa' gak che'n una' re'?, porke za gazh bixa' miban kun lë' una'.

³⁴Orze' nzhab Jesús: ―Yizhyuo re', miyi' kun una' niban bixa',

³⁵per rë men xa' wi' Dios, ñal ban xtu yizhyuo kwa'n kinu Dios, or ruban bixa', nagaptra' bixa' una', ni nagak jwandang che'n bixa',

³⁶porke orze', nayotra' gat bixa', lë' bixa' gak nela ganj che'n Dios ga', no gak bixa' xmë'd Dios porke nguruban bixa'.

³⁷No par yila go lë' rë men ngut ruban, ¿chi nagat go'l go, kwa'n midi'zh Dios lo Muisés, or une Muisés tu ya yich nzobyol? Lë' Dios nzhab: “Na nak Dios che'n Abraham, no Dios che'n Isaac, mbaino Dios che'n Jakob.”

³⁸Rë widi'zh re' nilu', lë' Dios gat nakt Dios, Dios che'n rë men ngut; lë' Dios nak Dios che'n rë men naban; porke lo Dios rë men naban.

³⁹Orze' nzhab pla maestr xa' nilu' ley: ―Maestr, dox wen kwa'n midi'zhal.

⁴⁰Orze' nangayetra' laxto' bixa', nganabdi'zh bixa' más kwa'n lo Jesús. ¿Cho nak Xuz Krist?

⁴¹Orze' nzhab Jesús: ―¿Xmod nzhab men, lë' Krist nak xga'n Dabi?,

⁴²porke mis Dabi mizob lo libr che'n Salmos widi'zh re':Lë' Señor nzhab lo Señor da:“Guzob lad direch da plo más tsak,

⁴³haxta ke len, che'ptsa (bi'ch laka) gak rë xa' nidilal kun lë'.”

⁴⁴Orze', ¿xmod gak Krist Xga'n Dabi?, porke mis Dabi nzhab: “Lë' Krist nak Señor da.” Jesús nzhab lo rë men che'n Me, wi' bixa', nagakt bixa' nela rë xa' nilu' ley ga'

⁴⁵No dub kiyon rë men kwa'n kidi'zh Jesús, orze' nzhab Me lo rë men che'n Me:

⁴⁶―Neu kun rë xa' nilu' ley, napa' ke'd bixa' kwa'n nak bixa' go. Lë' bixa' ño laxto' nzhak bixa' pura lar wen, mbaino ño laxto' bixa', or nini' men lo bixa', kun rop lad ya' men zen men ya' bixa', mbaino lo rë men ño laxto' bixa' le' men se' kun lë' bixa'; no nizob bixa' pura plo nizob rë men tsak, le'n yo' plo nitse'd men widi'zh che'n Dios, mbaino lo rë lani, se'ska nile' bixa'.

⁴⁷No nilat bixa' haxta lizh una' ngut xmiyi'. No chigab walika men che'n Dios bixa', xche nidi'zh bixa' lo Dios; kuze' más zakzi Dios bixa'.