Read Comaltepec Chinantec Lucas 1 Bible Online

Lucas 1 - Comaltepec Chinantec bible

Lucas 1

¹Teófilo, nɨñíbˆ ꞌnʉˋ e fɨ́ɨmˊ dseaˋ cajmeꞌrˊ fɨˊ ni˜ jiˋ jaléꞌˋ e nɨcalɨ́ˉ jee˜ jneaa˜aaꞌ,

²jo̱ cajmeꞌrˊ laco̱ꞌ júuˆ e cajméeˋ jaléngꞌˋ i̱ dseaˋ i̱ cangáˉ jial calɨ́ˉ lamɨ˜ cagüéngˉ Jesús fɨˊ jmɨgüíˋ la, jo̱ i̱ dseaˋ íbˋ i̱ caꞌeˊ jaléꞌˋ júuˆ quiáꞌˉ Jesús cajo̱.

³Jo̱ nɨcaꞌnóbꞌˋ jnea˜ cajo̱, jo̱ nɨcalɨdseáamˊ dsiiˉ jaléꞌˋ e jáꞌˉ e calɨ́ˉ latɨˊ mɨ˜ uiing˜ jo̱ latɨˊ lana, jo̱baꞌ nijméeꞌ˜e ꞌnʉˋ júuˆ jial calɨ́ˉ lamɨ˜ cateáangˋ Jesús fɨˊ jmɨgüíˋ la,

⁴jo̱ lajo̱baꞌ dseángꞌˉ lajangꞌˉ nilɨñíꞌˆ jaléꞌˋ e júuˆ e nɨcaꞌeꞌˊ dseaˋ ꞌnʉˋ. Jaangˋ ángel cajméerˋ júuˆ e nilɨseengˋ Juan i̱ seáangˋ dseaˋ jmɨɨˋ

⁵Jo̱ lajeeˇ lɨ́ɨngˊ Herodes dseata˜ dseaˋ féngꞌˊ quiáꞌˉ Judea, jo̱ seengˋ jaangˋ jmidseaˋ quiáꞌˉ dseaˋ Israel i̱ siiˋ Zacarías, i̱ lɨ́ɨngˊ dseaˋ quiáꞌˉ jaangˋ jmidseaˋ i̱ siiˋ Abías. Jo̱ i̱ dseamɨ́ˋ quiáꞌˉ i̱ Zacarías do siirˋ Elisabet, sɨju̱ˇ jaangˋ jmidseaˋ i̱ calɨsíˋ Aarón.

⁶Jo̱ lajɨˋ huáamˉbre nʉ́ʉꞌr˜ jaléꞌˋ ta˜ quiʉꞌˊ Fidiéeˇ, jo̱ eáamˊ guiúiñˉ fɨˊ quiniˇ dseaˋ do cajo̱ e laco̱ꞌ jí̱i̱ꞌ˜ jaangˋ dseaˋ jaˋ cuǿøngˋ cuǿꞌˉreiñꞌ do dseeˉ.

⁷Jo̱ dsʉꞌ jaˋ i̱ jó̱o̱rˊ seengˋ, co̱ꞌ i̱ dseamɨ́ˋ do jaˋ cuǿøngˋ nidsiquieeiñ˜ yʉ̱ʉ̱ˋ, jo̱guɨ dsímꞌˉ nɨdseáaiñˉ lajɨˋ huáaiñˉ do cajo̱.

⁸Jo̱ co̱o̱ˋ jmɨɨ˜ catɨ́ɨngˉ jaléngꞌˋ jmidseaˋ e lɨ˜ quíingꞌˇ Zacarías do e nijmiféiñꞌˊ Fidiéeˇ fɨˊ dsíiˊ guáꞌˉ féꞌˋ e siꞌˊ fɨˊ Jerusalén, jo̱ nitɨ́ɨngˉ lajeeˇ laꞌóꞌˋ jmidseaˋ e guíngꞌˋ yaaiñ˜ i̱˜ i̱ nitɨ́ngˉ e nijɨ̱́rˉ sʉ̱ˋ fɨˊ nifeꞌˋ, jo̱ Zacaríasbingꞌ catɨ́ɨngˉ ie˜ jo̱.

⁹

¹⁰Jo̱ ꞌñiabꞌˊ Zacarías caꞌírˉ tɨˊ nifeꞌˋ ie˜ jo̱ e quie̱rˊ e sʉ̱ˋ do. Jo̱ lajeeˇ cooˋ e sʉ̱ˋ do, lajalémꞌˋ dseaˋ teáaiñˉ fɨˊ caluuˇ e jmiféiñꞌˊ Fidiéeˇ.

