Read Coatecas Altas Zapotec Apocalipsis 15 Bible Online

Apocalipsis 15 - Coatecas Altas Zapotec bible

Apocalipsis 15

¹Orze' unen xtu señ ro lo yibë' kwa'n mile' mia'n xe da tuli; unen nzo gazh ganj che'n Dios kun za gazh yalzi kwa'n lult; rë kure' lult rë xian che'n Dios kun rë men yizhyuo, xa' gat nzhont ro' Dios.

²No nu unen tu kwa'n nela nitsdo', bidr ga' ñani, noche kun bël, no rë xa' nanet ngazuxib lo ma nile' mandad ze', ni lo winab che'n ma, mbaino ni nangaziyël bixa' ngakë numr che'n lë ma ta' bixa'; rë men re' nzo ro' nitsdo', kad bixa' kinu tu harp kwa'n miza' Dios nka' bixa'.

³Kikë' bixa' kant che'n Muisés, xa' mile' rë kwa'n nzhab Dios, no kant che'n Mbëkxi'l che'n Dios; se' nzhab kant:Dox nazhon mbaino dox kwa'ro rë zhi'n nile' Go,o Señor Dios, Me nile' mandad lo rë lo men.Dox nali rë kwa'n nile' Go,no wali ka rë kwa'n nidi'zh Go,Go nak rey lo rë men yizhyuo.

⁴¿Cho gat nizhebt lo Go, o Señor?No, ¿cho gat nidi'zh, tugaka Go nazhon?Rë men yizhyuo zubi lo Go par zuxib bixa' lo Go,porke rë men une la,or nigobe' Go kwent che'n men,nali laka nile' Go.

⁵Dispwés di kure', unen mixa'l yado' dox nazhon che'n Dios kwa'n nzob lo yibë', plo kinu Dios ke tab plo nzobni' rë widi'zh che'n ley.

⁶No le'n yado' ze', nguro' gazh ganj che'n Dios, xa' kinu gazh yalzi par yizhyuo. Nak bixa' lar lino nambe no ñazbële, mbaino laz kad bixa' nazi' tu sinch gor.

⁷Di lo dap ma naban ze', tu ma miza' tu ga' kop or, ka' za gazh ganj, kop kwa'n zhë di yalgustis che'n Dios Me kinu yalnaban par dubta'.

⁸No le'n yado' ngwazhë di zhen kwa'n nzë plo dox nayi' nizini yalnazhon ro che'n Dios, no yent cho gak yo le'n yado' ze', haxta lox za, za gazh yalzi kwa'n kinu rë ganj ze'.