Read Contemporary Zulu Bible 2024 Mathewu 14 Bible Online

Mathewu 14 - Contemporary Zulu Bible 2024 bible

Mathewu 14

¹Ngalesosikhathi uHerodi umtetrarki wezwa indumela kaJesu.

²Wasesithi ezincekwini zakhe: Lo nguJohane uMbhabhathizi; uvukile kwabafileyo; ngakho-ke imisebenzi yamandla iyabonakala kuye.

³Ngokuba uHerode wayembambile uJohane, wambopha, wamfaka etilongweni ngenxa kaHerodiya umkaFiliphu umfowabo.

⁴Ngokuba uJohane wathi kuye: “Awuvunyelwe ukuba ube naye.

⁵Kwathi esefuna ukumbulala, wesaba isixuku, ngokuba babethi ungumprofethi.

⁶Kwathi sekugujwa usuku lokuzalwa kukaHerodi, indodakazi kaHerodiya yasina phambi kwabo, yamthokozisa uHerodi.

⁷Wasethembisa ngesifungo ukuyinika loba yini engayikucela.

⁸Yayisiyaliwe ngunina yathi: Nginike lapha ngoqwembe ikhanda likaJohane uMbhapathizi.

⁹Inkosi yadabuka, nokho ngenxa yesifungo nangalabo ababehlezi nayo ekudleni yayala ukuba inikwe.

¹⁰Wasethuma wamquma uJohane ikhanda entolongweni.

¹¹Ikhanda lakhe lalethwa ngoqwembe, lanikwa intombazana, yaliyisa kunina.

¹²Kwafika abafundi bakhe, basithatha isidumbu, basimbela; bahamba babikela uJesu.

¹³UJesu esekuzwile lokho wamuka lapho ngomkhumbi, waya endaweni eyihlane eyedwa. Kwathi izixuku zikuzwile, zamlandela ngezinyawo ziphuma emizini.

¹⁴UJesu esephuma, wabona isixuku esikhulu, waba nesihe ngaso, waphulukisa abagulayo babo.

¹⁵Kwathi sekuhlwile, beza kuye abafundi bakhe, bathi: “Le ndawo iyihlane, isikhathi sesihambile; yekela izixuku zihambe, ukuze ziye emizaneni, zizithengele ukudla.

¹⁶Kepha uJesu wathi kubo: “Akudingeki ukuba bamuke; bapheni nina ukudla.

¹⁷Bathi kuye: Sinazo lapha kuphela izinkwa eziyisihlanu nezinhlanzi ezimbili.

¹⁸Wathi: Ziletheni lapha kimi.

¹⁹Wayala isixuku ukuba sihlale phansi etshanini, wazithabatha izinkwa eziyisihlanu nezinhlanzi ezimbili, wabheka ngasezulwini, wazibusisa, wazihlephula, wazinika abafundi izinkwa, abafundi baphakela izixuku.

²⁰Badla bonke, basutha, babutha imvuthuluka eseleyo, iziqabetho eziyishumi nambili ezigcwele.

²¹Lababedlile kwakungamadoda angathi izinkulungwane ezinhlanu ngaphandle kwabesifazane nabantwana.

²²Khona masinyane uJesu wacindezela abafundi bakhe ukuba bangene emkhunjini, bamandulele ukuya phesheya, yena esamukisa izixuku.

²³Esezimukisile izixuku wenyukela entabeni eyedwa ukuyokhuleka; sekuhlwile wayeyedwa lapho.

²⁴Kepha umkhumbi wawususukile elwandle, unyakaziswa ngamaza, ngokuba umoya wawuphambene.

²⁵Ngomlindo wesine wobusuku uJesu waya kubo ehamba phezu kolwandle.

²⁶Kuthe abafundi bembona ehamba phezu kolwandle, bashaywa luvalo, bethi yisithunzi; bakhala ngokwesaba.

²⁷Kodwa uJesu wakhuluma kubo masinyane, wathi: Manini isibindi; yimina; ningesabi.

²⁸UPetru wamphendula wathi: “Nkosi, uma kunguwe, yisho ukuba ngize kuwe phezu kwamanzi.

²⁹Wasesithi: Woza. Futhi lapho uPetru ehla emkhunjini, wahamba phezu kwamanzi, ukuya kuJesu.

³⁰Kodwa ebona umoya wesaba; eseqala ukutshona wakhala wathi: Nkosi, ngisindise.

³¹Khona masinyane uJesu welula isandla, wambamba, wathi kuye: “Wena onokukholwa okuncane, ungabazeleni na?

³²Sebengenile emkhunjini, umoya wanqamuka.

³³Basebesiza ababesemkhunjini, bakhuleka kuye, besithi: Isibili wena uyiNdodana kaNkulunkulu.

³⁴Sebewelile, bafika ezweni laseGenesaretha.

³⁵Kwathi emazi amadoda akuleyondawo, athumela kulo lonke lelo zwe langakhona, aletha kuye bonke ababegula.

³⁶Bamncenga ukuthi bathinte nje umphetho wengubo yakhe;