¹¹Jo̱ lajeeˇ iuungˉ Zacarías fɨˊ nifeꞌˋ do, jo̱ co̱o̱ˋ cajnémˉ jaangˋ ángel quiáꞌˉ Fidiéeˇ lɨ́ꞌˉ lɨˊ dséeˊ e nifeꞌˋ e lɨ˜ iuuiñˉ jɨ̱rˊ e sʉ̱ˋ do.

¹²Jo̱ mɨ˜ cangángˉ Zacarías i̱ ángel do, dsíngꞌˉ cafǿiñꞌˊ jí̱i̱ꞌ˜ jaˋ ñirˊ e˜ nijmérˉ.

¹³Jo̱ cajíngꞌˉ i̱ ángel do casɨ́ꞌrˉ Zacarías: —Jaˋ fǿønꞌ˜, Zacarías, co̱ꞌ nɨcanúubˉ Fidiéeˇ lají̱i̱ꞌ˜ júuˆ e nɨcamɨ́ɨꞌ˜naꞌr do, jo̱ lana dseamɨ́ˋ quíiꞌˉ nidsiquieeiñ˜ jaangˋ yʉ̱ʉ̱ˋ sɨñʉʉˆ i̱ nitó̱ꞌˆ e nilɨsiiˋ Juan mɨ˜ nilɨseeiñˋ.

¹⁴Jo̱ fɨ́ɨmˊ dseaˋ nilɨꞌiáangˋ dsíirˊ jo̱guɨ dsíngꞌˉ nilɨꞌiáangˋ óoˊ ꞌnʉ́ꞌˋ e nilɨseengˋ i̱ yʉ̱ʉ̱ˋ quíiˉnaꞌ do cajo̱,

¹⁵co̱ꞌ mɨ˜ nicuáiñˋ, dsíngꞌˉ nilɨféiñꞌˊ fɨˊ quiniˇ Fidiéeˇ. Jo̱ jaˋ méeˊ niꞌɨ̱́ꞌrˋ carta˜ niteáiñˉ fɨˊ jmɨgüíˋ, jo̱guɨ nʉ́ꞌˉguɨ e nilɨseeiñˋ, niꞌíñꞌˋ Jmɨguíˋ quiáꞌˉ Fidiéeˇ e nijmɨcó̱o̱ꞌ˜ quiáꞌrˉ lají̱i̱ꞌ˜ ta˜ e nijmérˉ fɨˊ jmɨgüíˋ la.

¹⁶Jo̱guɨ nijmérˉ e niquɨ́ꞌˉ jíngꞌˋ yaang˜ fɨ́ɨmˊ dseaˋ Israel fɨˊ quiniˇ Fidiéeˇ.

¹⁷Jo̱ i̱ Juan do niꞌíñꞌˋ Jmɨguíˋ quiáꞌˉ Fidiéeˇ laco̱ꞌ caꞌíngꞌˋ jaangˋ dseañʉꞌˋ i̱ calɨꞌgøngꞌˊ eáangˊ i̱ calɨsíˋ Líiˆ, jaangˋ i̱ caféꞌˋ cuaiñ˜ quiáꞌˉ Fidiéeˇ malɨɨ˜guɨ eáangˊ. Jo̱baꞌ i̱ Juan na niguiárˉ júuˆ mɨ˜ nɨjaquiéengˊ e nijáaˊ Dseaˋ Jmáangˉ e laco̱ꞌ røøbˋ nisɨ́ngˆtu̱ jaléngꞌˋ jó̱o̱ˊ dseaˋ có̱o̱ꞌ˜ jaléngꞌˋ sejmiirˋ, jo̱guɨ e laco̱ꞌ jaléngꞌˋ dseaˋ i̱ joˋ nʉ́ʉꞌ˜ júuˆ quiáꞌˉ Fidiéeˇ niquɨ́ꞌˉ jíngꞌˋ yaaiñ˜ mɨ˜ ninúrˉ jaléꞌˋ júuˆ e niguiáˉ i̱ dseaˋ íˋ. Jo̱ lajo̱baꞌ nijmérˉ e niguiéngˉ guiʉ́ˉ yaang˜ dseaˋ e nijmicuíiñˋ Dseaˋ Jmáangˉ.

¹⁸Jo̱ mɨ˜ catóꞌˊ e féꞌˋ i̱ ángel do jaléꞌˋ júuˆ quiáꞌˉ Fidiéeˇ, jo̱ cajmɨngɨꞌˊ Zacarías i̱ ángel do: —¿Jial nilɨta˜ dsiˋ jnea˜ jaléꞌˋ e jo̱, co̱ꞌ nɨdseáamˉbaaꞌ eáangˊ có̱o̱ꞌ˜ dseamɨ́ˋ quiéˉe?

