Read Contemporary Tsonga Bible 2024 Tipisalema 97 Bible Online

Tipisalema 97 - Contemporary Tsonga Bible 2024 bible

Tipisalema 97

¹Yehovha i hosi; misava a yi tsake; mintshungu ya swihlala a yi tsake.

²Mapapa ni munyama swi n’wi rhendzele, ku lulama ni vululami i ku akiwa ka xiluvelo xa yena.

³Ndzilo wu huma emahlweni ka yena wu hisa valala vakwe hinkwako-nkwako.

⁴Rihati ra yena ri voningele misava, misava yi vona, yi rhurhumela.

⁵Tintshava ti n’oka ku fana ni matsavu ya tinyoxi emahlweni ka Yehovha, emahlweni ka Hosi ya misava hinkwayo.

⁶Matilo ma twarisa ku lulama ka yena, matiko hinkwawo ma vona ku vangama ka yena.

⁷Hinkwavo lava tirhelaka swifaniso leswi vatliweke va khomiwa hi tingana, lava tibumaka hi swikwembu swa hava; n’wi gandzela, swikwembu hinkwaswo.

⁸Siyoni u swi twile, a tsaka; vana va vanhwanyana va Yuda va tsaka hi ku avanyisa ka wena, Yehovha!

⁹Leswi wena Yehovha u nga ehenhla ka misava hinkwayo, u tlula swikwembu hinkwaswo.

¹⁰N’wina lava rhandzaka Yehovha, venga vubihi; U hlayisa mimoya-xiviri ya varhandziwa va yena; U va ponisa emavokweni ya lavo homboloka.

¹¹Ku vonakala ku byaleriwa lavo lulama, ni ku tsaka ku byaleriwa lava lulameke embilwini.

¹²Tsakani eka Yehovha, n’wina lavo lulama! naswona a hi nkhensiseni ku tsundzuka ku vangama ka Yena.