Read Coatecas Altas Zapotec San Lucas 7 Bible Online

San Lucas 7 - Coatecas Altas Zapotec bible

San Lucas 7

²³¡No nazhon nzha men yila da dubta'!

²⁴No or ña rë xa' mixë'l Juan, orze' nguzublo kidi'zh Jesús kwent che'n Juan lo rë men, nzhab Me: ―¿Cho xa' kwa'n ngwatsi' go lo, plo nak yuo bizh ze'? ¿Chi lo tu xa' ña-ñë'd xigab che'ne, nela yix kwa'n nzhuwei' mbi rë plo?

²⁵No chi gat lë't kuba' une go, ¿kwan ska une go orze'? ¿Chi une go tu miyi' nak lar wen? Per nane ka go, cho rë xa' kwa'n nzhak lar wen, rë xa' ze' nzho lizh rë rey, plo nzho bixa' mod nzhakla bixa'.

²⁶¿Per cho ska xa' ngwatsi' go lo? ¿Chi ngwatsi' go lo tu men nak profet, xa' nidi'zh por Dios? Na ni, lë' xa' kwa'n ngwatsi' go lo re', más tsak xa' ke lo tu profet,

²⁷porke kwent che'n Juan re', nidi'zh Yech che'n Dios or nzhabe se':Biwi', lë Da xë'l xa' di'zh xtizha dilant lol,par kuxkwa' xa' laxto' rë men par gon bixa' ro' Dios.

²⁸Nin lo go, xid rë men yizhyuo, nangayota' tu xa' más tsak lo Juan. Per rë xa' más natsakt, xid rë xa' nzho plo nile' Dios mandad, nak rë xa' kwa'n más tsak lo Juan.

²⁹Or mbin rë nak men kure', rë xa' kwa'n mililëi' Juan le'n nits, no haxta rë men nikan dimi che'n rey, milibe' bixa', dox ñal kwa'n nile' Dios.

³⁰Per rë men fariseo no rë xa' nilu' ley, mile' bixa' naya' lo rë kwa'n ngokla Dios par lë' bixa', porke nangaziyëlt bixa' ngaklëi' bixa' xmod nzhab Juan.

³¹Orze' nzhab Jesús lo rë xa' ze': ―¿Xmod gapa nak rë men nal; nela kun cho chëla bixa'?

³²Nak bixa' nela rë mbwin, kwa'n nzhin le'n nez plo nzhak xbi', kiyab mbwin lo wech mbwin kwa'n nzhin ze': “¿Chon nanet go ngolni' go or kiyo'l no bizhi, no ni nango'nt go or kikë' no kant nalats?”

³³Porke mbi'd Juan, xa' nililëi' men le'n nits, gat nzhawt xa' yët no gat nzhot xa' bin, no nzhab go: “Mbi mal nzho laxto' xa'.”

³⁴No or nzhala, nak da Xga'n Dios mbaino nak da men yizhyuo, nzha̱o̱wa̱ no nzho'n, no ne go: “Biwi', nzhao cho'l, mbaino nzho cho'l kwa'n; no nichë'lal kun rë men nikan dimi che'n rey no kun rë men más nzho'b xti'zh nzë'b xki.”

³⁵Per bitsila go, rë xa' kwa'n ñila widi'zh che'n Dios, nilu' walika nazhone por xmod naban bixa'. Ngwatao Jesús lizh Simón, tu men fariseo

³⁶No ngurezh tu men fariseo Jesús, par gao Jesús lizh xa'; orze' ngwa Jesús, no or nguio Me lizh xa', nguzob Me lo mes.

³⁷No yezh ze' nzho tu una' kwa'n más nzho'b xti'zh dox nzë'b xki. Or mbin una', lë' Jesús nzhatao lizh men fariseo re', orze' mizhinnu una' tu bot win zhëi di aseit nax, mbaino tsak doxe, haxta nu bot kwa'n nzhoi re', dox tsak.

³⁸No or nguzo una' xan ni' Jesús, dub kiyo'n una', orze' migazh una' kun nits nzho'n una' ni' Me, no dub kichiro' una'i, kitsibizh una'i kun yich yek una'; no nu micho'n una' aseit nax ni' Me.

³⁹No or une xa' fariseo ze' kure', xa' kwa'n ngurezh Jesús lizh, mile' xa' xigab: “Chi lë' xa' re' walika nak tu profet, xa' nidi'zh por Dios, lë' xa' nganu la, cho una' kwa'n kigal ni' xa', tu una' zhe'b nzë'b xki.”

⁴⁰Orze' nzhab Jesús lo xa' fariseo re': ―Simón, nzhaklan ganin tu kwa'n lol. Orze' nzhab Simón: ―Bineu xkwane, Maestr.

⁴¹Orze' nzhab Jesús: ―Nguio chop men, nzë'b dimi lo tu xa' kwa'n nile' prexte. Tu xa' nzë'b dimi kwa'n nile' men gan tu li'n garol lo pura zhi'n, lë' xtu xa' nzë'b dimi kwa'n nile' men gan, pas como chop mbëo', di lo zhi'n.

⁴²No nangale't rop xa' gan ngayix bixa'i lo xa' nak che'ne, orze' milats laxto' xa' nak che'n dimi ze' rop xa' ze'. Orze' nzhab Jesús: ―¿Di lo rop xa' ze', cho xa' más nazhi' xa' kwa'n nak che'n dimi ze'?

⁴³Orze' nzhab Simón: ―Zaka, xa' kwa'n más nayax dimi nzë'b ze'i. Orze' nzhab Jesús: ―Lë'ka kwa'n nel.

⁴⁴Orze' miwi' Jesús lo una' ze', mbaino nzhab Me lo Simón: ―¿Chi niwi'l lo una' re'? Or nguio'n lizhal, nangane'tal nits par yët ni'n, per lë' una' re' migazh ni'n kun nits nzho'n xa', no mitsibizh xa'i kun mis yichyek xa'.

⁴⁵Nangachiro'tal ta' kwatsa or mizhi'na lizhal, per una' re', dizde mizhin xa' lon, kichiro' xa' ni'n, no haxta nal stubi kichiro' xa'i.

⁴⁶Nangacho'btal aseit nax yeka, per lë' una' re' micho'be ni'n.

⁴⁷Kuze' nin lol, lë' rë kwa'n zhe'b nzë'b xki una' re', mizhe' la lo Dios, porke dox nazhi' xa' Dios. Per men kwa'n nagat za' kwent cho pa' xtol xa' miche' Dios, che'p tsa nazhi' xa' re' Dios.

⁴⁸Orze' nzhab Jesús lo una' re': ―Lë' rë kwa'n nzë'b xkil lo Dios, lë'i mizhe' la.

⁴⁹Orze' rë xa' kwa'n nzhin lo mes ze', nguzublo kiyab bixa' lo wech bixa': ―¿Cho xa' re'? ¡Haxta nu rë kwa'n nzë'b xki men lo Dios, niche' xa'!

⁵⁰Per nu nzhab Jesús lo una' re': ―Por ngwayilal da, lë'l nguro' la lo rë kwa'n nazhe'b nzadkë tichal. Nal, dub bizë, bizak laxto'.