¹⁹Jo̱ cañíiˋ i̱ ángel do: —Jneab˜ i̱ ángel Gabriel, jo̱ jmóoˋo jaléꞌˋ ta˜ e iing˜ Fidiéeˇ, jo̱ íbˋ dseaˋ casíiñˋ jnea˜ e cagajméeꞌ˜e ꞌnʉˋ jaléꞌˋ e juguiʉ́ˉ e nɨfáꞌˉa na.

²⁰Jo̱ dsʉꞌ uíiꞌ˜ e jaˋ jáꞌˉ calɨ́nꞌˉ jaléꞌˋ júuˆ quiéˉe, jo̱baꞌ latɨˊ lana nijá̱ꞌˆ e joˋ líˋ foꞌˆ jí̱i̱ꞌ˜ camɨ́ꞌˆ júuˆ cartɨˊ nilɨti˜ lají̱i̱ꞌ˜ júuˆ e nɨfáꞌˉa na, jo̱ jo̱guɨb nifoꞌˆtu̱ꞌ jóng.

²¹Jo̱ lajeeˇ sɨ́ɨngˋ Zacarías có̱o̱ꞌ˜ i̱ ángel do, jo̱ caluuˇ guáꞌˉ fébꞌˋ teáangˉ jaléngꞌˋ i̱ dseaˋ i̱ sɨjeengˇ írˋ do. Jo̱ lajaléngꞌˋ i̱ dseaˋ do nɨnaangˋ ɨˊ dsíirˊ jialɨꞌˊ calɨꞌɨɨng˜ Zacarías eáangˊ fɨˊ lɨ˜ cangórˉ fɨˊ nifeꞌˋ do.

²²Jo̱ dsʉꞌ mɨ˜ cagüɨꞌɨ́ɨˊ Zacarías fɨˊ jo̱, joˋ líˋ féꞌrˋ. Jo̱baꞌ dsifɨˊ lajo̱b calɨlíꞌˆ jaléngꞌˋ i̱ dseaˋ i̱ teáangˉ caluuˇ do e lɨɨm˜baꞌ e cangáiñꞌˉ do e fɨˊ dsíiˊ guáꞌˉ do. Jo̱ dsifɨˊ ladob canaangˋ Zacarías e jmóorˋ li˜ có̱o̱ꞌ˜ guóorˋ quiáꞌˉ jial e cangárˉ do, jo̱ cangoca̱ˊbɨ e lɨ́ɨiñˊ lado.

²³Jo̱ mɨ˜ cangɨ́ˋ jo̱, mɨ˜ catɨ́ˋ íꞌˋ e cadsíngˉ lají̱i̱ꞌ˜ jmɨɨ˜ e catɨ́ɨngˉ Zacarías e iuuiñˉ fɨˊ sɨnʉ́ʉˆ guáꞌˉ do, jo̱ cangámꞌˉbre fɨˊ quiáꞌrˉ.

²⁴Jo̱ mɨ˜ calɨcǿngˋguɨ lajo̱, yʉ̱ʉ̱bˋ cacǿngˉ dseamɨ́ˋ quiáꞌrˉ. Jo̱ lajeeˇ ꞌñíingˉ sɨꞌˋ joˋ cagüɨꞌɨ́ɨˊ i̱ dseamɨ́ˋ do sɨnʉ́ʉˆ quiáꞌrˉ, jo̱ lajeeˇ jo̱ ɨˊ dsíirˊ:

²⁵“Guiꞌmáamꞌˇ Fidiéeˇ quiáꞌˉ e guiʉ́ˉ e jmóorˋ có̱o̱ꞌ˜ jnea˜ e laco̱ꞌ joˋ niféꞌˋ dseaˋ gaˋ uii˜ quiéˉe.” Mɨ˜ cajméeˋ i̱ ángel do júuˆ e nilɨseengˋ Dseaˋ Jmáangˉ

²⁶Jo̱ mɨ˜ cadsíngˉ jñúungˉ sɨꞌˋ lajo̱, co̱o̱ˋ jmɨɨ˜ casíingˋ Fidiéeˇ i̱ ángel Gabriel do fɨˊ co̱o̱ˋ fɨɨˋ lɨ˜ siiˋ Nazaret e néeˊ fɨˊ lɨ˜ se̱ꞌˊ Galilea.

²⁷Jo̱ casíiñˋ dseaˋ do fɨˊ quiáꞌˉ jaangˋ sɨmɨ́ˆ i̱ siiˋ Yáˆ i̱ nɨnéeˊ júuˆ quiáꞌˉ có̱o̱ꞌ˜ jaangˋ sɨmingꞌˋ sɨju̱ˇ Davíꞌˆ i̱ siiˋ Séˆ.

²⁸Jo̱ mɨ˜ caguiéˉ i̱ ángel do fɨˊ quiáꞌˉ i̱ sɨmɨ́ˆ do jo̱ casɨ́ꞌˉreiñꞌ: —Juguiʉ́ˉ oˊ quíiꞌˉ, sɨmɨ́ˆ, co̱ꞌ ꞌnʉˋbingꞌ i̱ nɨcaguíngꞌˋ Fidiéeˇ lajeeˇ lajaléngꞌˋ dseaˋ i̱ seengˋ fɨˊ jmɨgüíˋ, jo̱ Fidiéebˇ nijmɨcó̱o̱ꞌ˜ ꞌnʉˋ.

²⁹Jo̱ mɨ˜ canúuˉ i̱ sɨmɨ́ˆ do júuˆ quiáꞌˉ i̱ ángel do, dsíngꞌˉ cangogáˋ dsíirˊ jo̱ caꞌɨ́ˋ dsíirˊ e˜ uiing˜ e cajíngꞌˉ dseaˋ do lado.

³⁰Jo̱ cajíngꞌˉtu̱ i̱ ángel do: —Jaˋ fǿønꞌ˜ jí̱i̱ꞌ˜ co̱o̱ˋ, co̱ꞌ iáamˋ dsíiˊ Fidiéeˇ có̱o̱ꞌ˜ ꞌnʉˋ,

³¹jo̱guɨ lana nigüɨquiéenꞌˋ jaangˋ yʉ̱ʉ̱ˋ sɨñʉʉˆ, jo̱ mɨ˜ nilɨseeiñˋ, nitó̱ˆnaꞌ e nilɨsiirˋ Jesús.

³²Jo̱ mɨ˜ nicuáiñˋ, nijméˉ Fidiéeˇ e nilíiñˉ jaangˋ dseaˋ féngꞌˊ laco̱ꞌ calɨ́ngˉ i̱ sɨju̱rˇ Davíꞌˆ do. Jo̱guɨ i̱ yʉ̱ʉ̱ˋ do quíiꞌˉ latab˜ niquiʉ́ꞌrˉ ta˜ quiáꞌˉ lajaléngꞌˋ dseaˋ Israel, jo̱guɨ niquiʉ́ꞌrˉ ta˜ cajo̱ fɨˊ laꞌúngˉ fɨˊ jmɨgüíˋ, jo̱guɨ nilɨsiirˋ Jó̱o̱ˊ Fidiéeˇ dseaˋ guiing˜ ñifɨ́ˉ.

³³(null)

³⁴Jo̱baꞌ cajmɨngɨꞌˊ Yáˆ i̱ ángel do: —¿Jial cuǿøngˋ nilíˋ lajo̱? Jaˋguɨ có̱o̱ꞌ˜o̱ dseañʉꞌˋ.

³⁵Jo̱baꞌ cañíiˋ i̱ ángel Gabriel do: —Fidiéeˇ dseaˋ guiing˜ ñifɨ́ˉ nijmérˉ có̱o̱ꞌ˜ güeaꞌˆ ꞌgøngꞌˊ quiáꞌrˉ e niquɨnꞌˉ lafaꞌ jee˜ cabøø˜ jníiˊ, jo̱ lajeeˇ jo̱baꞌ nicuǿꞌrˉ ꞌnʉˋ Jmɨguíˋ quiáꞌrˉ, jo̱ jo̱guɨbaꞌ nigüɨquiéenꞌˋ i̱ yʉ̱ʉ̱ˋ güeangꞌˆ i̱ lɨ́ɨngˊ Jó̱o̱ˊ Fidiéeˇ do.

³⁶Jo̱guɨ i̱ nɨɨꞌˋ i̱ siiˋ Elisabet, jaangˋ dseamɨ́ˋ i̱ nɨyúngꞌˊ eáangˊ, jñúungˉ sɨꞌˋ nɨngóoˊ e quiéeiñˋ jaangˋ yʉ̱ʉ̱ˋ sɨñʉʉˆ. Jo̱ i̱ dseamɨ́ˋ do i̱ nɨcaꞌéengˋ dseaˋ eáangˊ e jaˋ jiuung˜ nicǿøiñˉ, yʉ̱ʉ̱bˋ nɨquiéeiñˋ lana,

³⁷co̱ꞌ jalébꞌˋ tɨɨngˋ Fidiéeˇ jmérˉ.

³⁸Jo̱baꞌ cañíiˋ Yáˆ: —I̱ quiáꞌˉ Fidiéebˇ jnea˜. Güɨjméebˋ Fidiéeˇ có̱o̱ꞌ˜ jnea˜ laco̱ꞌ nɨcaféeꞌ˜ na. Jo̱ mɨ˜ calɨ́ˉ sɨ́ɨiñˋ lado, jo̱ cangámꞌˉtu̱ i̱ ángel do fɨˊ lɨ˜ cajárˉ. Mɨ˜ cangóˉ Yáˆ e cangoꞌeerˇ Elisabet

³⁹Jo̱ dsifɨˊ mɨ˜ cangɨ́ˋ lajo̱, cangóˉ Yáˆ fɨˊ co̱o̱ˋ fɨɨˋ e néeˊ fɨˊ jee˜ móꞌˋ lɨ˜ se̱ꞌˊ Judea e cangoꞌeerˇ i̱ nɨ́ɨrˆ Elisabet i̱ có̱o̱ꞌ˜ Zacarías do. Jo̱ mɨ˜ caguiérˉ fɨˊ jo̱, jo̱ cangoféeiñꞌˇ dseaˋ do. Jo̱ mɨ˜ catǿˉ Yáˆ catǿꞌrˉ Elisabet, dsifɨˊ ladob cajǿngꞌˋ i̱ yʉ̱ʉ̱ˋ i̱ iuungˉ dsíiˊ tuꞌˊ Elisabet, jo̱guɨ dsifɨˊ ladob caꞌíngꞌˋ Elisabet Jmɨguíˋ quiáꞌˉ Fidiéeˇ.

⁴¹

⁴²Jo̱baꞌ cajíngꞌˉ i̱ Elisabet do casɨ́ꞌrˉ Yáˆ e ngocángˋ dsíirˊ jo̱ cajíñꞌˉ: —ꞌNʉˋbingꞌ i̱ nɨcajmigüeangꞌˆ Fidiéeˇ lajeeˇ lajaléngꞌˋ dseamɨ́ˋ i̱ seengˋ fɨˊ jmɨgüíˋ, jo̱guɨ nɨcajmigüeaiñꞌˆ yʉ̱ʉ̱ˋ quíiꞌˉ cajo̱.

⁴³¿I̱˜ jnea˜ e nɨjaꞌeeˇ niquiáꞌˆ Fíiˋi jnea˜?

⁴⁴Co̱ꞌ mɨ˜ canúˉu e cateꞌˊ jnea˜, dsifɨˊ ladob cajǿngꞌˋ yʉ̱ʉ̱ˋ quiéˉe lɨ˜ iuuiñˉ fɨˊ dsíiˊ túꞌˋu e iáangˋ dsíirˊ.

⁴⁵Jo̱baꞌ eáamˊ juguiʉ́ˉ quíiꞌˉ, co̱ꞌ jábꞌˉ calɨ́nꞌˉ e nilɨti˜ jaléꞌˋ júuˆ quiáꞌˉ Fidiéeˇ e cacuøꞌrˊ ꞌnʉˋ.

⁴⁶Jo̱baꞌ cajíngꞌˉ Yáˆ:Dsíngꞌˉ jmifénꞌˊ jnea˜ Fidiéeˇ,

⁴⁷jo̱guɨ dsíngꞌˉ iáangˋ dsiiˉ có̱o̱ꞌr˜ cajo̱, co̱ꞌ íˋbre dseaˋ caleáaiñˋ jnea˜ jee˜ dseeˉ quiéˉe.

⁴⁸Dsʉꞌ jnea˜ lɨ́ɨnˊn jaangˋ dseaˋ quiáꞌˉ Fidiéeˇ i̱ jaˋ jmiféngꞌˊ ꞌñiaꞌˊ, jo̱ sɨꞌímꞌˋ Fidiéeˇ jnea˜, jo̱ latɨˊ lana jo̱ cartɨˊ ró̱o̱ˋ jmɨgüíˋ niféꞌˋ jaléngꞌˋ dseaˋ jmɨgüíˋ juguiʉ́ˉ uii˜ quiéˉe.

⁴⁹Co̱ꞌ Fidiéebˇ dseaˋ ꞌgøiñꞌˊ fɨˊ laꞌúngˉ fɨˊ jmɨgüíˋ, jo̱guɨ jmiguiʉbˊ jaléꞌˋ e nɨcajméerˋ có̱o̱ꞌ˜ jnea˜ cajo̱,co̱ꞌ íˋbre dseaˋ güeaiñꞌˆ fɨˊ latøøngˉ fɨˊ jmɨgüíˋ.

⁵⁰Jo̱guɨ contøømˉ nilíˋ fɨꞌˋ lɨ́ɨiñˉ jaléngꞌˋ dseaˋ i̱ nijmɨꞌgóˋ írˋ.

⁵¹Jo̱ íˋbre tɨɨiñˋ jmérˉ lɨ́ꞌˆ doñiˊ eeˋ,jo̱guɨ cajméerˋ e cajgiéemˉ jaléꞌˋ e ɨˊ dsíiˊ dseaˋ i̱ jmɨcǿøngꞌˇ yaang˜.

⁵²Jo̱guɨ cajgiáamˉbre uǿˉ jaléngꞌˋ dseaˋ i̱ óoˋ ta˜ ñíiˊ,jo̱guɨ yʉ́bꞌˆ caseáiñꞌˋ jaléngꞌˋ dseaˋ i̱ jaˋ jmɨcǿøngꞌˇ yaang˜.

⁵³Jo̱guɨ juguiʉ́bˉ cacuøꞌrˊ jaléngꞌˋ dseaˋ i̱ jaˋ ꞌgaꞌˊ lɨˊ seaˋ quiáꞌˉ,jo̱guɨ cajmɨlɨ́ɨmˉbre guooˋ jaléngꞌˋ dseaˋ seaˋ cuuˉ.

⁵⁴Jo̱guɨ cajmɨcó̱o̱ꞌr˜ jaléngꞌˋ dseaˋ góorˋ dseaˋ Israel i̱ caguíñꞌˋ lamɨ˜ jéengˊguɨ i̱ nilíingˉ dseaˋ quiáꞌrˉ, co̱ꞌ lajo̱b júuˆ caséerˊ có̱o̱ꞌ˜ ꞌlɨɨ˜ yʉ́ʉꞌ˜ quíˆiiꞌ i̱ siiˋ Abraham e nilíˋ fɨꞌˋ lɨ́ɨngˉ Fidiéeˇ jneaa˜aaꞌ, jo̱guɨ nijmɨcó̱o̱ꞌr˜ jneaa˜aaꞌ lata˜. Jo̱ jaléꞌˋ e júuˆ na cajíngꞌˉ Yáˆ ie˜ jo̱.

⁵⁵(null)

⁵⁶Jo̱ caje̱bˊ Yáˆ gaangˋ sɨꞌˋ có̱o̱ꞌ˜ i̱ Elisabet do. Jo̱ mɨ˜ cangɨ́ˋ jo̱, jo̱guɨbaꞌ cangángꞌˉtu̱r fɨˊ quiáꞌrˉ. Mɨ˜ calɨséngˋ Juan i̱ seáangˋ dseaˋ jmɨɨˋ

⁵⁷Jo̱ mɨ˜ cangɨ́ˋ jo̱, cadsímˉ jmɨɨ˜ e nilɨseengˋ yʉ̱ʉ̱ˋ quiáꞌˉ Elisabet, jo̱ jaangˋ yʉ̱ʉ̱ˋ sɨñʉʉbˆ calɨséngˋ quiáꞌrˉ.

⁵⁸Jo̱ dsíngꞌˉ calɨꞌiáangˋ dsíiˊ jaléngꞌˋ rúiñꞌˋ có̱o̱ꞌ˜ jaléngꞌˋ dseaˋ i̱ neáangˊ lacúngꞌˊ lajíingˋ lɨ˜ neáaiñˊ, co̱ꞌ calɨlíꞌrˆ e dsíngꞌˉ guiʉ́ˉ e cajméeˋ Fidiéeˇ có̱o̱ꞌ˜ i̱ Elisabet do.

⁵⁹Jo̱ mɨ˜ cadsíꞌˉ i̱ yʉ̱ʉ̱ˋ quiáꞌˉ Elisabet do jñiáˉ jmɨɨ˜, jo̱baꞌ cangojéengˋneiñꞌ e nitó̱ˉ li˜ fɨˊ ngúuˊ táaiñˋ laco̱ꞌ e quɨ́ꞌˉ tɨ́ɨngˋ dseaˋ Israel. Jo̱ mɨ˜ cajméerˋ lajo̱, sɨꞌíˆ nilɨsiiˋ i̱ yʉ̱ʉ̱ˋ do laco̱ꞌ siiˋ tiquiáꞌrˆ Zacarías.

⁶⁰Dsʉꞌ i̱ Elisabet do cañíirˋ jo̱ casɨ́ꞌrˉ jaléngꞌˋ i̱ dseaˋ do: —U̱˜, Juam ꞌnéˉ nilɨsiiñꞌˋ na.

⁶¹Jo̱baꞌ cajíngꞌˉ i̱ dseaˋ caguiaangˉ do casɨ́ꞌrˉ Elisabet: —Jo̱ ¿jialɨꞌˊ nilɨsiirˋ lajo̱? Jí̱i̱ꞌ˜ jaangˋguɨ dseaˋ sɨnʉ́ʉˆ quíiꞌˉ jaˋ siirˋ lajo̱.

⁶²Jo̱baꞌ cajmɨngɨ́ꞌˉ i̱ dseaˋ caguiaangˉ do Zacarías e jmóorˋ li˜ có̱o̱ꞌ˜ guóorˋ: —Jo̱ ¿jial nilɨsiiˋ i̱ yʉ̱ʉ̱ˋ la, fóꞌˋ ꞌnʉˋ?

⁶³Jo̱ Zacarías camɨrˊ co̱o̱ˋ lɨ˜ nijméꞌrˉ jial iiñ˜ e nilɨsiiˋ i̱ yʉ̱ʉ̱ˋ do, jo̱baꞌ cajmeꞌrˊ e Juam nilɨsiiñꞌˋ do. Jo̱ dsíngꞌˉ cangogáˋ dsíiˊ jaléngꞌˋ i̱ dseaˋ do e calɨsíˋ i̱ yʉ̱ʉ̱ˋ do Juan.

⁶⁴Jo̱ dsifɨˊ ladob canaˊ ooˉ luuˇ Zacarías jo̱ canaaiñˋ jmiféiñꞌˊ Fidiéeˇ.

⁶⁵Jo̱guɨ jaléngꞌˋ dseaˋ i̱ neáangˊ lacúngꞌˊ lajíingˋ lɨ˜ guiing˜ Zacarías eáamˊ cangogáˋ dsíirˊ quiáꞌˉ jaléꞌˋ e calɨ́ˉ do, jo̱ lajo̱bɨ lacaangˋ jee˜ móꞌˋ lɨ˜ se̱ꞌˊ Judea eáamˊ calɨseáˋ e júuˆ jo̱.

⁶⁶Jo̱ lajɨɨngˋ dseaˋ i̱ calɨñiˊ jaléꞌˋ e calɨ́ˉ do cajmɨngɨꞌˊ rúiñꞌˋ: —¿E˜ sɨꞌíingˆ i̱ yʉ̱ʉ̱ˋ la mɨ˜ nicuáiñˋ? Dsʉco̱ꞌ eáamˊ li˜ e jmɨcó̱o̱ꞌ˜ Fidiéeˇ quiáꞌrˉ. Jaléꞌˋ e caꞌøˊ Zacarías quiáꞌˉ Fidiéeˇ

⁶⁷Jo̱ mɨ˜ canaˊ ooˉ luuˇ Zacarías, dsifɨˊ lajo̱b caꞌíñꞌˋ Jmɨguíˋ quiáꞌˉ Fidiéeˇ jo̱ canaaiñˋ féꞌrˋ jaléꞌˋ júuˆ e cangɨ́ɨiñˋ cacuøˊ Fidiéeˇ ladsifɨˊ lado jo̱ cajíñꞌˉ:

⁶⁸Güɨjmifémꞌˊ jaléngꞌˋ dseaˋ Fíiˋnaaꞌ Fidiéeˇ quiáꞌˉ dseaˋ Israel,dsʉco̱ꞌ nɨcajárˉ jee˜ jneaa˜aaꞌ, dseaˋ lɨ́ɨˊnaaꞌ dseaˋ quiáꞌrˉ,jo̱ nɨcaleáamˋbre jneaa˜aaꞌ jee˜ jaléꞌˋ dseeˉ quíˉnaaꞌ.

⁶⁹Jo̱ caguíñꞌˋ lajeeˇ lajaléngꞌˋ sɨju̱ˇ dseata˜ dseaˋ féngꞌˊ Davíꞌˆ i̱ jmóoˋ ta˜ quiʉꞌˊ Fidiéeˇ do jaangˋ i̱ ꞌgøngꞌˊguɨ eáangˊ e quiáꞌˉ nileáiñˉ jneaa˜aaꞌ jee˜ jaléꞌˋ dseeˉ quíˉiiꞌ.

⁷⁰Co̱ꞌ lajo̱b júuˆ cacuøꞌˊ Fidiéeˇ jaléngꞌˋ dseaˋ quiáꞌrˉ i̱ nɨcaféꞌˋ cuaiñ˜ quiáꞌrˉ malɨꞌˋguɨ eáangˊe nileáiñˉ jneaa˜aaꞌ jee˜ jaléngꞌˋ i̱ ꞌníꞌˋ níingˉ jneaa˜aaꞌjo̱guɨ jee˜ jaléngꞌˋ i̱ guíingˉ quíˉnaaꞌ cajo̱,

⁷¹(null)

⁷²jo̱guɨ nilíˋ fɨꞌˋ lɨ́ɨmˉbre jaléngꞌˋ ꞌlɨɨ˜ dseaˋ cǿøngꞌ˜ quíˆnaaꞌ,co̱ꞌ jaˋ niꞌíingˉ dsíirˊ lají̱i̱ꞌ˜ júuˆ e cajmɨrǿrˋ có̱o̱ꞌ˜ ꞌlɨɨ˜ yʉ́ʉꞌ˜ quíˆiiꞌ Abraham lají̱i̱ꞌ˜ malɨꞌˋguɨ eáangˊ.

⁷³Jo̱ e lab júuˆ e cacuøꞌˊ Fidiéeˇ i̱ Abraham do ie˜ jo̱:

⁷⁴e nileáiñˉ jneaa˜aaꞌ jee˜ jaléngꞌˋ i̱ ꞌníꞌˋ níingˉ jneaa˜aaꞌ,jo̱baꞌ jneaa˜aaꞌ nijmóˆnaaꞌ e ngocángˋ dsiˋnaaꞌ lɨ́ꞌˆ dseángꞌˉ laco̱ꞌ iing˜ Fidiéeˇ,jo̱ joˋ e ꞌgǿngꞌˋnaaꞌ jí̱i̱ꞌ˜ co̱o̱ˋ i̱ dseaˋ i̱ ꞌníꞌˋ níiˉ quíˉiiꞌ do jóng.

⁷⁵Jo̱guɨ lata˜ se̱e̱ˉnaaꞌ fɨˊ jmɨgüíˋ la, nɨse̱e̱ˉnaaꞌ e lɨ́ɨˊnaaꞌ dseaˋ güeangꞌˆ quiáꞌˉ Fidiéeˇ jo̱guɨ dseaˋ i̱ éeˋ røøˋ laco̱ꞌ sɨꞌíˆ fɨˊ quiniˇ Fidiéeˇ.

⁷⁶Jo̱ mɨ˜ calɨ́ˉ e jo̱, jo̱ lalab casɨ́ꞌˉ Zacarías i̱ yʉ̱ʉ̱ˋ do:Jo̱guɨ ꞌnʉˋ, yʉ̱ʉ̱ˋ quíˉiiꞌ, nilɨsiiꞌˋ dseaˋ i̱ caguíngꞌˋ Fidiéeˇ dseaˋ guiing˜ ñifɨ́ˉ i̱ niféꞌˋ cuaiñ˜ quiáꞌrˉ;co̱ꞌ ꞌnʉbˋ dseaˋ niguiéenꞌ˜ dseaˋ guiʉ́ˉ, co̱ꞌ lana nɨjaquiéengˊ e tɨˊ lɨ˜ nijáaˊ Fíiˋnaaꞌ Dseaˋ Jmáangˉ.

⁷⁷Jo̱ nijméeꞌ˜ dseaˋ júuˆ jial nileángˉ Fidiéeˇ jaléngꞌˋ dseaˋ jmɨgüíˋ e niꞌíingˉ dseeˉ quiáꞌrˉ.

⁷⁸Jo̱ Fidiéeˇ nijmérˉ jaléꞌˋ e jo̱, co̱ꞌ dsíngꞌˉ ꞌneáaiñˋ jneaa˜aaꞌ, jo̱guɨ eáamˊ fɨꞌˋ lɨ́ɨiñˉ jneaa˜aaꞌ cajo̱.Jo̱baꞌ nɨcacuøꞌrˊ jneaa˜aaꞌ e lafaꞌ nijneáˋ co̱o̱ˋ jɨˋ e jloꞌˆ niingˉ ꞌgøngꞌˊ fɨˊ lɨ˜ se̱e̱ˉnaaꞌ lana,

⁷⁹jo̱ e jo̱baꞌ nijmɨcó̱o̱ꞌ˜ quiáꞌˉ jaléngꞌˋ dseaˋ i̱ seengˋ lafaꞌ sɨjúungˉ lɨ˜ nʉʉˋ sǿꞌˋ.Jo̱ Fidiéeˇ niꞌéꞌrˆ jneaa˜aaꞌ fɨˊ guiʉ́ˉ quiáꞌrˉ e laco̱ꞌ nilɨse̱e̱ˉnaaꞌ juguiʉ́ˉ júuˆ røøˋ. Jo̱ jaléꞌˋ e júuˆ na caféꞌˋ Zacarías ie˜ jo̱.

⁸⁰Jo̱ cuaamˋ i̱ yʉ̱ʉ̱ˋ quiáꞌrˉ do laco̱ꞌ ngóoˊ jmɨɨ˜. Jo̱ lajeeˇ cuaaiñˋ, eáangˊ ngóoˊ lɨcuíiñˋ Fidiéeˇ jo̱guɨ eáangˊ ngóoˊ lɨguiúiñˉ laꞌeáangˊ có̱o̱ꞌ˜ Jmɨguíˋ quiáꞌˉ dseaˋ do. Jo̱ mɨ˜ ꞌléꞌˋ cacuáiñˉ, jo̱ cangórˉ fɨˊ co̱o̱ˋ jee˜ móꞌˋ, jo̱ jo̱b cateáaiñˋ cartɨˊ mɨ˜ caguiéˉ jmɨɨ˜ e nilɨcuíiˋ dseaˋ Israel quiáꞌrˉ.